ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਟਵੀਟ ਕਰ ਕੇ ਕ੍ਰਿਕਟਰ ਸ਼ਿਖ਼ਰ ਧਵਨ ਲਈ ਇੱਕ ਸੰਦੇਸ਼ ਲਿਖਿਆ ਹੈ। ਪੀਐਮ ਮੋਦੀ ਨੇ ਲਿਖਿਆ ਹੈ ਕਿ ਧਵਨ ਦੀ ਗ਼ੈਰ ਮੌਜੂਦਗੀ ਪਿੱਚ ਤੇ ਜ਼ਰੂਰ ਮਹਿਸੂਸ ਹੋਵੇਗੀ।
ਪੀਐਮ ਮੋਦੀ ਨੇ ਧਵਨ ਨੂੰ ਛੇਤੀ ਠੀਕ ਹੋਣ ਲਈ ਕਾਮਨਾ ਕੀਤੀ ਅਤੇ ਕਿਹਾ ਕਿ ਧਵਨ ਛੇਤੀ ਹੀ ਠੀਕ ਹੋ ਕੇ ਭਾਰਤ ਲਈ ਕਈ ਮੈਚ ਜਿੱਤੇਗਾ।
ਇੱਥੇ ਜ਼ਿਕਰ ਕਰ ਦਈਏ ਕਿ ਸ਼ਿਖ਼ਰ ਧਵਨ ਅੰਗੂਠੇ ਤੇ ਸੱਟ ਲੱਗਣ ਕਾਰਨ ਵਿਸ਼ਵ ਕੱਪ 2019 ਵਿੱਚ ਬਾਹਰ ਹੋ ਗਏ ਹਨ। ਧਵਨ ਨੂੰ ਆਸਟ੍ਰੇਲੀਆ ਦੇ ਗੇਂਦਬਾਜ਼ ਪੈਟ ਕਮਿੰਸ ਦੀ ਬਾਊਂਸਰ ਗੇਂਦ ਤੇ ਸੱਟ ਲੱਗੀ ਸੀ। ਸੱਟ ਲੱਗਣ ਤੋਂ ਬਾਅਦ ਵੀ ਉਸ ਪਾਰੀ ਵਿੱਚ ਧਵਨ ਨੇ 117 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ ਸੀ ਪਰ ਇਹ ਪਾਰੀ ਧਵਨ ਦੀ ਵਿਸ਼ਵ ਕੱਪ ਦੀ ਆਖ਼ਰੀ ਪਾਰੀ ਸਾਬਤ ਹੋਈ।
ਧਵਨ ਦੇ ਵਿਸ਼ਵ ਕੱਪ ਵਿੱਚ ਬਾਹਰ ਹੋਣ ਤੋਂ ਬਾਅਦ ਉਸ ਦੀ ਜਗ੍ਹਾ ਕੇ.ਐੱਲ ਰਾਹੁਲ ਨੂੰ ਟੀਮ ਵਿੱਚ ਜਗ੍ਹਾ ਦਿੱਤੀ ਗਈ ਹੈ।
