ਪਠਾਨਕੋਟ : ਲਗਾਤਾਰ ਘਾਟੇ ਵਿੱਚ ਚੱਲ ਰਹੇ ਹਿੰਦੂ ਕੋ-ਆਪ੍ਰੇਟਿਵ ਬੈਂਕ ਦਾ ਮੁੱਦਾ ਪਠਾਨਕੋਟ ਦੇ ਵਿਧਾਇਕ ਅਮਿਤ ਵਿਜ ਨੇ ਬਜਟ ਸੈਸ਼ਨ ਦੇ ਦੌਰਾਨ ਵਿਧਾਨ ਸਭਾ ਵਿੱਚ ਚੁੱਕਿਆ ਸੀ ਜਿਸ ਦਾ ਜਵਾਬ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਵਿਧਾਨ ਸਭਾ ਵਿੱਚ ਹੀ ਦਿੱਤਾ ਸੀ।
ਵੇਖੋ ਵੀਡੀਓ।
ਇਸ ਦੇ ਲਈ ਸੁਖਜਿੰਦਰ ਰੰਧਾਵਾ ਬੈਂਕ ਕਰਮਚਾਰੀ ਅਤੇ ਪ੍ਰਸ਼ਾਸਨ ਦੇ ਨਾਲ ਬੈਠਕ ਕਰਨ ਪਠਾਨਕੋਟ ਪੁੱਜੇ। ਬੈਠਕ ਦੌਰਾਨ ਇਹ ਫ਼ੈਸਲਾ ਲਿਆ ਗਿਆ ਕਿ ਆਰਬੀਆਈ ਦੇ ਨਿਰਦੇਸ਼ਾਂ ਅਨੁਸਾਰ 142 ਕਰਮਚਾਰੀਆਂ ਵਿੱਚੋਂ 72 ਕਰਮਚਾਰੀਆਂ ਦਾ ਤਬਾਦਲਾ ਕਰ ਦੂਜੀ ਥਾਂ ਭੇਜਿਆ ਜਾਵੇਗਾ। ਇਸ ਦੇ ਆਰਡਰ ਸੋਮਵਾਰ ਨੂੰ ਕਰ ਦਿੱਤੇ ਜਾਣਗੇ ਕਿਉਂਕਿ ਆਰਬੀਆਈ ਦੇ ਨਿਰਦੇਸ਼ਾਂ ਮੁਤਾਬਕ ਬੈਂਕ ਵਿੱਚ ਸਿਰਫ਼ 70 ਕਰਮਚਾਰੀ ਹੀ ਕੰਮ ਉੱਤੇ ਰੱਖੇ ਜਾ ਸਕਦੇ ਹਨ। ਇਸ ਨੂੰ ਵੇਖਦੇ ਹੋਏ 72 ਕਰਮਚਾਰੀਆਂ ਨੂੰ ਦੂਜੀ ਥਾਂ ਭੇਜ ਕੇ ਬੈਂਕ ਦਾ ਖਰਚ ਘੱਟ ਕੀਤਾ ਜਾਵੇਗਾ।