ਨਵੀਂ ਦਿੱਲੀ: ਟਾਟਾ ਗਰੁੱਪ ਦੇ ਸਾਬਕਾ ਚੈਅਰਮੇਨ ਰਤਨ ਟਾਟਾ ਨੇ ਵੀਰਵਾਰ ਨੂੰ ਇੰਸਟਾਗ੍ਰਾਮ 'ਤੇ ਆਪਣੀ ਜਵਾਨੀ ਵੇਲੇ ਦੀ ਤਸਵੀਰ ਸਾਂਝੀ ਕੀਤੀ ਹੈ। ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਇਸ ਤਸਵੀਰ ਦੀ ਸ਼ਲਾਘਾ ਹੋ ਰਹੀ ਹੈ। ਤਸਵੀਰ ਨੂੰ ਸਾਂਝਾ ਕਰਦੇ ਹੋਏ ਰਤਨ ਟਾਟਾ ਨੇ ਲਿਖਿਆ, "ਮੈਂ ਇਸ ਤਸਵੀਰ ਨੂੰ ਕੱਲ੍ਹ ਹੀ ਪੋਸਟ ਕਰਨ ਵਾਲਾ ਸੀ ਪਰ ਫ਼ਿਰ ਮੈਂ ਥ੍ਰੋਬੈਕਸ ਦੇ ਬਾਰੇ ਸੁਣਿਆ ਅਤੇ ਉਹ ਤਾਂ ਵੀਰਵਾਰ ਨੂੰ ਹੀ ਹੋ ਸਕਦਾ ਸੀ।"
ਬਹੁਤ ਦਿਲਚਸਪ ਹੈ ਰਤਨ ਟਾਟਾ ਦੀ ਲਵ ਸਟੋਰੀ
ਰਤਨ ਟਾਟਾ ਨੂੰ ਆਪਣੀ ਜ਼ਿੰਦਗੀ 'ਚ 4 ਵਾਰ ਪਿਆਰ ਹੋਇਆ। ਪਿਆਰ ਵਿਆਹ ਦੇ ਮੁਕਾਮ 'ਤੇ ਵੀ ਪੁੱਜਿਆ ਪਰ ਕੋਈ ਨਾ ਕੋਈ ਦਿੱਕਤ ਆ ਗਈ। ਇੱਕ ਇੰਟਰਵਿਊ 'ਚ ਆਪਣੀ ਪ੍ਰੇਮ ਕਹਾਣੀ ਦਾ ਕਿੱਸਾ ਦੱਸਦੇ ਹੋਏ ਰਤਨ ਟਾਟਾ ਨੇ ਕਿਹਾ ਕਿ ਉਹ ਅਮਰੀਕਾ 'ਚ ਕੰਮ ਕਰਦੇ ਸੀ, ਉਨ੍ਹਾਂ ਨੂੰ ਸੱਚਾ ਪਿਆਰ ਹੋਇਆ। ਉਹ ਕੁਝ ਕੰਮ ਦੇ ਸਿਲਸਿਲੇ 'ਚ ਵਿਦੇਸ਼ ਪਰਤ ਆਏ। ਉਨ੍ਹਾਂ ਦੀ ਪ੍ਰੇਮਿਕਾ ਵੀ ਆਉਣ ਵਾਲੀ ਸੀ ਪਰ ਭਾਰਤ-ਚੀਨ ਦਾ ਵਿਵਾਦ ਸ਼ੁਰੂ ਹੋ ਗਿਆ। ਫ਼ਿਰ ਕੀ ਸੀ, ਉਹ ਆਈ ਨਹੀਂ ਅਤੇ ਕੁਝ ਸਮੇਂ ਬਾਅਦ ਉਨ੍ਹਾਂ ਦਾ ਵਿਆਹ ਕਿਸੇ ਹੋਰ ਨਾਲ ਹੋ ਗਿਆ।
ਰਤਨ ਟਾਟਾ ਦਾ ਵਪਾਰੀ ਕਰੀਅਰ
ਰਤਨ ਟਾਟਾ 21 ਸਾਲ ਟਾਟਾ ਗਰੁੱਪ ਦੇ ਚੈਅਰਮੇਨ ਰਹੇ। 1991 'ਚ ਉਨ੍ਹਾਂ ਨੂੰ ਇਹ ਜ਼ਿੰਮੇਵਾਰੀ ਮਿਲੀ ਅਤੇ ਉਨ੍ਹਾਂ ਆਪਣੇ 75 ਵੇਂ ਜਨਮਦਿਨ ਤੱਕ ਉਨ੍ਹਾਂ ਨੇ ਚੈਅਰਮੇਨ ਦਾ ਕਾਰਜਕਾਲ ਸੰਭਾਲਿਆ।