Share Market : RBI ਦੀ ਬੈਠਕ ਸਮੇਤ ਇਹ ਫੈਕਟਰ ਤੈਅ ਕਰਨਗੇ ਬਾਜ਼ਾਰ ਦੀ ਚਾਲ, ਜਾਣੋ ਮਾਹਰਾਂ ਦੀ ਰਾਏ

ਸੋਮਵਾਰ ਤੋਂ ਸ਼ੁਰੂ ਹੋਣ ਵਾਲੇ ਹਫਤੇ 'ਚ ਸ਼ੇਅਰ ਬਾਜ਼ਾਰ ਕਿਹੋ ਜਿਹਾ ਰਹੇਗਾ, ਇਹ ਕਈ ਪਹਿਲੂਆਂ 'ਤੇ ਨਿਰਭਰ ਕਰੇਗਾ। ਜਿਸ ਵਿੱਚ RBI ਦੀ ਮੁਦਰਾ ਨੀਤੀ ਕਮੇਟੀ (MPC) ਦੀ ਮੀਟਿੰਗ ਅਤੇ ਕਈ ਕੰਪਨੀਆਂ ਦੇ ਤਿਮਾਹੀ ਨਤੀਜੇ ਸ਼ਾਮਲ ਹਨ

ਨਵੀਂ ਦਿੱਲੀ:ਇਸ ਹਫਤੇ ਸ਼ੇਅਰ ਬਾਜ਼ਾਰਾਂ ਦੀ ਹਲਚਲ ਕਾਫੀ ਹੱਦ ਤੱਕ ਵਿਆਜ ਦਰ 'ਤੇ ਆਈ.ਬੀ.ਆਈ ਦੇ ਫੈਸਲੇ, ਜੂਨ ਦੇ ਉਦਯੋਗਿਕ ਉਤਪਾਦਨ ਦੇ ਅੰਕੜਿਆਂ ਅਤੇ ਕੰਪਨੀਆਂ ਦੇ ਤਿਮਾਹੀ ਨਤੀਜਿਆਂ 'ਤੇ ਤੈਅ ਹੋਵੇਗੀ। ਵਿਸ਼ਲੇਸ਼ਕਾਂ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਆਲਮੀ ਬਾਜ਼ਾਰ ਦੇ ਰੁਝਾਨ, ਤੇਲ ਦੀਆਂ ਕੀਮਤਾਂ 'ਚ ਉਤਰਾਅ-ਚੜ੍ਹਾਅ ਅਤੇ ਵਿਦੇਸ਼ੀ ਨਿਵੇਸ਼ਕਾਂ ਦੇ ਰਵੱਈਏ ਦਾ ਵੀ ਬਾਜ਼ਾਰ 'ਤੇ ਅਸਰ ਪਵੇਗਾ।ਸਵਾਸਤਿਕਾ ਇਨਵੈਸਟਮਾਰਟ ਲਿਮਟਿਡ ਦੇ ਸੀਨੀਅਰ ਤਕਨੀਕੀ ਵਿਸ਼ਲੇਸ਼ਕ ਪ੍ਰਵੇਸ਼ ਗੌੜ ਨੇ ਕਿਹਾ ਕਿ ਬਾਜ਼ਾਰ 'ਤੇ ਆਰ.ਬੀ.ਆਈ. ਮੌਦਰਿਕ ਨੀਤੀ ਕਮੇਟੀ (MPC) ਦੀ ਮੀਟਿੰਗ ਹੋਵੇਗੀ, ਜਿਸ ਦੇ ਨਤੀਜੇ 10 ਅਗਸਤ, 2023 ਨੂੰ ਐਲਾਨੇ ਜਾਣਗੇ।

ਨਿਰਮਾਣ ਵਰਗੇ ਪ੍ਰਮੁੱਖ ਵਿਕਾਸ 'ਤੇ ਨੇੜਿਓਂ ਨਜ਼ਰ:ਇਸ ਤੋਂ ਇਲਾਵਾ ਅਡਾਨੀ ਪੋਰਟਸ, ਕੋਲ ਇੰਡੀਆ,ਹੀਰੋ ਮੋਟੋਕਾਰਪ, ਹਿੰਡਾਲਕੋ ਅਤੇ ਓਐਨਜੀਸੀ ਵਰਗੀਆਂ ਵੱਡੀਆਂ ਕੰਪਨੀਆਂ ਦੇ ਤਿਮਾਹੀ ਨਤੀਜੇ ਵੀ ਇਸ ਹਫ਼ਤੇ ਨਿਗਰਾਨੀ ਹੇਠ ਰਹਿਣਗੇ।ਮੈਕਰੋ-ਆਰਥਿਕ ਮੋਰਚੇ 'ਤੇ,ਮਾਰਕੀਟ ਭਾਗੀਦਾਰ ਉਦਯੋਗਿਕ ਉਤਪਾਦਨ ਅਤੇ ਨਿਰਮਾਣ ਵਰਗੇ ਪ੍ਰਮੁੱਖ ਵਿਕਾਸ 'ਤੇ ਨੇੜਿਓਂ ਨਜ਼ਰ ਰੱਖਣਗੇ। ਗੌਰ ਨੇ ਕਿਹਾ ਇਹ ਅੰਕੜੇ 11 ਅਗਸਤ ਨੂੰ ਜਾਰੀ ਕੀਤੇ ਜਾਣਗੇ। ਉਨ੍ਹਾਂ ਕਿਹਾ ਕਿ ਗਲੋਬਲ ਸ਼ੇਅਰ ਬਾਜ਼ਾਰਾਂ ਦਾ ਰੁਝਾਨ,ਡਾਲਰ ਸੂਚਕਾਂਕ ਦੀ ਗਤੀ, ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਸਥਿਤੀ ਅਤੇ ਕੱਚੇ ਤੇਲ ਦੀਆਂ ਕੀਮਤਾਂ ਦਾ ਵੀ ਬਾਜ਼ਾਰ 'ਤੇ ਅਸਰ ਪਵੇਗਾ।

ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ ਪਿਛਲੇ ਹਫਤੇ ਪੂੰਜੀ ਬਾਜ਼ਾਰ ਵਿਚ ਸ਼ੁੱਧ ਵਿਕਰੇਤਾ ਸਨ ਅਤੇ ਇਸ ਹਫਤੇ ਵਪਾਰੀਆਂ ਦੁਆਰਾ ਉਨ੍ਹਾਂ ਦੇ ਰੁਖ 'ਤੇ ਨਜ਼ਰ ਰੱਖੀ ਜਾਵੇਗੀ। ਮੋਤੀਲਾਲ ਓਸਵਾਲ ਫਾਈਨੈਂਸ਼ੀਅਲ ਸਰਵਿਸਿਜ਼ ਲਿਮਟਿਡ ਦੇ ਰਿਟੇਲ ਰਿਸਰਚ ਦੇ ਮੁਖੀ ਸਿਧਾਰਥ ਖੇਮਕਾ ਨੇ ਕਿਹਾ ਕਿ ਇਸ ਹਫਤੇ ਮੁੱਖ ਤੌਰ 'ਤੇ ਆਰਬੀਆਈ ਦੀ ਨੀਤੀਗਤ ਬੈਠਕ 'ਤੇ ਧਿਆਨ ਕੇਂਦਰਿਤ ਕੀਤਾ ਜਾਵੇਗਾ ਅਤੇ ਧਿਆਨ ਵਿਆਜ ਦਰ ਸੰਵੇਦਨਸ਼ੀਲ ਖੇਤਰਾਂ 'ਤੇ ਰਹੇਗਾ।

ਇਹਨਾਂ ਕੰਪਨੀਆਂ ਨੂੰ ਮਿਲਿਆ ਲਾਭ : ਜਿਥੇ ਇਕ ਪਾਸੇ ਸ਼ੇਅਰ ਬਜ਼ਾਰ ਦੀ ਨਜ਼ਰ ਅੱਜ RBI ਦੀ ਬੈਠਕ ਉੱਤੇ ਹੈ ,ਉਥੇ ਹੀ ਜੇਕਰ ਕੁਝ ਕੰਪਨੀਆਂ ਦੇ ਲਾਭ ਦੀ ਗੱਲ ਕੀਤੀ ਜਾਵੇ ਤਾਂ ਟੀਸੀਐਸ ਦਾ ਮੁਲਾਂਕਣ ਇਸ ਹਫਤੇ 31,815.45 ਕਰੋੜ ਰੁਪਏ ਵਧ ਕੇ 12,59,555.25 ਕਰੋੜ ਰੁਪਏ ਹੋ ਗਿਆ। ਇਸ ਤੋਂ ਇਲਾਵਾ ਇੰਫੋਸਿਸ ਅਤੇ ਐਚਡੀਐਫਸੀ ਬੈਂਕ ਦਾ ਮੁੱਲ ਵੀ ਵਧਿਆ ਹੈ। ਰਿਲਾਇੰਸ ਇੰਡਸਟਰੀਜ਼ ਦੇਸ਼ ਦੀ ਸਭ ਤੋਂ ਕੀਮਤੀ ਕੰਪਨੀ ਬਣੀ ਹੋਈ ਹੈ। ਇਸ ਤੋਂ ਬਾਅਦ TCS, HDFC ਬੈਂਕ, ICICI ਬੈਂਕ, ਹਿੰਦੁਸਤਾਨ ਯੂਨੀਲੀਵਰ, ਇਨਫੋਸਿਸ, ITC, SBI ਅਤੇ ਭਾਰਤੀ ਏਅਰਟੈੱਲ ਦਾ ਨੰਬਰ ਆਉਂਦਾ ਹੈ।