ਮੁੰਬਈ : ਭਾਰਤੀ ਰਿਜ਼ਰਵ ਬੈਂਕ ਦੇ ਕਰਜ਼ ਕਿਸ਼ਤਾਂ ਉੱਤੇ 3 ਮਹੀਨਿਆਂ ਦੀ ਰੋਕ ਦਾ ਲਾਭ ਜੇ ਸਾਰੀਆਂ ਕੰਪਨੀਆਂ ਚੁੱਕਦੀਆਂ ਹਨ, ਤਾਂ ਉਨ੍ਹਾਂ ਕੋਲ 2.10 ਲੱਖ ਕਰੋੜ ਰੁਪਏ ਦੀ ਜ਼ਿਆਦਾ ਨਕਦੀ ਉਪਲੱਭਧ ਹੋਵੇਗੀ। ਰੇਟਿੰਗ ਏਜੰਸੀ ਕ੍ਰਿਸਿਲ ਨੇ ਆਪਣੀ ਇੱਕ ਰਿਪੋਰਟ ਵਿੱਚ ਇਸ ਦੀ ਜਾਣਕਾਰੀ ਦਿੱਤੀ ਹੈ।
ਕਿਰਿਸਲ ਰੇਟਿੰਗਜ਼ ਦਾ ਇਹ ਅਨੁਮਾਨ 100 ਖੇਤਰਾਂ ਦੀ ਗ਼ੈਰ-ਵਿੱਤੀ ਖੇਤਰ ਦੀਆਂ 9,300 ਕੰਪਨੀਆਂ ਦੇ ਮੁਲਾਂਕਣ ਉੱਤੇ ਆਧਾਰਿਤ ਹੈ। ਕ੍ਰਿਸਿਲ ਇੰਨ੍ਹਾਂ ਕੰਪਨੀਆਂ ਦੀ ਰੇਟਿੰਗ ਕਰਦੀ ਹੈ। ਇਸ ਵਿੱਚ ਬਿਜਲੀ, ਦੂਰਸੰਚਾਰ, ਸੜਕ, ਕੱਪੜੇ ਅਤੇ ਖ਼ਾਦ ਖੇਤਰ ਦੀਆਂ ਕੰਪਨੀਆਂ ਨੂੰ ਸਭ ਤੋਂ ਜ਼ਿਆਦਾ ਲਾਭ ਹੋਵੇਗਾ। ਇੰਨ੍ਹਾਂ ਦੇ ਕੋਲ ਕੁੱਲ ਜ਼ਿਆਦਾਤਰ ਨਕਦੀ ਦੀ ਲਗਭਗ 47 ਫ਼ੀਸਦ ਦੇ ਕਾਰੋਬਾਰ ਰਾਹਤ ਉਪਲੱਭਧ ਹੋਵੇਗੀ।