ਮੁੰਬਈ : ਮਹਾਂਰਾਸ਼ਟਰ ਦੇ ਲਾਸਲਗਾਂਵ ਵਿੱਚ ਪਿਆਜ਼ ਦੀਆਂ ਕੀਮਤਾਂ ਘੱਟ ਕੇ 30 ਰੁਪਏ ਪ੍ਰਤੀ ਕਿਲੋਗ੍ਰਾਮ ਤੋਂ ਹੇਠਾਂ ਆ ਗਏ ਹਨ। ਸਰਕਾਰ ਵੱਲੋਂ ਪਿਆਜ਼ ਦੇ ਨਿਰਯਾਤ ਉੱਤੇ ਰੋਕ ਅਤੇ ਵਪਾਰੀਆਂ ਉੱਤੇ ਇਸ ਦੇ ਸਟਾਕ ਦੀ ਸੀਮਾ ਲਾਗੂ ਕੀਤੇ ਜਾਣ ਤੋਂ ਬਾਅਦ ਏਸ਼ੀਆ ਦੀ ਸਭ ਤੋਂ ਵੱਡੀ ਥੋਕ ਪਿਆਜ਼ ਦੀ ਮੰਡੀ ਵਿੱਚ ਕੀਮਤਾਂ ਵਿੱਚ ਕਾਫ਼ੀ ਗਿਰਾਵਟ ਆਈ ਹੈ।
ਰਾਸ਼ਟਰੀ ਬਾਗਬਾਨੀ ਖੋਜ਼ ਅਤੇ ਵਿਕਾਸ ਸਥਾਪਨਾ (ਐੱਨਐੱਚਆਈਡੀਐੱਫ਼) ਦੇ ਅੰਕੜਿਆਂ ਮੁਤਾਬਕ ਨਾਸਿਕ ਜ਼ਿਲ੍ਹੇ ਵਿੱਚ ਸਥਿਤ ਲਾਸਲਗਾਂਵ ਮੰਡੀ ਵਿੱਚ ਸਤੰਬਰ ਦੇ ਮੱਧ ਵਿੱਚ ਪਿਆਜ਼ 51 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਉੱਚੇ ਪੱਧਰ ਉੱਤੇ ਪਹੁੰਚ ਗਿਆ ਸੀ। ਜਾਣਕਾਰੀ ਮੁਤਾਬਕ ਲਾਸਲਗਾਂਵ ਮੰਡੀ ਤੋਂ ਹੀ ਦੇਸ਼ ਭਰ ਵਿੱਚ ਪਿਆਜ਼ ਦੀਆਂ ਕੀਮਤਾਂ ਤੈਅ ਹੁੰਦੀਆਂ ਹਨ। ਇਸ ਮੰਡੀ ਵਿੱਚ ਪਿਆਜ਼ ਦੀਆਂ ਕੀਮਤਾਂ ਵਿੱਚ ਕਿਸੇ ਤਰ੍ਹਾਂ ਦੇ ਉਤਾਰ-ਚੜਾਅ ਦਾ ਅਸਰ ਪੂਰੇ ਦੇਸ਼ ਉੱਤੇ ਹੁੰਦਾ ਹੈ।
ਲਾਸਲਗਾਂਵ ਖੇਤੀ ਉਪਜ ਵਪਾਰ ਕਮੇਟੀ ਵਿੱਚ ਵੀਰਵਾਰ ਨੂੰ ਪਿਆਜ਼ ਦੀਆਂ ਔਸਤ ਥੋਕ ਕੀਮਤਾਂ ਘੱਟ ਕੇ 26 ਰੁਪਏ ਪ੍ਰਤੀ ਕਿਲੋਗ੍ਰਾਮ ਉੱਤੇ ਆ ਗਈਆਂ। ਪਿਆਜ਼ ਦਾ ਵੱਧ ਤੋਂ ਵੱਧ ਰੇਟ 30.20 ਰੁਪਏ ਕਿਲੋਗ੍ਰਾਮ ਅਤੇ ਘੱਟ ਤੋਂ ਘੱਟ ਰੇਟ 15 ਰੁਪਏ ਪ੍ਰਤੀ ਕਿਲੋਗ੍ਰਾਮ ਰਿਹਾ।