ਨਵੀਂ ਦਿੱਲੀ:ਰਾਸ਼ਟਰੀ ਅੰਕੜਾ ਦਫ਼ਤਰ (NSO) ਦੇ ਜਾਰੀ ਅੰਕੜਿਆਂ ਮੁਤਾਬਕ ਖੁਦਰਾ ਮਹਿੰਗਾਈ ਘੱਟ ਕੇ ਇਕ ਸਾਲ ਦੇ ਹੇਠਲੇ ਪੱਧਰ ਉੱਤੇ ਆ ਗਈ ਹੈ। ਇਸ ਦੇ ਨਾਲ ਹੀ, ਦੇਸ਼ ਦਾ ਉਦੋਯਗਿਕ ਉਤਪਾਦਨ ਵੱਧ ਕੇ ਪੰਜ ਮਹੀਨਿਆਂ ਦੇ ਸਿਖਰ ਉੱਤੇ ਪਹੁੰਚ ਗਿਆ ਹੈ। NSO ਦੇ ਅੰਕੜਿਆਂ ਮੁਤਾਬਕ, ਖਾਣ-ਪੀਣ ਦੀਆਂ ਚੀਜ਼ਾਂ ਦੀ ਕੀਮਤ ਵਿੱਚ ਗਿਰਾਵਟ ਦਾ ਕਾਰਨ ਖੁਦਰਾ ਮਹਿੰਗਾਈ ਦਸਬੰਰ 2022 ਵਿੱਚ ਘੱਟ ਹੋ ਕੇ 5.72 ਫੀਸਦੀ ਰਹਿ ਗਿਆ ਹੈ। ਦਸੰਬਰ 2021 ਵਿੱਚ ਇਹ ਅੰਕੜਾ 5.66 ਫੀਸਦੀ ਸੀ। ਖਾਦ ਪਦਾਰਥਾਂ ਦੀਆਂ ਕੀਮਤਾਂ ਵਿੱਚ ਨਰਮੀ ਆਉਣ ਕਰਕੇ Consumer Price Index (CPI) ਆਧਾਰਿਤ ਮਹਿੰਗਾਈ ਪਿਛਲੇ ਸਾਲ ਨਵੰਬਰ ਵਿੱਚ ਘੱਟ ਕੇ 11 ਮਹੀਨੇ ਦੇ ਹੇਠਲੇ ਪੱਧਰ ਉੱਤੇ 5.88 ਫੀਸਦੀ ਉੱਤੇ ਆ ਗਈ ਹੈ।
RBI ਦੀ ਮੁਦਰਾ ਨੀਤੀ ਦਾ ਅਸਰ, ਲਗਾਤਾਰ ਦੂਜੇ ਮਹੀਨੇ ਮਹਿੰਗਾਈ ਤੋਂ ਰਾਹਤ:ਖੁਦਰਾ (ਰਿਟੇਲ) ਮਹਿੰਗਾਈ ਦੇ ਮੋਰਚੇ ਉੱਤੇ ਆਰਬੀਆਈ ਨੂੰ ਲਗਾਤਾਰ ਦੂਜੇ ਮਹੀਨੇ ਮਹਿੰਗਾਈ ਤੋਂ ਰਾਹਤ ਮਿਲੀ ਹੈ। ਸੀਪੀਆਈ ਮਹਿੰਗਾਈ ਜਨਵਰੀ 2022, ਵਿੱਚ ਅਕਤੂਬਰ ਤੱਕ ਲਗਾਤਾਰ ਕੇਂਦਰੀ ਰਿਜ਼ਰਵ ਬੈਂਕ ਦੇ 6 ਫੀਸਦੀ ਤੋਂ ਉਪਰਲੀ ਸੀਮਾ ਤੋਂ ਵੱਧ ਰਹੀ ਹੈ। ਨਵੰਬਰ ਵਿੱਚ ਇਹ ਪਹਿਲੀ ਵਾਰ ਘੱਟ 6 ਫੀਸਦੀ ਤੋਂ ਹੇਠਾਂ ਆਈ। ਦਸੰਬਰ 'ਚ ਹੋਰ ਨਰਮੀ ਆਈ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਆਰਬੀਆਈ ਐਕਟ ਦੇ ਤਹਿਤ, ਮਹਿੰਗਾਈ ਦੀ ਆਦਰਸ਼ ਦਰ 2-6 ਪ੍ਰਤੀਸ਼ਤ ਹੈ। ਮਹਿੰਗਾਈ ਨੂੰ ਕੰਟਰੋਲ ਕਰਨ ਲਈ ਆਰਬੀਆਈ ਲਗਾਤਾਰ ਆਪਣੀ ਮੁਦਰਾ ਨੀਤੀ ਬਦਲ ਰਿਹਾ ਹੈ। ਪਿਛਲੇ ਮਹੀਨੇ ਆਰਬੀਆਈ ਨੇ ਰੈਪੋ ਰੇਟ ਵਿੱਚ 0.35 ਫੀਸਦੀ ਦਾ ਵਾਧਾ ਕੀਤਾ ਸੀ। ਆਰਬੀਆਈ ਨੇ ਲਗਾਤਾਰ ਪੰਜਵੀਂ ਵਾਰ ਵਿਆਜ ਦਰਾਂ ਵਿੱਚ ਵਾਧਾ ਕਰਦੇ ਹੋਏ ਰੈਪੋ ਦਰ ਵਿੱਚ 2.25 ਆਧਾਰ ਅੰਕ ਦਾ ਵਾਧਾ ਕੀਤਾ ਹੈ। ਹਾਲ ਹੀ ਵਿੱਚ, ਭਾਰਤੀ ਰਿਜ਼ਰਵ ਬੈਂਕ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਕਿ ਬੈਂਕ ਮਹਿੰਗਾਈ ਦੇ ਖਿਲਾਫ ਆਪਣੀ ਲੜਾਈ ਜਾਰੀ ਰੱਖੇਗਾ।