ਉੱਤਰ ਪ੍ਰਦੇਸ਼:ਉੱਤਰ ਪ੍ਰਦੇਸ਼ ਸ਼ੀਆ ਸੈਂਟਰਲ ਵਕਫ ਬੋਰਡ ਦੇ ਮੈਂਬਰ ਵਸੀਮ ਰਿਜਵੀ ਜੋ ਅਕਸਰ ਆਪਣੇ ਵਿਵਾਦਪੂਰਨ ਬਿਆਨਾਂ ਨੂੰ ਲੈ ਕੇ ਸੁਰਖੀਆਂ ਵਿੱਚ ਰਹਿੰਦੇ ਹਨ ਹੁਣ ਇਜ਼ਰਾਈਲ ਅਤੇ ਫਿਲਸਤੀਨੀਆਂ ਦੀ ਲੜਾਈ ਨੂੰ ਲੈ ਕੇ ਮਸਜਿਦ ਅਲ-ਅਕਸਾ ਦੇ ਬਾਰੇ ਇੱਕ ਬਿਆਨ ਦਿੱਤਾ ਹੈ। ਵਸੀਮ ਰਿਜਵੀ ਨੇ ਕਿਹਾ ਕਿ ਸਾਰੇ ਮੁਸਲਿਮ ਦੇਸ਼ ਇੱਕ ਪਾਸੇ ਜੰਗ ਦੀ ਤਿਆਰੀ ਕਰ ਰਹੇ ਹਨ ।ਉਨਾਂ ਕਿਹਾ ਕਿ ਇਸ ਨਾਲ ਸਿਰਫ ਇਨਸਾਨੀਅਤ ਦਾ ਕਤਲ ਹੋਵੇਗਾ।
ਮਸਜਿਦ ਅਲ ਆਕਸ਼ਾ ਦੇ ਮਾਮਲੇ ਨੂੰ ਵਿਸ਼ਵ ਦੀ ਸਭ ਤੋਂ ਵੱਡੀ ਅਦਾਲਤ ਵਿੱਚ ਸੁਲਝਾਉਣਾ ਚਾਹੀਦਾ ਹੈ।ਵਸੀਮ ਰਿਜਵੀ ਨੇ ਐਤਵਾਰ ਨੂੰ ਆਪਣਾ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਜਿਸ ਤਰ੍ਹਾਂ ਭਾਰਤ ਵਿੱਚ ਮੰਦਰ ਅਤੇ ਮਸਜਿਦ ਦੇ ਕੇਸ ਦਾ ਫੈਸਲਾ ਦੇਸ਼ ਦੀ ਸਭ ਤੋਂ ਵੱਡੀ ਅਦਾਲਤ ਨੇ ਕੀਤਾ ਸੀ ਇਸ ਤਰੀਕੇ ਨਾਲ ਮੁਸਲਮਾਨਾਂ ਨੂੰ ਮਸਜਿਦ ਅਲ ਅਕਸਾ ਦੇ ਕੇਸ ਨੂੰ ਦੁਨੀਆ ਦੀ ਸਭ ਤੋਂ ਵੱਡੀ ਅਦਾਲਤ ਵਿੱਚ ਲਿਜਾਣਾ ਚਾਹੀਦਾ ਹੈ ਤੇ ਉਥੇ ਹੱਲ ਕਰਨਾ ਚਾਹੀਦਾ ਹੈ।ਰਿਜਵੀ ਨੇ ਕਿਹਾ ਕਿ ਜਿਸ ਢੰਗ ਨਾਲ ਮਸਜਿਦ ਦੇ ਨਾਮ ਅਤੇ ਮਸਜਿਦ ਦੇ ਅੰਦਰ ਲਹੂ ਹੋ ਰਿਹਾ ਹੈ ਉਹ ਇਨਸਾਨੀਅਤ ਦਾ ਕਤਲ ਹੈ।