ਕਹਿੰਦਾ ਤਾਂ ਹਰ ਕੋਈ ਹੈ ਪਰ ਇਸ ਕੁੜੀ ਨੇ ਕਰ ਵਿਖਾਇਆ ?

ਅੱਜ ਕੱਲ੍ਹ ਜਿੱਥੇ ਨੌਜਵਾਨ ਮਹਿੰਗੇ-ਮਹਿੰਗੇ ਕੱਪੜਿਆਂ 'ਤੇ ਪੈਸੇ ਖ਼ਰਚ ਕਰਦੇ ਹਨ, ਓਥੇ ਹੀ 19 ਸਾਲਾ ਨੰਦਨੀ ਆਪਣਾ ਸਾਰਾ ਜੇਬ ਖ਼ਰਚ ਜ਼ਰੂਰਤ ਮੰਦਾਂ ਦੇ ਇਲਾਜ ਲਈ ਖ਼ਰਚ ਕਰਦੀ ਹੈ।

ਬਠਿੰਡਾ: ਰਾਜਸਥਾਨ ਦੇ ਗੰਗਾਨਗਰ ਵਾਸੀ ਨੰਦਨੀ ਆਪਣੇ ਜੇਬ ਖਰਚ ਤੋਂ ਪੈਸੇ ਬਚਾ ਲੋੜਵੰਦ ਬਿਮਾਰ ਮਰੀਜ਼ਾਂ ਦੀ ਮਦਦ ਕਰਦੀ ਹੈ। 19 ਸਾਲ ਦੀ ਵਿਦਿਆਰਥਣ ਨੰਦਨੀ ਕਾਫੀ ਸਮੇਂ ਤੋਂ ਜ਼ਰੂਰਤ ਮੰਦ ਲੋਕਾਂ ਦੀ ਮਦਦ ਕਰ ਰਹੀ ਹੈ। ਨੰਦਨੀ ਨੇ ਦੱਸਿਆ ਕਿ ਉਸ ਨੂੰ ਜੋ ਜੇਬ ਖ਼ਰਚਾ ਮਿਲਦਾ ਹੈ ਉਹ ਆਪਣੇ ਉਤੇ ਘੱਟ ਅਤੇ ਜ਼ਰੂਰਤ ਮੰਦ ਲੋਕਾਂ ਦੀ ਮਦਦ ਲਈ ਵੱਧ ਖ਼ਰਚ ਕਰਦੀ ਹੈ।

ਉਹ ਸਰਕਾਰੀ ਹਸਪਤਾਲ ਤੋਂ ਇਲਾਵਾ ਪ੍ਰਾਈਵੇਟ ਹਸਪਤਾਲ ਵਿੱਚ ਇਲਾਜ ਲਈ ਭਰਤੀ ਜ਼ਰੂਰਤ ਮੰਦ ਮਰੀਜ਼ਾਂ ਦੀ ਆਰਥਿਕ ਮਦਦ ਕਰਦੀ ਹੈ।ਨੰਦਨੀ ਨੇ ਦੱਸਿਆ ਕਿ ਪਹਿਲੀ ਵਾਰ ਉਸਨੂ ਸ਼ੋਸ਼ਲ ਸਾਇਟ ਉੱਤੇ ਪਤਾ ਲੱਗਿਆ ਕਿ ਇੱਕ ਮਰੀਜ਼ ਕੋਲ ਇਲਾਜ ਲਈ ਪੈਸੈ ਨਹੀਂ ਹਨ ਜਿਸ ਤੋਂ ਬਾਅਦ ਉਹ ਹਸਪਤਾਲ ਵਿੱਚ ਗਈ ਅਤੇ ਮਰੀਜ਼ ਦੇ ਇਲਾਜ ਲਈ ਪੈਸੇ ਦਿੱਤੇ। ਨੰਦਨੀ ਦਾ ਕਹਿਣਾ ਹੈ ਕਿ ਭਵਿੱਖ ਵਿੱਚ ਵੀ ਉਹ ਜ਼ਰੂਰਤ ਮੰਦ ਮਰੀਜ਼ਾਂ ਦੀ ਮਦਦ ਕਰਦੀ ਰਹੇਗੀ।