ਭਾਰਤੀ ਰਿਜ਼ਰਵ ਬੈਂਕ ਦੀ ਮੁਦਰਾ ਨੀਤੀ ਸਮੀਖਿਆ ਬੈਠਕ 'ਚ ਰੈਪੋ ਦਰ 'ਚ ਹੋ ਸਕਦੈ ਵਾਧਾ

ਦੇਸ਼ ਦੀ ਪ੍ਰਚੂਨ ਮਹਿੰਗਾਈ ਦਰ ਲਗਾਤਾਰ 7 ਫੀਸਦੀ ਤੋਂ ਉਪਰ ਬਣੀ ਹੋਈ ਹੈ। ਜੇਕਰ ਰਿਜ਼ਰਵ ਬੈਂਕ ਰੇਪੋ ਰੇਟ ਵਧਾਉਂਦਾ ਹੈ ਤਾਂ ਬੈਂਕ ਕਰਜ਼ੇ 'ਤੇ ਵਿਆਜ ਦਰ ਵਧਾ ਸਕਦੇ ਹਨ। ਰਿਜ਼ਰਵ ਬੈਂਕ ਨੇ ਮਈ 'ਚ 0.40 ਫੀਸਦੀ ਅਤੇ ਜੂਨ 'ਚ 0.50 ਫੀਸਦੀ ਦਾ ਵਾਧਾ ਕੀਤਾ ਸੀ।

ਨਵੀਂ ਦਿੱਲੀ: ਭਾਰਤੀ ਰਿਜ਼ਰਵ ਬੈਂਕ ਦੀ ਮੁਦਰਾ ਨੀਤੀ ਕਮੇਟੀ ਦੀ ਬੈਠਕ ਅੱਜ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ। ਇਸ ਮੀਟਿੰਗ ਵਿੱਚ ਕੇਂਦਰੀ ਬੈਂਕ ਨੀਤੀਗਤ ਫੈਸਲੇ ਲਵੇਗਾ, ਜਿਸ ਦਾ ਐਲਾਨ ਆਰਬੀਆਈ ਗਵਰਨਰ ਸ਼ਕਤੀਕਾਂਤ ਦਾਸ 5 ਅਗਸਤ ਨੂੰ ਕਰਨਗੇ। ਦੱਸਿਆ ਜਾ ਰਿਹਾ ਹੈ ਕਿ 3 ਤੋਂ 5 ਅਗਸਤ ਦਰਮਿਆਨ ਹੋਣ ਵਾਲੀ ਇਸ ਬੈਠਕ 'ਚ ਆਰਬੀਆਈ ਰੈਪੋ ਰੇਟ ਵਧਾ ਸਕਦਾ ਹੈ। ਇਸ ਤੋਂ ਪਹਿਲਾਂ ਹੋਈ ਮੁਦਰਾ ਨੀਤੀ ਕਮੇਟੀ ਦੀ ਮੀਟਿੰਗ ਵਿੱਚ ਵੀ ਆਰਬੀਆਈ ਨੇ ਰੇਪੋ ਦਰ ਵਿੱਚ ਵਾਧਾ ਕੀਤਾ ਸੀ। ਹਰ ਦੋ ਮਹੀਨਿਆਂ ਬਾਅਦ ਹੋਣ ਵਾਲੀ ਮੁਦਰਾ ਨੀਤੀ ਕਮੇਟੀ ਦੀ ਮੀਟਿੰਗ ਅੱਜ ਤੋਂ ਸ਼ੁਰੂ ਹੋ ਰਹੀ ਹੈ।

ਪਿਛਲੀ ਵਾਰ ਜਦੋਂ ਇੰਨਾ ਹੋਇਆ ਵਾਧਾ : ਪ੍ਰਚੂਨ ਮਹਿੰਗਾਈ ਦਰ ਲਗਾਤਾਰ 7 ਫੀਸਦੀ ਤੋਂ ਉਪਰ ਰਹੀ ਹੈ। ਜੇਕਰ ਕੇਂਦਰੀ ਬੈਂਕ ਰੇਪੋ ਦਰ ਵਧਾਉਂਦਾ ਹੈ, ਤਾਂ ਬੈਂਕ ਕਰਜ਼ੇ 'ਤੇ ਵਿਆਜ ਦਰ ਵਧਾ ਸਕਦੇ ਹਨ। ਰਿਜ਼ਰਵ ਬੈਂਕ ਨੇ ਮਈ 'ਚ 0.40 ਫੀਸਦੀ ਅਤੇ ਜੂਨ 'ਚ 0.50 ਫੀਸਦੀ ਦਾ ਵਾਧਾ ਕੀਤਾ ਸੀ। ਲਗਾਤਾਰ ਵਾਧੇ ਤੋਂ ਬਾਅਦ ਰੈਪੋ ਦਰ 4.90 ਫੀਸਦੀ ਹੋ ਗਈ ਹੈ।

ਮਹਿੰਗਾਈ ਦਰ:ਜੂਨ ਮਹੀਨੇ 'ਚ ਮਹਿੰਗਾਈ ਦਰ 7.01 ਫੀਸਦੀ ਰਹੀ। ਇਹ ਲਗਾਤਾਰ ਛੇਵੀਂ ਵਾਰ ਸੀ ਜਦੋਂ ਮਹਿੰਗਾਈ ਦਰ ਰਿਜ਼ਰਵ ਬੈਂਕ (ਆਰਬੀਆਈ) ਦੁਆਰਾ ਨਿਰਧਾਰਤ ਟੀਚੇ ਦੀ ਸੀਮਾ ਤੋਂ ਵੱਧ ਸੀ। ਜੁਲਾਈ ਮਹੀਨੇ ਦੇ ਅੰਕੜੇ ਅਜੇ ਆਉਣੇ ਬਾਕੀ ਹਨ। ਮਈ ਮਹੀਨੇ 'ਚ ਪ੍ਰਚੂਨ ਮਹਿੰਗਾਈ ਦਰ 7.04 ਫੀਸਦੀ ਸੀ। ਅਪ੍ਰੈਲ ਮਹੀਨੇ 'ਚ ਪ੍ਰਚੂਨ ਮਹਿੰਗਾਈ ਦਰ 7.79 ਫੀਸਦੀ ਦਰਜ ਕੀਤੀ ਗਈ ਸੀ। ਜੂਨ 'ਚ ਖੁਰਾਕੀ ਮਹਿੰਗਾਈ ਦਰ 7.75 ਫੀਸਦੀ ਸੀ, ਜੋ ਮਈ 'ਚ 7.97 ਫੀਸਦੀ ਦਰਜ ਕੀਤੀ ਗਈ ਸੀ।



ਇਹ ਵੀ ਪੜ੍ਹੋ:ਚਿੱਪ ਦੀ ਕਮੀ ਕਾਰਨ ਮਾਰੂਤੀ ਸੁਜ਼ੂਕੀ ਦਾ ਉਤਪਾਦਨ ਘਟਿਆ, 51,000 ਯੂਨਿਟਾਂ ਦਾ ਹੋਇਆ ਨੁਕਸਾਨ