ਨਵੀਂ ਦਿੱਲੀ: ਓਬਰਾਏ ਗਰੁੱਪ ਦੇ ਚੇਅਰਮੈਨ ਪ੍ਰਿਥਵੀ ਰਾਜ ਸਿੰਘ ਓਬਰਾਏ ਦਾ ਮੰਗਲਵਾਰ ਨੂੰ ਦੇਹਾਂਤ ਹੋ ਗਿਆ ਹੈ, ਉਹ 94 ਸਾਲ ਦੇ ਸਨ। ਆਪਣੇ ਪਿੱਛੇ ਉਹ ਇੱਕ ਅਮੀਰ ਵਿਰਾਸਤ ਛੱਡ ਗਏ ਹਨ। ਪ੍ਰਿਥਵੀ ਰਾਜ ਸਿੰਘ ਓਬਰਾਏ ਨੂੰ indian hospitality ਦੇ ਮੋਢੀ ਵਜੋਂ ਜਾਣਿਆ ਜਾਂਦਾ ਹੈ।
ਕੰਪਨੀ ਨੇ ਇੱਕ ਅਧਿਕਾਰਤ ਬਿਆਨ ਵਿੱਚ ਕਿਹਾ ਹੈ, "ਬਹੁਤ ਹੀ ਦੁੱਖ ਨਾਲ ਇਹ ਸੂਚਿਤ ਕਰਨਾ ਪੈ ਰਿਹਾ ਹੈ ਕਿ ਓਬਰਾਏ ਗਰੁੱਪ ਦੇ ਚੇਅਰਮੈਨ ਪੀ.ਆਰ. ਐਸ ਓਬਰਾਏ ਦਾ ਅੱਜ ਸਵੇਰੇ ਦਿਹਾਂਤ ਹੋ ਗਿਆ।" ਇਸ ਵਿੱਚ ਕਿਹਾ ਗਿਆ ਹੈ ਕਿ ਪਰਾਹੁਣਚਾਰੀ ਉਦਯੋਗ ਵਿੱਚ ਓਬਰਾਏ ਦੀ ਵਿਰਾਸਤ ਦੀ ਕੋਈ ਸੀਮਾ ਨਹੀਂ ਹੈ। ਇਸ ਨੇ ਗਲੋਬਲ ਧਰਤੀ 'ਤੇ ਅਮਿੱਟ ਛਾਪ ਛੱਡੀ ਹੈ।
ਦੱਸ ਦਈਏ ਕਿ ਓਬਰਾਏ ਨੂੰ ਸੈਰ-ਸਪਾਟਾ ਅਤੇ hospitality ਦੇ ਖੇਤਰ ਵਿੱਚ ਉਨ੍ਹਾਂ ਦੇ ਸ਼ਾਨਦਾਰ ਯੋਗਦਾਨ ਲਈ ਪਦਮ ਵਿਭੂਸ਼ਣ ਸਮੇਤ ਕਈ ਵੱਡੇ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਉਸਨੂੰ ਉਸਦੀ ਬੇਮਿਸਾਲ ਲੀਡਰਸ਼ਿਪ ਅਤੇ ਇੰਟਰਨੈਸ਼ਨਲ ਲਗਜ਼ਰੀ ਟ੍ਰੈਵਲ ਮਾਰਕੀਟ (ILTM) ਵਿੱਚ ਲਾਈਫਟਾਈਮ ਅਚੀਵਮੈਂਟ ਅਵਾਰਡ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ।
ਓਬਰਾਏ ਨੂੰ ਹੋਟਲਜ਼ (ਮੈਗਜ਼ੀਨ) ਅਮਰੀਕਾ ਵੱਲੋਂ ‘ਕਾਰਪੋਰੇਟ ਹੋਟਲੀਅਰ ਆਫ਼ ਦਾ ਵਰਲਡ’ ਐਵਾਰਡ ਵੀ ਦਿੱਤਾ ਗਿਆ। ਬਰਲਿਨ ਵਿੱਚ 6ਵੇਂ ਇੰਟਰਨੈਸ਼ਨਲ ਹੋਟਲਜ਼ ਇਨਵੈਸਟਮੈਂਟ ਫੋਰਮ ਨੇ ਵੀ ਉਸ ਨੂੰ ਲਾਈਫਟਾਈਮ ਅਚੀਵਮੈਂਟ ਅਵਾਰਡ ਨਾਲ ਸਨਮਾਨਿਤ ਕੀਤਾ।
ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ ਫੋਰਬਸ ਇੰਡੀਆ ਲੀਡਰਸ਼ਿਪ ਅਵਾਰਡ, ਕਾਰਪੋਰੇਟ ਐਕਸੀਲੈਂਸ ਲਈ ਇਕਨਾਮਿਕ ਟਾਈਮਜ਼ ਅਵਾਰਡ, ਸੀਐਨਬੀਸੀ ਟੀਵੀ 18 ਇੰਡੀਆ ਬਿਜ਼ਨਸ ਲੀਡਰ ਅਵਾਰਡ, ਬਿਜ਼ਨਸ ਇੰਡੀਆ ਮੈਗਜ਼ੀਨ ਦਾ ਬਿਜ਼ਨਸਮੈਨ ਆਫ ਦਿ ਈਅਰ, ਅਰਨਸਟ ਐਂਡ ਯੰਗ ਐਂਟਰਪ੍ਰੀਨਿਓਰ ਆਫ ਦਿ ਈਅਰ ਅਵਾਰਡ ਵਰਗੇ ਪੁਰਸਕਾਰ ਵੀ ਮਿਲੇ ਹਨ।
ਕੰਪਨੀ ਨੇ ਬਿਆਨ ਵਿੱਚ ਕਿਹਾ ਹੈ, "ਇੱਕ ਹੁਸ਼ਿਆਰ ਵਿਅਕਤੀ ਦੀ ਮੌਤ ਦਾ ਸੋਗ ਕਰਦੇ ਹੋਏ, ਅਸੀਂ ਉਸਦੀ ਵਿਰਾਸਤ ਨੂੰ ਯਾਦ ਕਰਾਂਗੇ…ਸ਼ਰਧਾਂਜਲੀ ਸਭਾ ਸਬੰਧੀ ਜਾਣਕਾਰੀ ਜਲਦੀ ਹੀ ਸਾਂਝੀ ਕੀਤੀ ਜਾਵੇਗੀ।"
ਉਲੇਖਯੋਗ ਹੈ ਕਿ ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਮੰਗਲਵਾਰ ਸ਼ਾਮ 4 ਵਜੇ ਕਾਪਾਸਹੇੜਾ ਸਥਿਤ ਭਾਗਵੰਤੀ ਓਬਰਾਏ ਚੈਰੀਟੇਬਲ ਟਰੱਸਟ (ਓਬਰਾਏ ਫਾਰਮ) ਵਿਖੇ ਕੀਤਾ ਜਾਵੇਗਾ। ਪੀਆਰਐਸ ਓਬਰਾਏ ਨੂੰ "ਬੀਕੀ" ਵਜੋਂ ਜਾਣਿਆ ਜਾਂਦਾ ਹੈ, ਇਹਨਾਂ ਦਾ ਜਨਮ 1929 ਵਿੱਚ ਦਿੱਲੀ ਵਿੱਚ ਹੋਇਆ ਸੀ।
