Man on bike with six children: ਬੱਚਿਆਂ ਨੇ ਕਿਹਾ - ਪੁਲਿਸ ਅੰਕਲ ਇਸ ਵਾਰ ਪਿਤਾ ਜੀ ਨੂੰ ਛੱਡ ਦਿਓ, ਅੱਗੇ ਤੋਂ ਅਜਿਹਾ ਨਹੀਂ ਹੋਵੇਗਾ

ਵਾਰਾਣਸੀ 'ਚ ਮੰਗਲਵਾਰ ਨੂੰ ਇਕ ਦਿਲਚਸਪ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਪੁਲਿਸ ਨੇ 6 ਬੱਚਿਆਂ ਸਮੇਤ ਬਾਈਕ ਸਵਾਰ ਇੱਕ ਵਿਅਕਤੀ ਨੂੰ ਰੋਕਿਆ। ਬਾਈਕ 'ਤੇ ਸਵਾਰ ਬੱਚਿਆਂ ਨੇ ਚਲਾਨ ਨਾ ਕਰਨ ਦੀ ਬੇਤਨੀ ਇਸ ਤਰ੍ਹਾਂ ਕੀਤੀ ਕਿ ਕੋਤਵਾਲੀ ਥਾਣਾ ਮੁਖੀ ਆਸ਼ੀਸ਼ ਮਿਸ਼ਰਾ ਨੂੰ ਸਿਰਫ ਚਿਤਾਵਨੀ ਦੇ ਕੇ ਹੀ ਉਨ੍ਹਾਂ ਨੂੰ ਛੱਡਣਾ ਪਿਆ।(Man on bike with six children in Varanasi)

ਵਾਰਾਣਸੀ: ਵਾਰਾਣਸੀ ਵਿੱਚ ਟ੍ਰੈਫਿਕ ਪੁਲਿਸ ਲਗਾਤਾਰ ਲੋਕਾਂ ਨੂੰ ਟ੍ਰੈਫਿਕ ਨਿਯਮਾਂ ਦੀ ਜਾਣਕਾਰੀ ਦਿੰਦੀ ਰਹਿੰਦੀ ਹੈ। ਜਦੋਂ ਕਿ ਕੁਝ ਲੋਕ ਇਸਦਾ ਸੌ ਫੀਸਦੀ ਪਾਲਣ ਕਰਦੇ ਹਨ, ਤਾਂ ਕੁਝ ਨਿਯਮ ਤੋੜਦੇ ਹਨ। ਇਸ ਦਾ ਖ਼ਮਿਆਜ਼ਾ ਉਨ੍ਹਾਂ ਨੂੰ ਚਲਾਨ ਦੇ ਰੂਪ ਵਿੱਚ ਭੁਗਤਣਾ ਪੈਂਦਾ ਹੈ। ਵਾਰਾਣਸੀ 'ਚ ਮੰਗਲਵਾਰ ਨੂੰ ਟ੍ਰੈਫਿਕ ਨਿਯਮਾਂ ਦੀ ਉਲੰਘਣਾ ਦੀ ਤਸਵੀਰ ਸਾਹਮਣੇ ਆਈ। ਟ੍ਰੈਫਿਕ ਨਿਯਮਾਂ ਦੀ ਅਣਦੇਖੀ ਕਰਦਿਆਂ ਵਾਰਾਣਸੀ ਵਿੱਚ ਇੱਕ ਵਿਅਕਤੀ ਛੇ ਬੱਚਿਆਂ ਨੂੰ ਬਿਠਾ ਕੇ ਬਾਈਕ ਚਲਾ ਰਿਹਾ ਸੀ। ਤਸਵੀਰ ਵਿੱਚ ਚਾਰ ਬੱਚੇ ਬਾਈਕ ਸਵਾਰ ਦੇ ਪਿੱਛੇ ਅਤੇ ਦੋ ਉਸਦੇ ਅੱਗੇ ਬੈਠੇ ਨਜ਼ਰ ਆ ਰਹੇ ਹਨ। (Man on bike with six children in Varanasi)

ਉਥੇ ਹੀ ਜਦੋਂ ਵਾਇਰਲ ਫੋਟੋ ਬਾਰੇ ਪੁੱਛਿਆ ਗਿਆ ਤਾਂ ਕੋਤਵਾਲੀ ਥਾਣਾ ਇੰਚਾਰਜ ਆਸ਼ੀਸ਼ ਮਿਸ਼ਰਾ ਨੇ ਕਿਹਾ ਕਿ ਮੰਗਲਵਾਰ ਸ਼ਾਮ ਕੋਤਵਾਲੀ ਥਾਣਾ ਖੇਤਰ 'ਚ ਮੋਟਰਸਾਈਕਲ 'ਤੇ ਜਾ ਰਹੇ ਇਸ ਬਾਈਕ ਸਵਾਰ ਨੂੰ ਰੋਕਿਆ ਗਿਆ ਅਤੇ ਖੂਬ ਝਿੜਕਿਆ ਗਿਆ। ਇੱਕ ਹੀ ਬਾਈਕ 'ਤੇ 6 ਬੱਚਿਆਂ ਨੂੰ ਲੈ ਕੇ ਜਾ ਰਹੇ ਇਸ ਵਿਅਕਤੀ ਨੇ ਆਪਣੇ ਬੱਚਿਆਂ ਦੇ ਨਾਲ-ਨਾਲ ਹੋਰ ਬੱਚਿਆਂ ਦੀ ਜਾਨ ਵੀ ਖਤਰੇ 'ਚ ਪਾ ਦਿੱਤੀ ਸੀ। ਜਦੋਂ ਥਾਣਾ ਮੁਖੀ ਇਸ ਵਿਅਕਤੀ ਦੇ ਬਾਈਕ ਦਾ ਚਲਾਨ ਕੱਟਣ ਜਾ ਰਹੇ ਸਨ ਤਾਂ ਬਾਈਕ ਦੇ ਪਿੱਛੇ ਬੈਠੇ ਬੱਚਿਆਂ ਨੇ ਕਿਹਾ ਕਿ ਪੁਲਿਸ ਅੰਕਲ ਇਸ ਵਾਰ ਸਾਡੇ ਪਿਤਾ ਨੂੰ ਛੱਡ ਦਿਓ। ਅੱਗੇ ਤੋਂ ਅਜਿਹਾ ਨਹੀਂ ਹੋਵੇਗਾ।

ਬੱਚਿਆਂ ਦੀਆਂ ਗੱਲਾਂ ਸੁਣ ਕੇ ਥਾਣਾ ਮੁਖੀ ਅਸ਼ੀਸ਼ ਮਿਸ਼ਰਾ ਦਾ ਦਿਲ ਪਿਘਲ ਗਿਆ ਅਤੇ ਉਨ੍ਹਾਂ ਨੇ ਬੱਚਿਆਂ ਨੂੰ ਬਾਈਕ ਤੋਂ ਉਤਾਰਿਆ ਅਤੇ ਉਨ੍ਹਾਂ ਦੀ ਸੁਰੱਖਿਆ ਨੂੰ ਧਿਆਨ 'ਚ ਰੱਖਦੇ ਹੋਏ ਆਟੋ ਦਾ ਇੰਤਜ਼ਾਮ ਕਰਕੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਪਿਤਾ ਨਾਲ ਘਰ ਭੇਜ ਦਿੱਤਾ। ਲਾਪਰਵਾਹ ਪਿਤਾ ਨੂੰ ਚਿਤਾਵਨੀ ਦੇ ਕੇ ਛੱਡ ਦਿੱਤਾ ਗਿਆ। ਪੁਲਿਸ ਨੇ ਬੱਚਿਆਂ ਦੇ ਪਿਤਾ ਨੂੰ ਸਮਝਾਇਆ ਕਿ ਉਹ ਹੁਣ ਤੋਂ ਟ੍ਰੈਫਿਕ ਨਿਯਮਾਂ ਦੀ ਪਾਲਣਾ ਕਰੇ। ਵਾਇਰਲ ਫੋਟੋ ਹੁਣ ਵਾਰਾਣਸੀ ਵਿੱਚ ਚਰਚਾ ਦਾ ਵਿਸ਼ਾ ਬਣ ਗਈ ਹੈ।