ਹੈਦਰਾਬਾਦ: ਕੋਚਿੰਗ ਸੰਸਥਾਵਾਂ ਦੇ ਵਿਦਿਆਰਥੀ ਫੀਸ, ਰਿਹਾਇਸ਼ ਤੇ ਮੈੱਸ ਫ਼ੀਸਾਂ ਉੱਤੇ 18 ਫ਼ੀਸਦੀ ਮਾਲ ਤੇ ਸੇਵਾ ਟੈਕਸ ਅਦਾ ਕਰਨਾ ਜਾਰੀ ਰੱਖਣਗੇ। ਆਂਧਰਾ ਪ੍ਰਦੇਸ਼ ਬੈਂਚ ਅਥਾਰਟੀ, ਐਡਵਾਂਸ ਰੂਲਿੰਗ ਦੇ ਇੱਕ ਨਵੇਂ ਫ਼ੈਸਲੇ ਅਨੁਸਾਰ ਦਾਖ਼ਲਾ ਪ੍ਰੀਖਿਆਵਾਂ ਲਈ ਵਿਦਿਆਰਥੀਆਂ ਨੂੰ ਟਿਊਸ਼ਨਾਂ ਦੇਣ ਵਾਲੇ ਕੋਚਿੰਗ ਸੈਂਟਰਾਂ ਉੱਤੇ 18 ਫ਼ੀਸਦੀ ਜੀਐਸਟੀ ਲਗਾਇਆ ਜਾਵੇਗਾ।
ਚਾਰਟਰਡ ਅਕਾਉਂਟੈਂਸੀ ਤੇ ਖਰਚੇ ਅਤੇ ਵਰਕਸ ਅਕਾਉਂਟੈਂਸੀ ਸਰਟੀਫ਼ਿਕੇਟ ਦੀਆਂ ਪ੍ਰੀਖਿਆਵਾਂ ਦੀ ਤਿਆਰੀ ਲਈ ਵਿਦਿਆਰਥੀਆਂ ਨੂੰ ਕੋਚਿੰਗ ਦੇਣ ਵਾਲੇ ਮਾਸਟਰ ਮਾਈਂਡਜ਼ ਨਾਮਕ ਗਨਟੂਰ-ਅਧਾਰਿਤ ਕੋਚਿੰਗ ਸੰਸਥਾ ਦੁਆਰਾ ਦਾਇਰ ਕੀਤੀ ਗਈ ਅਰਜ਼ੀ 'ਤੇ ਆਪਣਾ ਫ਼ੈਸਲਾ ਦਿੰਦਿਆਂ ਅਥਾਰਟੀ ਆਫ਼ ਐਡਵਾਂਸ ਰੂਲ ਨੇ ਇਹ ਨਿਯਮ ਦਿੱਤਾ ਹੈ ਕਿ ਕੋਈ ਵੀ ਸੰਸਥਾ ਜੋ ਬੱਚਿਆਂ ਨੂੰ ਸਿੱਖਿਆ ਦਿੰਦੀ ਹੈ, ਉਨ੍ਹਾਂ ਨੂੰ ਜੀਐਸਟੀ ਤੋਂ ਛੋਟ ਦਿੱਤੀ ਗਈ ਹੈ, ਪਰ ਇਸਦੀ ਪਰਿਭਾਸ਼ਾ ਸਪਸ਼ਟ ਹੈ ਅਤੇ ਇਸਦੇ ਘੇਰੇ ਵਿੱਚ ਕੋਈ ਕੋਚਿੰਗ ਸੈਂਟਰ ਨਹੀਂ ਆਉਂਦੇ ਹਨ। ਵਿੱਦਿਅਕ ਸੰਸਥਾਵਾਂ ਵਿੱਚ ਪ੍ਰੀ-ਸਕੂਲ ਸਿੱਖਿਆ ਅਤੇ ਉੱਚ ਸਿੱਖਿਆ ਨਾਲ ਜੁੜੇ ਅਦਾਰੇ ਸ਼ਾਮਿਲ ਹੁੰਦੇ ਹਨ।
ਮੌਜੂਦਾ ਟੈਕਸ ਵਿਵਸਥਾ ਦੇ ਤਹਿਤ ਸਰਕਾਰ ਨੇ ਕੋਰ ਸਿੱਖਿਆ ਸੇਵਾਵਾਂ ਨੂੰ ਜੀਐਸਟੀ ਤੋਂ ਛੋਟ ਦਿੱਤੀ ਹੈ। ਇਨ੍ਹਾਂ ਵਿੱਚ ਪ੍ਰੀ-ਸਕੂਲ ਸਿੱਖਿਆ ਅਤੇ ਉੱਚ ਸੈਕੰਡਰੀ ਸਕੂਲ ਸਿੱਖਿਆ ਸ਼ਾਮਿਲ ਹੈ। ਹੋਰ ਵਿੱਦਿਅਕ ਸੇਵਾਵਾਂ 18 ਫ਼ੀਸਦੀ ਜੀਐਸਟੀ ਲਗਾਉਣਾ ਜਾਰੀ ਰੱਖਣਗੀਆਂ। ਸਿੱਖਿਆ ਸੇਵਾਵਾਂ ਤੋਂ ਇਲਾਵਾ, ਕੁਝ ਇਨਪੁੱਟ ਸੇਵਾਵਾਂ ਜਿਵੇਂ ਕਿ ਕੰਟੀਨ, ਮੁਰੰਮਤ ਅਤੇ ਰੱਖ ਰਖਾਵ ਉੱਤੇ ਵੀ ਜੀਐਸਟੀ ਦੇ ਅਧੀਨ ਟੈਕਸ ਲਗਾਇਆ ਜਾਂਦਾ ਹੈ।
ਏਏਆਰ ਨੇ ਕਿਹਾ ਕਿ ਜੀਐਸਟੀ ਤੋਂ ਛੋਟ ਸਿਰਫ਼ ਉਨ੍ਹਾਂ ਅਦਾਰਿਆਂ ਨੂੰ ਦਿੱਤੀ ਜਾ ਸਕਦੀ ਹੈ ਜਿਨ੍ਹਾਂ ਦੀ ਡਿਗਰੀ ਕਾਨੂੰਨੀ ਪ੍ਰਬੰਧਾਂ ਅਨੁਸਾਰ ਯੋਗ ਹੈ। ਕੋਚਿੰਗ ਕਲਾਸਾਂ ਕੋਲ ਕੋਈ ਸਿਲੇਬਸ ਨਹੀਂ ਹੁੰਦਾ ਅਤੇ ਉਹ ਕੋਈ ਪ੍ਰੀਖਿਆ ਨਹੀਂ ਲੈਂਦੇ ਅਤੇ ਨਾ ਹੀ ਉਹ ਵਿਦਿਆਰਥੀਆਂ ਨੂੰ ਯੋਗਤਾ ਪੂਰੀ ਕਰਨ ਵਿੱਚ ਸਹਾਇਤਾ ਕਰਦੇ ਹਨ।
ਇਸ 'ਤੇ 9 ਫ਼ੀਸਦੀ ਸੀਜੀਐਸਟੀ ਅਤੇ 9 ਫ਼ੀਸਦੀ ਐਸਜੀਐਸਟੀ ਭੁਗਤਾਨਯੋਗ ਹੋਣਗੇ। ਬਿਨੈਕਾਰ ਨੇ ਦਲੀਲ ਦਿੱਤੀ ਸੀ ਕਿ ਕੋਚਿੰਗ ਸੈਂਟਰ ਵੀ ਵਿਦਿਅਕ ਸੰਸਥਾ ਦੇ ਦਾਇਰੇ ਵਿੱਚ ਆਉਂਦੇ ਹਨ, ਇਸ ਲਈ ਉਨ੍ਹਾਂ ਨੂੰ ਜੀਐਸਟੀ ਤੋਂ ਛੋਟ ਹੈ, ਪਰ ਏਏਆਰ ਨੇ ਇਸ ਦਲੀਲ ਨੂੰ ਸਵੀਕਾਰ ਨਹੀਂ ਕੀਤਾ।
ਏਏਆਰ ਨੇ ਇਹ ਵੀ ਦੱਸਿਆ ਕਿ ਮਾਸਟਰ ਮਾਈਂਡਜ਼ ਵਰਗੀਆਂ ਸੰਸਥਾਵਾਂ ਇਕਸਾਰ ਕੋਰਸਾਂ ਦੀ ਪੇਸ਼ਕਸ਼ ਨਹੀਂ ਕਰ ਰਹੀਆਂ ਹਨ ਅਤੇ ਸੀਏ ਅਤੇ ਆਈਸੀਡਬਲਯੂਏ ਦੇ ਉਮੀਦਵਾਰਾਂ ਲਈ ਫ਼ੀਸਾਂ ਅਤੇ ਵਿਕਲਪਾਂ ਦੇ ਵੱਖ-ਵੱਖ ਢਾਂਚੇ ਵਾਲੇ ਕਈ ਕੋਚਿੰਗ ਅਤੇ ਸਿਖਲਾਈ ਕੋਰਸਾਂ ਦੀ ਪੇਸ਼ਕਸ਼ ਕਰ ਰਹੀਆਂ ਹਨ। ਏ.ਏ.ਆਰ. ਨੇ ਕਿਹਾ ਕਿ ਬਿਨੈਕਾਰ (ਮਾਸਟਰ ਮਾਈਂਡਜ਼) ਦੁਆਰਾ ਪ੍ਰਦਾਨ ਕੀਤੀਆਂ ਜਾਂਦੀਆਂ ਸੇਵਾਵਾਂ ਵਿਦਿਅਕ ਸੰਸਥਾ ਨੂੰ ਦਿੱਤੀ ਪਰਿਭਾਸ਼ਾ ਦੇ ਅਧੀਨ ਨਹੀਂ ਆਉਂਦੀਆਂ।
ਏ.ਏ.ਆਰ. ਦਾ ਫ਼ੈਸਲਾ ਪਿਛਲੇ ਆਦੇਸ਼ਾਂ ਦੇ ਅਨੁਸਾਰ ਹੈ ਜੋ ਦੇਸ਼ ਦੇ ਨਿੱਜੀ ਕੋਚਿੰਗ ਸੰਸਥਾਵਾਂ ਨੂੰ ਜੀਐਸਟੀ ਦੀ ਛੋਟ ਤੋਂ ਲਾਭ ਲੈਣ ਤੋਂ ਰੋਕਦੇ ਹਨ। ਇਸ ਤੋਂ ਪਹਿਲਾਂ 2018 ਵਿੱਚ ਏ.ਏ.ਆਰ ਦੇ ਮਹਾਰਾਸ਼ਟਰ ਬੈਂਚ ਨੇ ਫ਼ੈਸਲਾ ਦਿੱਤਾ ਸੀ ਕਿ ਟਿਊਸ਼ਨਾਂ ਪ੍ਰਦਾਨ ਕਰਨ ਵਾਲੇ ਕੋਚਿੰਗ ਸੈਂਟਰ ਵਿਦਿਆਰਥੀਆਂ ਨੂੰ ਦਾਖ਼ਲਾ ਪ੍ਰੀਖਿਆਵਾਂ ਲਈ ਤਿਆਰ ਕਰਨ ਲਈ ਟਿਊਸ਼ਨ ਦੇਣ ਵਾਲੇ ਕੋਚਿੰਗ ਸੈਂਟਰ 18 ਫ਼ੀਸਦੀ ਜੀ.ਐੱਸ.ਟੀ ਦਾ ਭੁਗਤਾਨ ਕਰਨ ਦੇ ਲਈ ਜ਼ਿੰਮੇਵਾਰ ਹਨ।
ਪਿਛਲੇ ਸਾਲ ਪ੍ਰਮੁੱਖ ਕੋਚਿੰਗ ਸੈਂਟਰਾਂ ਦੇ ਪ੍ਰਤੀਨਿੱਧੀਆਂ ਨੇ ਕੋਚਿੰਗ ਸੈਂਟਰਾਂ ਉੱਤੇ 18 ਫ਼ੀਸਦੀ ਜੀਐਸਟੀ ਹਟਾਉਣ ਜਾਂ ਘੱਟ ਤੋਂ ਘੱਟ ਸਲੈਬ ਨੂੰ ਘੱਟ ਕਰਨ ਦੀ ਮੰਗ ਕੀਤੀ ਸੀ ਤਾਂ ਕਿ ਲੱਖਾਂ ਵਿਦਿਆਰਥੀਆਂ ਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਨੂੰ ਕੋਚਿੰਗ ਸੈਂਟਰ ਦੇ ਰੂਪ ਵਿੱਚ ਲੱਖਾਂ ਰੁਪਏ ਦਾ ਭੁਗਤਾਨ ਕਰਨ ਦੇ ਲਈ ਕੁਝ ਵਿੱਤੀ ਰਾਹਤ ਦਿੱਤੀ ਜਾ ਸਕੇ। ਇੱਕ ਅਨੁਮਾਨ ਦੇ ਅਨੁਸਾਰ 50 ਲੱਖ ਤੋਂ ਵੱਧ ਵਿਦਿਆਰਥੀ ਅਤੇ ਨੌਕਰੀ ਲੱਭਣ ਵਾਲੇ ਗੇਟ, ਨੀਟ, ਜੇਈਈ, ਸਿਵਲ ਸੇਵਾਵਾਂ ਪ੍ਰੀਖਿਆਵਾਂ ਆਦਿ ਲਈ ਇਮਤਿਹਾਨ ਦਿੰਦੇ ਹਨ ਤੇ ਉਨ੍ਹਾਂ ਵਿੱਚੋਂ ਲਗਭਗ ਅੱਧੇ ਤਿਆਰੀ ਲਈ ਕੋਚਿੰਗ ਸੰਸਥਾਵਾਂ ਵਿੱਚ ਦਾਖ਼ਲਾ ਲੈਂਦੇ ਹਨ।
(ਈਟੀਵੀ ਭਾਰਤ ਰਿਪੋਰਟ)
