ਨਵੀਂ ਦਿੱਲੀ:ਠੱਗ ਸੁਕੇਸ਼ ਚੰਦਰਸ਼ੇਖਰ ਦਾ ਰੋਣ ਵਾਲਾ ਵੀਡੀਓ ਸਾਹਮਣੇ ਆਇਆ ਹੈ। ਸੁਕੇਸ਼ ਮੰਡੋਲੀ ਜੇਲ 'ਚ ਬੰਦ ਸੁਕੇਸ਼ ਰੰਜਨ, ਜੇਲਰ ਦੀਪਕ ਸ਼ਰਮਾ ਅਤੇ ਜੈਸਿੰਘ ਦੇ ਸਾਹਮਣੇ ਫੁੱਟ-ਫੁੱਟ ਕੇ ਰੋਇਆ। ਇਸ ਦੀ ਸੀਸੀਟੀਵੀ ਫੁਟੇਜ ਸਾਹਮਣੇ ਆਈ ਹੈ, ਜਿਸ ਵਿੱਚ ਉਹ ਰੋਂਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਸੁਕੇਸ਼ ਹਰਸ਼ ਵਿਹਾਰ ਇਲਾਕੇ ਦੀ ਮੰਡੋਲੀ ਜੇਲ੍ਹ ਵਿੱਚ ਬੰਦ ਹੈ। ਦੱਸਿਆ ਗਿਆ ਕਿ ਜੇਲ੍ਹ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਗਈ। ਇਸ ਦੌਰਾਨ ਜੇਲ ਪ੍ਰਸ਼ਾਸਨ ਨੂੰ ਸੁਕੇਸ਼ ਦੀ ਬੈਰਕ ਦੀ ਤਲਾਸ਼ੀ ਲੈਣ 'ਤੇ ਕੋਠੜੀ 'ਚੋਂ ਡੇਢ ਲੱਖ ਰੁਪਏ, ਚੱਪਲਾਂ ਅਤੇ 80 ਹਜ਼ਾਰ ਰੁਪਏ ਦੀਆਂ ਦੋ ਜੀਨਸਾਂ ਬਰਾਮਦ ਹੋਈਆਂ।
ਸਾਮਾਨ ਜ਼ਬਤ ਕਰਦੇ ਸਮੇਂ ਰੋਇਆ ਠੱਗ:ਵੀਡੀਓ 'ਚ ਸੁਕੇਸ਼ ਰੋਂਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਉਹ ਵਾਰ-ਵਾਰ ਅੱਖਾਂ ਪੂੰਝਦਾ ਵੀ ਨਜ਼ਰ ਆ ਰਿਹਾ ਹੈ। ਪਿਛਲੇ ਕੁਝ ਮਹੀਨਿਆਂ ਤੋਂ ਸੁਕੇਸ਼ ਚੰਦਰਸ਼ੇਖਰ ਆਪਣੇ ਪੱਤਰਾਂ ਰਾਹੀਂ ਨਾ ਸਿਰਫ ਕਲਾਕਾਰਾਂ ਸਗੋਂ ਕਈ ਰਾਜਨੇਤਾਵਾਂ ਨੂੰ ਵੀ ਨਿਸ਼ਾਨਾ ਬਣਾ ਰਹੇ ਹਨ। ਇਸ ਮਾਮਲੇ 'ਚ ਜੈਕਲੀਨ ਫਰਨਾਂਡੀਜ਼ ਅਤੇ ਨੋਰਾ ਫਤੇਹੀ ਵਰਗੀਆਂ ਅਭਿਨੇਤਰੀਆਂ ਦੀ ਜਾਂਚ ਚੱਲ ਰਹੀ ਹੈ।