ਨਵੀਂ ਦਿੱਲੀ: ਜਿਵੇਂ ਕਿ ਭਾਰਤੀ ਸੀਈਓ ਮਹਾਂਮਾਰੀ ਦੇ ਦੌਰ ਵਿੱਚ ਭੱਵਿਖ ਦੇ ਲਈ ਤਿਆਰ ਹੋਣ ਦੇ ਲਈ ਨਵੀਆਂ ਤਕਨੀਕਾਂ 'ਚ ਨਿਵੇਸ਼ ਨੂੰ ਪਹਿਲ ਦੇ ਰਹੇ ਹਨ, ਇਵੇਂ ਸਿਰਫ 33 ਪ੍ਰਤੀਸ਼ਤ ਸੀਈਓ ਅਜਿਹੇ ਸੀਈਓ ਹਨ ਜੋ ਕਿ ਘਰੇਲੂ ਅਰਥਵਿਵਸਥਾ ਵਿੱਚ ਕੰਪਨੀ ਦੇ ਵਾਧੇ ਪ੍ਰਤੀ ਭਰੋਸੇਮੰਦ ਹਨ। ਉੱਥੇ ਹੀ ਸਿਰਫ 42 ਪ੍ਰਤੀਸ਼ਤ ਵਿਕਾਸ ਦੀਆਂ ਸੰਭਾਵਨਾਵਾਂ ਬਾਰੇ ਆਸਵੰਦ ਹਨ। ਇਹ ਜਾਣਕਾਰੀ ਭਾਰਤ ਵਿੱਚ ਕੇਪੀਐਮਜੀ ਵੱਲੋਂ ਜਾਰੀ ਰਿਪੋਰਟ ਦੇ ਰਾਹੀਂ ਬੁੱਧਵਾਰ ਨੂੰ ਮਿਲੀ ਹੈ। ਉੱਥੇ ਹੀ ਸਾਲ ਦੇ ਸ਼ੁਰੂ ਵਿੱਚ ਦੋਵੇਂ ਹੀ ਹਲਾਤਾਂ ਵਿੱਚ ਇਹ ਪ੍ਰਤੀਸ਼ਤ ਕ੍ਰਮਵਾਰ 78 ਅਤੇ 84 ਸੀ।
ਭਾਰਤ ਦੀ '2020 ਇੰਡੀਆ ਦੇ ਸੀਈਓ ਆਉਟਲੁੱਕ: ਕੋਵਿਡ-19 ਸਪੈਸ਼ਲ ਐਡੀਸ਼ਨ 'ਵਿੱਚ ਕੇਪੀਐਮਜੀ ਦੀ ਰਿਪੋਰਟ ਨੇ ਇਹ ਖੁਲਾਸਾ ਕੀਤਾ ਹੈ। 'ਭਾਰਤ ਵਿੱਚ ਸੀਈਓ ਆਪਣੀਆਂ ਕੰਪਨੀਆਂ ਦੀ ਕਮਾਈ ਨੂੰ ਲੈ ਕੇ ਘੱਟ ਹੀ ਭਰੋਸੇ ਵਿੱਚ ਹਨ। ਭਾਰਤ ਵਿੱਚ ਲਗਭਗ 19 ਪ੍ਰਤੀਸ਼ਤ ਸੀਈਓ ਆਪਣੀਆਂ ਕੰਪਨੀਆਂ ਦੀ ਕਮਾਈ ਬਾਰੇ ਸੋਚਦੇ ਹਨ ਕਿ ਜਾਂ ਤਾਂ ਇਹ ਸਥਿਰ ਰਹੇਗੀ ਜਾਂ ਘੱਟ ਜਾਵੇਗੀ। "
ਹਾਲਾਂਕਿ, ਭਾਰਤ ਦੇ ਸੀਈਓ ਵਿਸ਼ਵ ਪੱਧਰ ਦੇ ਹਮਰੁਤਬਾ ਨਾਲੋਂ ਆਪਣੀਆਂ ਕੰਪਨੀਆਂ ਦੀ ਕਮਾਈ ਦੀਆਂ ਸੰਭਾਵਨਾਵਾਂ ਦੇ ਮਾਮਲੇ ਵਿੱਚ 23 ਫੀਸਦੀ ਬਹਿਤਰ ਸਥਿਤੀ ਵਿੱਚ ਹਨ।
ਕੋਵਿਡ-19 ਦੌਰ ਵਿਚਾਲੇ ਭਾਰਤੀ ਸੀਈਓ ਦੇ ਮੁਕਾਬਲੇ ਵਿਸ਼ਵਵਿਆਪੀ ਤੌਰ 'ਤੇ ਸੀਈਓ ਨੂੰ ਆਪਣੇ ਉਦੇਸ਼ਾਂ ਦਾ ਮੁੜ ਮੁਲਾਂਕਣ ਕਰਨ ਦੀ ਵਧੇਰੇ ਲੋੜ ਮਹਿਸੂਸ ਹੋ ਰਹੀ ਹੈ। ਦੁਨੀਆ ਭਰ ਦੇ ਲਗਭਗ 79 ਪ੍ਰਤੀਸ਼ਤ ਸੀ.ਈ.ਓ. ਨੂੰ ਆਪਣੇ ਉਦੇਸ਼ਾਂ ਦਾ ਮੁਲਾਂਕਣ ਕਰਨਾ ਪਿਆ ਹੈ, ਜਦੋਂ ਕਿ ਭਾਰਤ ਵਿੱਚ 37 ਪ੍ਰਤੀਸ਼ਤ ਸੀਈਓ ਆਪਣੀ ਮੌਜੂਦਾ ਲੀਡਰਸ਼ਿਪ ਦੇ ਦ੍ਰਿਸ਼ਟੀ ਅਤੇ ਉਦੇਸ਼ ਵਿੱਚ ਵਿਸ਼ਵਾਸ਼ ਰੱਖ ਰਹੇ ਹਨ।