ਕੋਰੋਨਾ ਕਾਲ ਦੌਰਾਨ ਬਠਿੰਡਾ ਦੇ ਸਰਕਾਰੀ ਹਸਪਤਾਲ ’ਚ 3 ਡਾਕਟਰਾਂ ਨੇ ਦਿੱਤਾ ਅਸਤੀਫ਼ਾ

ਐੱਸਐੱਮਓ ਮਰਿੰਦਰਪਾਲ ਸਿੰਘ ਨੇ ਦੱਸਿਆ ਕਿ 2 ਐਮਡੀ ਡਾਕਟਰਾਂ ਨੇ ਆਪਣੇ ਅਸਤੀਫ਼ੇ ਦੇ ਪਿੱਛੇ ਘਰੇਲੂ ਕਾਰਨ ਦੱਸੇ ਹਨ ਜਦੋਂ ਕਿ ਅੱਖਾਂ ਦੀ ਮਾਹਿਰ ਡਾਕਟਰ ਦੀਪਿਕਾ ਗੁਪਤਾ ਦੇ ਪਤੀ ਏਅਰਫੋਰਸ ’ਚ ਹਨ ਤੇ ਉਹਨਾਂ ਨੇ ਵੀ ਏਅਰਫੋਰਜ ’ਚ ਭਰਤੀ ਹੋਣਾ ਹੈ।

ਬਠਿੰਡਾ:ਵਿਸ਼ਵ ਭਰ ’ਚ ਕੋਰੋਨਾ ਨੇ ਤਬਾਹੀ ਮਚਾਈ ਹੋਈ ਹੈ ਤੇ ਲੋਕ ਸਹਿਮੇ ਹੋਏ ਹਨ। ਜਿਥੇ ਇਸ ਸਮੇਂ ਰੱਬ ਬਣ ਕੰਮ ਕਰ ਰਹੇ ਡਾਕਟਰਾਂ ਦਾ ਬਹੁਤ ਵੱਡਾ ਰੋਲ ਹੈ ਉਥੇ ਹੀ ਕੁਝ ਡਾਕਟਰ ਆਪਣੀ ਇਸ ਜ਼ਿੰਮੇਵਾਰੀ ਤੋਂ ਭੱਜਦੇ ਨਜ਼ਰ ਆ ਰਹੇ ਹਨ। ਤਾਜ਼ਾ ਮਾਮਲਾ ਬਠਿੰਡਾ ਤੋਂ ਸਾਹਮਣੇ ਆਇਆ ਹੈ ਜਿਥੇ ਸਰਕਾਰੀ ਹਸਪਤਾਲ ਦੇ 2 ਐਮ.ਡੀ. ਮੈਡੀਸਨ ਅਤੇ ਇੱਕ ਆਈਜੀ ਸਪੈਸ਼ਲਿਸਟ ਡਾਕਟਰਾਂ ਨੇ ਅਸਤੀਫ਼ਾ ਦੇ ਦਿੱਤਾ ਹੈ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐੱਸਐੱਮਓ ਮਰਿੰਦਰਪਾਲ ਸਿੰਘ ਨੇ ਦੱਸਿਆ ਕਿ 2 ਐਮਡੀ ਡਾਕਟਰਾਂ ਨੇ ਆਪਣੇ ਅਸਤੀਫ਼ੇ ਦੇ ਪਿੱਛੇ ਘਰੇਲੂ ਕਾਰਨ ਦੱਸੇ ਹਨ ਜਦੋਂ ਕਿ ਅੱਖਾਂ ਦੀ ਮਾਹਿਰ ਡਾਕਟਰ ਦੀਪਿਕਾ ਗੁਪਤਾ ਦੇ ਪਤੀ ਏਅਰਫੋਰਸ ’ਚ ਹਨ ਤੇ ਉਹਨਾਂ ਨੇ ਵੀ ਏਅਰਫੋਰਜ ’ਚ ਭਰਤੀ ਹੋਣਾ ਹੈ।

ਐੱਸਐੱਮਓ ਮਰਿੰਦਰਪਾਲ ਸਿੰਘ ਨੇ ਕਿਹਾ ਕਿ ਤਿੰਨਾਂ ਡਾਕਟਰਾਂ ਦੇ ਅਸਤੀਫ਼ਾ ਦੇਣ ਤੋਂ ਬਾਅਦ ਬਾਕੀ ਡਾਕਟਰਾਂ ’ਤੇ ਕੰਮ ਦਾ ਭਾਰ ਵਧ ਗਿਆ ਹੈ। ਇਸ ਤੋਂ ਇਲਾਵਾਂ ਉਹਨਾਂ ਨੇ ਕਿਹਾ ਕਿ ਇਸ ਸਬੰਧੀ ਅਸੀਂ ਸਿਹਤ ਮਹਿਕਮੇ ਨੂੰ ਜਾਣਕਾਰੀ ਭੇਜ ਦਿੱਤੀ ਹੈ ਜਿਸ ਸਬੰਧੀ ਅਜੇ ਜਵਾਬ ਆਉਣਾ ਬਾਕੀ ਹੈ। ਇਸ ਦੇ ਨਾਲ ਉਹਨਾਂ ਨੇ ਕਿਹਾ ਕਿ ਜਲਦ ਤੋਂ ਜਲਦ ਹੀ ਨਵੇਂ ਡਾਕਟਰਾਂ ਦੀ ਭਰਤੀ ਕਰ ਲਈ ਜਾਵੇਗੀ।