ਚੰਡੀਗੜ੍ਹ ਪੀਜੀਆਈ ਦੇ ਡਾਕਟਰ ਨੇ ਵੈਂਟੀਲੇਟਰ ਦੇ ਬਦਲ ਵਜੋਂ ਬਣਾਇਆ ਆਟੋਮੈਟਿਕ ਅੰਬੂ ਬੈਗ

ਪੀਜੀਆਈ ਦੇ ਡਾਕਟਰ ਰਾਜੀਵ ਚੌਹਾਨ ਅਤੇ ਉਨ੍ਹਾਂ ਦੀ ਟੀਮ ਨੇ ਵੈਂਟੀਲੇਟਰ ਦੇ ਵਿਕਲਪ ਦੇ ਤੌਰ 'ਤੇ ਆਟੋਮੈਟਿਕ ਅੰਬੂ ਬੈਗ ਤਿਆਰ ਕੀਤਾ ਹੈ, ਜੋ ਵੈਂਟੀਲੇਟਰ ਦੀ ਤਰ੍ਹਾਂ ਹੀ ਕੰਮ ਕਰਦਾ ਹੈ।

ਚੰਡੀਗੜ੍ਹ: ਦੇਸ਼ ਇਸ ਸਮੇਂ ਕੋਰੋਨਾ ਵਾਇਰਸ ਨਾਲ ਜੂਝ ਰਿਹਾ ਹੈ ਅਤੇ ਇਸ ਸਮੇਂ ਵਾਇਰਸ ਦੇ ਮਰੀਜ਼ਾਂ ਨੂੰ ਵੈਂਟੀਲੇਟਰ ਦੀ ਸਭ ਤੋਂ ਜ਼ਿਆਦਾ ਜ਼ਰੂਰਤ ਹੈ ਪਰ ਦੇਸ਼ ਵਿੱਚ ਇਸ ਦੀ ਭਾਰੀ ਕਮੀ ਹੈ ਪਰ ਇਸ ਸਭ ਦੇ ਵਿੱਚ ਪੀਜੀਆਈ ਦੇ ਡਾਕਟਰ ਰਾਜੀਵ ਚੌਹਾਨ ਅਤੇ ਉਨ੍ਹਾਂ ਦੀ ਟੀਮ ਨੇ ਵੈਂਟੀਲੇਟਰ ਦੇ ਵਿਕਲਪ ਦੇ ਤੌਰ 'ਤੇ ਆਟੋਮੈਟਿਕ ਅੰਬੂ ਬੈਗ ਤਿਆਰ ਕੀਤਾ ਹੈ, ਜੋ ਵੈਂਟੀਲੇਟਰ ਦੀ ਤਰ੍ਹਾਂ ਹੀ ਕੰਮ ਕਰਦਾ ਹੈ। ਇਸ ਮਸ਼ੀਨ ਦੇ ਨਾਲ ਮਰੀਜ਼ ਨੂੰ ਸਾਹ ਲੈਣ ਵਿੱਚ ਮੁਸ਼ਕਿਲ ਨਹੀਂ ਆਉਂਦੀ ਹੈ।

ਇਸ ਨੂੰ ਬਣਾਉਣ ਵਾਲੇ ਹਿਮਾਚਲ ਦੇ ਰਾਜੀਵ ਚੌਹਾਨ ਨੇ ਕਿਹਾ ਕਿ ਇਹ ਇਲੈਕਟ੍ਰਾਨਿਕ ਉਪਕਰਨ ਹੈ। ਜੋ ਵੈਂਟੀਲੇਟਰ ਦਾ ਵਿਕਲਪ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨੂੰ ਮਰੀਜ਼ ਦਾ ਪਰਿਵਾਰ ਅੰਬੂ ਬੈਗ ਨੂੰ ਵਾਰ-ਵਾਰ ਦਬਾ ਕੇ ਪ੍ਰਯੋਗ ਕਰਦਾ ਹੈ। ਇਸ ਨੂੰ ਜ਼ਰੂਰਤ ਦੇ ਅਨੁਸਾਰ ਪ੍ਰੈਸ਼ਰ ਨੂੰ ਮੇਨਟੇਨ ਕੀਤਾ ਜਾ ਸਕਦਾ ਹੈ।

ਡਾਕਟਰ ਨੇ ਦੱਸਿਆ ਕਿ ਇਹ ਉਪਕਰਨ ਬਿਜਲੀ ਨਾਲ ਚੱਲੇਗਾ ਅਤੇ ਬੈਟਰੀ ਬੈਕਅੱਪ ਰਹੇਗਾ ਜੋ 6 ਤੋਂ 8 ਘੰਟੇ ਆਪਣਾ ਕੰਮ ਕਰੇਗਾ। ਉਨ੍ਹਾਂ ਦੇ ਅਨੁਸਾਰ ਇਹ ਉਪਕਰਨ ਉਨ੍ਹਾਂ ਲਈ ਫਾਇਦੇਮੰਦ ਹੋਵੇਗਾ ਜੋ ਵੈਂਟੀਲੇਟਰ ਨਹੀ ਖ਼ਰੀਦ ਸਕਦਾ। ਡਾਕਟਰ ਰਾਜੀਵ ਦੇ ਮੁਤਾਬਕ ਵੈਂਟੀਲੇਟਰ ਦੇ ਮੁਕਬਾਲੇ ਇਸ ਦੀ ਕੀਮਤ ਘੱਟ ਹੈ।

ਉਨ੍ਹਾਂ ਦੱਸਿਆ ਇਹ ਉਪਕਰਨ ਬਹੁਤ ਵਧੀਆ ਕਾਰਗਰ ਸਾਬਿਤ ਹੋਵੇਗਾ ਤੇ ਦੱਸਿਆ ਇਸ ਨੂੰ ਬਣਾਉਣ ਲਈ ਡੇਢ ਸਾਲ ਦੇ ਕਰੀਬ ਸਮਾਂ ਲੱਗਿਆ ਹੈ।