ਪੁਲਿਸ ’ਤੇ ਲੱਗੇ ਕਾਤਲਾਂ ਦਾ ਸਾਥ ਦੇ ਕੇ ਕਣਕ ਵੱਢਣ ਦੇ ਇਲਜ਼ਾਮ

ਪਿੰਡ ਕਸਬਾ ਰਾਮ ਦਿਵਾਲੀ ’ਚ ਇੱਕ ਪੀੜਤ ਪਰਿਵਾਰ ਨੇ ਪੁਲਿਸ ’ਤੇ ਮੁਲਜ਼ਮਾਂ ਨਾਲ ਮਿਲਕੇ ਕਣਕ ਵੱਢਣ ਦੇ ਇਲਜ਼ਾਮ ਲਗਾਏ ਹਨ। ਜਦਕਿ ਉਧਰ ਪੁਲਿਸ ਵੀ ਕੋਈ ਸਪਸ਼ਟ ਜਵਾਬ ਦੇ ਨਹੀਂ ਸਕੀ।

ਅੰਮ੍ਰਿਤਸਰ:ਹਲਕਾ ਕੱਥੂਨੰਗਲ ਦੇ ਪਿੰਡ ਕਸਬਾ ਰਾਮ ਦਿਵਾਲੀ ਵਿੱਚ ਕੁੱਝ ਦਿਨ ਪਹਿਲਾਂ ਕੁੱਝ ਆਦਮੀਆਂ ਦੇ ਵੱਲੋਂ ਤੇਜ਼ਧਾਰ ਹਥਿਆਰ ਨਾਲ ਇੱਕ ਨੌਜਵਾਨ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ ਸੀ। ਜਿਸ ਨੂੰ ਲੈ ਕੇ ਪੁਲਿਸ ਨੇ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ ਤੇ ਨਾ ਹੀ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਥੇ ਹੀ ਪੁਲਿਸ ਦਾ ਇੱਕ ਨਵਾਂ ਕਾਰਨਾਮਾ ਸਾਮਹਣੇ ਆਇਆ ਹੈ ਜਿਥੇ ਮੁਲਜ਼ਮ ਪਰਿਵਾਰ ਨਾਲ ਮਿਲਕੇ ਪੁਲਿਸ ਨੇ ਕਣਕ ਦੀ ਫਸਲ ਵਡਵਾਈ ਗਈ ਜਦਕਿ ਪੀੜਤ ਪਰਿਵਾਰ ਨੂੰ ਫਸਲ ਨੂੰ ਨਹੀਂ ਕੱਟਣ ਦਿੱਤੀ ਗਈ।

ਮ੍ਰਿਤਕ ਦੀ ਮਾਂ ਨੇ ਦੱਸਿਆ ਕਿ ਪੁਲਿਸ ਵੱਲੋਂ ਮੁਲਜ਼ਮਾਂ ਖ਼ਿਲਾਫ਼ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ ਹੈ ਤੇ ਹੁਣ ਪੁਲਿਸ ਮੁਲਜ਼ਮਾਂ ਨਾਲ ਮਿਲ ਸਾਡੀ ਕਣਕ ਦੀ ਵਢਵਾ ਰਹੀ ਹੈ। ਉਥੇ ਹੀ ਦੂਜੇ ਪਾਸੇ ਪੁਲਿਸ ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਵੱਲੋਂ ਇੱਕ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ ਅਤੇ ਬਾਕੀ ਬਚੇ ਮੁਲਜ਼ਮਾਂ ਨੂੰ ਵੀ ਛੇਤੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ। ਫਸਲ ਕੱਟਣ ਨੂੰ ਲੈ ਕੇ ਪੁਲਿਸ ਅਧਿਕਾਰੀ ਕੋਈ ਵੀ ਤਸੱਲੀ ਭਰਿਆ ਬਿਆਨ ਨਹੀਂ ਦੇ ਸਕੇ।