Electric vehicle insurance: ਈਵੀ ਮਾਲਕ ਵਾਹਨ ਦੀ ਬੀਮਾ ਪਾਲਿਸੀ ਲੈਣ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖਣ ਖਾਸ ਧਿਆਨ

ਮਾਨਸੂਨ ਦੀ ਸ਼ੁਰੂਆਤ ਦੇ ਨਾਲ, ਇਲੈਕਟ੍ਰਿਕ ਵਾਹਨ ਚਾਲਕਾਂ ਨੂੰ ਵੀ ਸਾਵਧਾਨ ਰਹਿਣਾ ਚਾਹੀਦਾ ਹੈ, ਕਿਉਂਕਿ ਉਨ੍ਹਾਂ ਦੀਆਂ ਬੀਮਾ ਜ਼ਰੂਰਤਾਂ ਵੱਖਰੀਆਂ ਹਨ। ਇਸਦੇ ਲਈ, ਇਲੈਕਟ੍ਰਿਕ ਵਾਹਨਾਂ ਲਈ ਇੱਕ ਵਿਆਪਕ ਬੀਮਾ ਪਾਲਿਸੀ ਜ਼ਰੂਰੀ ਹੈ, ਕਿਉਂਕਿ ਇਹ ਬੀਮੇ ਵਾਲੇ ਵਾਹਨਾਂ ਨੂੰ ਹਾਦਸਿਆਂ ਅਤੇ ਘਟਨਾਵਾਂ ਕਾਰਨ ਹੋਣ ਵਾਲੇ ਨੁਕਸਾਨ ਸਮੇਤ ਵੱਖ-ਵੱਖ ਜੋਖਮਾਂ ਤੋਂ ਬਚਾਉਂਦੀ ਹੈ।

ਹੈਦਰਾਬਾਦ :ਦੇਸ਼ ਵਿੱਚ ਬਿਜਲੀ ਨਾਲ ਚੱਲਣ ਵਾਲੇ ਵਾਹਨਾਂ ਦੀ ਗਿਣਤੀ ਹੌਲੀ-ਹੌਲੀ ਵੱਧ ਰਹੀ ਹੈ। ਆਮ ਵਾਹਨਾਂ ਦੇ ਮੁਕਾਬਲੇ, ਜਿਥੇ ਇਨ੍ਹਾਂ ਦਾ ਰੱਖ-ਰਖਾਅ ਵੱਖਰਾ ਹੈ ਉਥੇ ਹੀ, ਇਨ੍ਹਾਂ ਵਾਹਨਾਂ ਦੀਆਂ ਬੀਮਾਂ ਲੋੜਾਂ ਵੀ ਵੱਖਰੀਆਂ ਹਨ। ਇਸ ਗੱਲ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇਲੈਕਟ੍ਰਿਕ ਕਾਰਾਂ ਲਈ ਬੀਮਾ ਲੈਂਦੇ ਸਮੇਂ ਕੁਝ ਪਹਿਲੂਆਂ ਨੂੰ ਵਿਸ਼ੇਸ਼ ਤੌਰ 'ਤੇ ਵਿਚਾਰਨ ਦੀ ਲੋੜ ਹੈ। ਇਨ੍ਹਾਂ ਵਾਹਨਾਂ ਲਈ ਇੱਕ ਵਿਆਪਕ ਮੋਟਰ ਬੀਮਾ ਪਾਲਿਸੀ ਦੀ ਲੋੜ ਹੁੰਦੀ ਹੈ। ਥਰਡ ਪਾਰਟੀ ਇੰਸ਼ੋਰੈਂਸ ਤੋਂ ਬਿਨਾਂ ਵਾਹਨ ਨੂੰ ਸੜਕ 'ਤੇ ਨਹੀਂ ਲਿਜਾਣਾ ਚਾਹੀਦਾ। ਬਰਸਾਤ ਦੇ ਮੌਸਮ ਦੌਰਾਨ, ਬੈਟਰੀ ਵਾਲੇ ਵਾਹਨਾਂ ਦਾ ਧਿਆਨ ਰੱਖਣਾ ਅਤੇ ਕੁਝ ਵਾਧੂ ਨੀਤੀਆਂ ਲੈਣਾ ਬਿਹਤਰ ਹੈ। ਸੜਕ ਹਾਦਸੇ ਅਤੇ ਬੈਟਰੀ ਵਿੱਚ ਅੱਗ ਲੱਗਣ ਦੀ ਸਥਿਤੀ ਵਿੱਚ ਇੱਕ ਬੀਮਾ ਪਾਲਿਸੀ ਵਾਹਨ ਨੂੰ ਕਵਰ ਕਰਦੀ ਹੈ।

ਜ਼ੀਰੇ ਡਿਪ੍ਰੀਸੀਏਸ਼ਨ ਬੀਮਾ ਪਾਲਿਸੀ ਦਾ ਲਾਭ :ਪੂਰਕ ਨੀਤੀਆਂ ਜਿਵੇਂ ਕਿ ਜ਼ੀਰੋ ਡਿਪ੍ਰੀਸੀਏਸ਼ਨ (ਜ਼ੀਰੋ ਡੈਪ), ਜੇਕਰ ਵਾਹਨ ਨੂੰ ਹੋਰ ਸੁਰੱਖਿਅਤ ਕਰਨਾ ਚਾਹੁੁੰਦੇ ਹੋ, ਜਾਂ ਵਾਹਨ ਦੇ ਵਾਧੂ ਸਪੇਅਰ ਪਾਰਟਸ ਉਤੇ ਬੀਮੇ ਦੀ ਸੁਰੱਖਿਆ ਲਾਜ਼ਮੀ ਕਰਨਾ ਚਾਹੁੰਦੇ ਹੋ ਤਾਂ ਆਪਣੇ ਬੀਮਾ ਚਲਾਨ ਉਤੇ ਜ਼ੀਰੇ ਡਿਪ੍ਰੀਸੀਏਸ਼ਨ ਬੀਮਾ ਪਾਲਿਸੀ ਨੂੰ ਲਾਜ਼ਮ ਕਰਵਾਓ, ਤਾਂ ਹੀ ਈਵੀ ਵਾਹਨ ਚਾਲਕ ਇਸ ਦਾ ਪੂਰਨ ਲਾਭ ਲੈ ਸਕਦਾ ਹੈ। ਜ਼ੀਰੋ ਡੈਪ ਦਾ ਮਤਲਬ ਹੈ ਕਿ ਬੀਮਾ ਕੰਪਨੀ ਵਾਹਨ ਦੀ ਮੁਰੰਮਤ ਦੇ ਸਮੇਂ ਆਉਣ ਵਾਲੀ ਲਾਗਤ ਦਾ ਪੂਰਨ ਕਲੇਮ ਕਵਰ ਕਰਦੀ ਹੈ। ਬੀਮਾ ਚਲਾਨ 'ਤੇ ਵਾਹਬਨ ਆਨ-ਰੋਡ ਮੁੱਲ ਦਾ ਦਾਅਵਾ ਕਰਵਾਉਣੀ ਉਪਯੋਗੀ ਹੈ।

ਪੂਰਕ ਨੀਤੀਆਂ ਲੈਣੀਆਂ ਜ਼ਰੂਰੀ :ਈਵੀ ਵਾਹਨਾਂ ਲਈ ਕੁਝ ਵਿਸ਼ੇਸ਼ ਪੂਰਕ ਨੀਤੀਆਂ ਪੂਰੀ ਵਾਧੂ ਸੁਰੱਖਿਆ ਦੀ ਪੇਸ਼ਕਸ਼ ਕਰਦੀਆਂ ਹਨ। ਉਦਾਹਰਨ ਲਈ, ਮੰਨ ਲਓ ਕਿ ਬਿਜਲੀ ਦੇ ਉਤਰਾਅ-ਚੜ੍ਹਾਅ ਕਾਰਨ ਬੈਟਰੀ ਅਤੇ ਇਲੈਕਟ੍ਰਿਕ ਮੋਟਰ ਖਰਾਬ ਹੋ ਗਈ ਹੈ...ਤਾਂ ਪੂਰਾ ਬੀਮਾ ਇਸ ਨੂੰ ਕਵਰ ਨਹੀਂ ਕਰੇਗਾ। ਇੱਥੋਂ ਤੱਕ ਕਿ EV ਚਾਰਜਰ ਦੇ ਅਚਾਨਕ ਸੜ ਜਾਣ ਦੇ ਮਾਮਲੇ ਵਿੱਚ ਵੀ ਕੋਈ ਮੁਆਵਜ਼ਾ ਨਹੀਂ ਮਿਲਦਾ। ਇਸ ਲਈ, ਈਵੀ ਚਾਰਜਰ ਕਵਰ ਅਤੇ ਈਵੀ ਬੈਟਰੀ ਕਵਰ ਵਰਗੀਆਂ ਪੂਰਕ ਨੀਤੀਆਂ (ਜ਼ੀਰੋ ਡੈਪ) ਲਈਆਂ ਜਾਣੀਆਂ ਚਾਹੀਦੀਆਂ ਹਨ। ਈਵੀ ਨੂੰ ਕੋਈ ਵੀ ਮਹਿੰਗਾ ਨੁਕਸਾਨ ਹੋ ਸਕਦਾ ਹੈ, ਖਾਸ ਕਰਕੇ ਬਰਸਾਤ ਦੇ ਮੌਸਮ ਦੌਰਾਨ। ਇਸ ਲਈ, ਈਵੀ ਮਾਲਕਾਂ ਨੂੰ ਮਾਨਸੂਨ ਦੌਰਾਨ ਸਾਰੀਆਂ ਲੋੜੀਂਦੀਆਂ ਸਾਵਧਾਨੀਆਂ ਵਰਤਣ ਦੀ ਲੋੜ ਹੈ। ਰਿਲਾਇੰਸ ਜਨਰਲ ਇੰਸ਼ੋਰੈਂਸ ਦੇ ਸੀਈਓ ਰਾਕੇਸ਼ ਜੈਨ ਦਾ ਕਹਿਣਾ ਹੈ ਕਿ ਸਿਰਫ ਉਸ ਸਮੇਂ ਹੀ ਤੁਸੀਂ ਮੁਸ਼ਕਲ ਰਹਿਤ ਯਾਤਰਾ ਦਾ ਆਨੰਦ ਲੈ ਸਕਦੇ ਹੋ, ਜਦੋਂ ਤੁਸੀਂ ਪੂਰਨ ਬੀਮਾ ਪਾਲਿਸੀ ਲਈ ਹੋਵੇ।