ਚੰਡੀਗੜ੍ਹ : ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਕੁੱਝ ਦਿਨ ਦਾ ਆਰਾਮ ਫਰਮਾਉਣ ਲਈ ਹਿਮਾਚਲ ਪ੍ਰਦੇਸ਼ 'ਚ ਕੰਡਿਆਲੀ ਸਥਿਤ ਆਪਣੇ ਫਾਰਮ ਹਾਊਸ 'ਤੇ ਚਲੇ ਗਏ ਹਨ। ਹਿਮਾਚਲ ਦੇ ਉੱਚੇ ਪਹਾੜਾਂ 'ਤੇ ਸਥਿਤ ਪਟਿਆਲਾ ਪਰਿਵਾਰ ਦੇ ਇਸ ਆਲੀਸ਼ਾਨ ਘਰ ਵਿੱਚ ਮੁੱਖ ਮੰਤਰੀ ਪਿਛਲੇ ਕਾਫ਼ੀ ਸਮੇਂ ਤੋਂ ਨਹੀਂ ਗਏ ਸਨ।
ਮੁੱਖ ਮੰਤਰੀ ਬੀਤੀ ਸਵੇਰੇ ਇਥੋਂ ਹੈਲੀਕਾਪਟਰ ਰਾਹੀਂ ਕੰਡਿਆਲੀ ਲਈ ਰਵਾਨਾ ਹੋਏ ਅਤੇ 15-16 ਮਾਰਚ ਤੱਕ ਵਾਪਸ ਚੰਡੀਗੜ੍ਹ ਪਰਤ ਆਉਣਗੇ। ਉੱਝ ਸਰਕਾਰੀ ਅਧਿਕਾਰੀ ਇਨ੍ਹਾਂ ਦਿਨਾਂ ਦੌਰਾਨ ਜ਼ਰੂਰੀ ਫਾਈਲਾਂ ਆਦਿ ਦਾ ਕੰਮ ਕਰਵਾਉਣ ਲਈ ਕੰਡਿਆਲੀ ਜਾਂਦੇ ਰਹਿਣਗੇ। ਦੱਸਣਯੋਗ ਹੈ ਕਿ ਮੁੱਖ ਮੰਤਰੀ ਅਗਲੇ ਹਫ਼ਤੇ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਹੀ ਪਰਤ ਆਉਣਗੇ।