ਕੋਰੋਨਾ ਨੂੰ ਹਥਿਆਰ ਬਣਾ ਕੇ ਵਰਤ ਰਹੇ ਹਨ ਕੈਪਟਨ : ਮੀਤ ਹੇਅਰ

ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਮੀਤ ਹੇਅਰ ਨੇ ਕਿਹਾ ਕਿ ਜਦੋਂ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਪੋਤੀ ਦਾ ਵਿਆਹ ਹੁੰਦਾ ਤਾਂ ਉਸ ਵੇਲੇ ਕੋਵਿਡ ਦੇ ਨਿਯਮ ਕਿੱਥੇ ਜਾਂਦੇ ਹਨ ਜਦੋਂ ਕਿਸੇ ਕਾਂਗਰਸੀ ਵਿਧਾਇਕ ਨੇ ਕੋਈ ਉਦਘਾਟਨ ਕਰਨਾ ਹੁੰਦਾ ਤਾਂ ਹਜ਼ਾਰਾਂ ਲੋਕਾਂ ਇਕੱਠ ਕੀਤਾ ਜਾਂਦਾ ਹੈ ਤਾਂ ਉਸ ਵੇਲੇ ਮਹਾਂਮਾਰੀ ਦੇ ਨਿਯਮ ਕਿੱਥੇ ਜਾਂਦੇ ਹਨ।

ਚੰਡੀਗੜ :ਕੋਵਿਡ ਰੀਵਿਊ ਦੀ ਹੋਈ ਬੈਠਕ ਤੋਂ ਬਾਅਦ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੂਬੇ ਭਰ ਦੇ ਵਿੱਚ ਰਾਤ ਦਾ ਕਰਫਿਊ ਨੌੰ ਤੋਂ ਪੰਜ ਵਜੇ ਤੱਕ ਲਗਾਉਣ ਦੇ ਆਦੇਸ਼ ਦਿੱਤੇ ਹਨ ਇੰਨਾ ਹੀ ਨਹੀਂ ਸਿਆਸੀ ਪਾਰਟੀਆਂ ਤੇ ਵੀ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਉਹ ਰੈਲੀਆਂ ਕਰਨੀਆਂ ਬੰਦ ਕਰਨ ਨਹੀਂ ਤਾਂ ਪੈੱਨਡੈਮਿਕ ਐਕਟ ਤਹਿਤ ਉਨ੍ਹਾਂ ਖ਼ਿਲਾਫ਼ ਵੀ ਪਰਚੇ ਦਰਜ ਕੀਤੇ ਜਾਣਗੇ ਅਤੇ ਟੈਂਟ ਹਾਊਸ ਮਾਲਕਾਂ ਖ਼ਿਲਾਫ਼ ਵੀ ਕਿਸੇ ਵੀ ਸਿਆਸੀ ਰੈਲੀ ਜਾਂ ਇਕੱਠ ਲਈ ਦਿੱਤੇ ਗਏ ਸਾਮਾਨ ਨੂੰ ਲੈ ਕੇ ਵੀ ਪਰਚਾ ਦਰਜ ਕੀਤਾ ਜਾਵੇਗਾ ਇਸ ਤੋਂ ਇਲਾਵਾ ਵਿਆਹ ਸ਼ਾਦੀਆਂ ਅਤੇ ਮਰਗਦ ਸਮੇਂ ਅੰਦਰੂਨੀ 50 ਲੋਕਾਂ ਦਾ ਇਕੱਠ ਅਤੇ ਆਊਟਡੋਰ 100 ਲੋਕਾਂ ਦੇ ਇਕੱਠ ਨੂੰ ਪ੍ਰਵਾਨਗੀ ਦਿੱਤੀ ਹੈ ਇਸ ਤੋਂ ਇਲਾਵਾ ਸਾਰੇ ਸਰਕਾਰੀ ਦਫ਼ਤਰਾਂ ਵਿੱਚ ਮੁਲਾਜ਼ਮਾਂ ਨੂੰ ਮਾਸਕ ਪਾਉਣ ਦੀ ਹਦਾਇਤ ਦਿੱਤੀ ਗਈ ਹੈ


ਉਲਟੇ ਪੈਰ ਮੁੱਖ ਮੰਤਰੀ ਉਪਰ ਨਿਸ਼ਾਨਾ ਸਾਧਦਿਆਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਮੀਤ ਹੇਅਰ ਨੇ ਕਿਹਾ ਕਿ ਜਦੋਂ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਪੋਤੀ ਦਾ ਵਿਆਹ ਹੁੰਦਾ ਤਾਂ ਉਸ ਵੇਲੇ ਕੋਵਿਡ ਦੇ ਨਿਯਮ ਕਿੱਥੇ ਜਾਂਦੇ ਹਨ ਜਦੋਂ ਕਿਸੇ ਕਾਂਗਰਸੀ ਵਿਧਾਇਕ ਨੇ ਕੋਈ ਉਦਘਾਟਨ ਕਰਨਾ ਹੁੰਦਾ ਤਾਂ ਹਜ਼ਾਰਾਂ ਲੋਕਾਂ ਇਕੱਠ ਕੀਤਾ ਜਾਂਦਾ ਹੈ ਤਾਂ ਉਸ ਵੇਲੇ ਮਹਾਂਮਾਰੀ ਦੇ ਨਿਯਮ ਕਿੱਥੇ ਜਾਂਦੇ ਹਨ ਅਤੇ ਨਵੇਂ ਨਵੇਂ ਨਿਯਮ ਲਾਗੂ ਕਰ ਲੋਕਾਂ ਤੇ ਬੋਝ ਪਾਇਆ ਜਾ ਰਿਹਾ ਹੈ ਲੇਕਿਨ ਪੰਜਾਬ ਦੇ ਲੋਕ ਬੇਵਕੂਫ ਨਹੀਂ ਹਨ ਉਹ ਸਮਝਦਾਰ ਤੇ ਜਾਗਰੂਕ ਹੋ ਚੁੱਕੇ ਹਨ ਤੇ ਉਹ ਦੋ ਹਜਾਰ ਬਾਈ ਵਿਚ ਕਾਂਗਰਸ ਦੀਆਂ ਸਾਰੀਆਂ ਚਾਲਾਂ ਦਾ ਜਵਾਬ ਜ਼ਰੂਰ ਦੇਣਗੇ ਅਤੇ ਕੋਰੋਨਾ ਮਹਾਂਮਾਰੀ ਨੂੰ ਹਥਿਆਰ ਬਣਾ ਕੇ ਕੈਪਟਨ ਆਪਣੀਆਂ ਨਾਕਾਮੀਆਂ ਨਹੀਂ ਛੁਪਾ ਸਕਦੇ।

ਇੰਨਾ ਹੀ ਨਹੀਂ ਮੀਤ ਹੇਅਰ ਨੇ ਕਾਂਗਰਸ ਸਰਕਾਰ ਤੇ ਨਿਸ਼ਾਨਾ ਸਾਧਿਆ ਵੀ ਕਿਹਾ ਕਿ ਪੱਚੀ ਪੈਸੇ ਵਿਸ਼ੇਸ਼ ਇਨਫਰਾਸਟਰੱਕਚਰ ਡਿਵੈੱਲਪਮੈਂਟ ਟੈਕਸ ਲਗਾ ਕੇ ਪੰਜਾਬ ਦੇ ਲੋਕਾਂ ਤੇ ਬੋਝ ਪਾਇਆ ਜਾ ਰਿਹਾ ਜਦ ਕਿ ਸੂਬੇ ਨੂੰ ਖੋਰਾ ਲਾ ਰਹੇ ਮਾਫ਼ੀਆ ਨੂੰ ਰੋਕਣ ਲਈ ਸਰਕਾਰ ਕੁਝ ਨਹੀਂ ਕਰ ਰਹੀ ਜੇਕਰ ਕਾਂਗਰਸ ਸਰਕਾਰ ਰੇਤ ਮਾਫੀਆ ਅਤੇ ਸ਼ਰਾਬ ਮਾਫੀਆ ਸਣੇ ਤਮਾਮ ਮਾਫੀਆ ਤੇ ਜੇਕਰ ਲਗਾਮ ਲਗਾ ਲਈ ਜਾਵੇ ਤਾਂ ਪੰਜਾਹ ਹਜ਼ਾਰ ਕਰੋੜ ਤੱਕ ਦਾ ਸਰਕਾਰੀ ਖਜ਼ਾਨੇ ਵਿਚ ਪੈਸਾ ਆ ਸਕਦਾ ਹੈ ਲੇਕਿਨ ਅਕਾਲੀ ਦਲ ਦੇ ਸਮੇਂ ਇਹ ਮਾਫੀਆ ਵੀ ਚਲਦਾ ਸੀ ਅਤੇ ਅੱਜ ਕਾਂਗਰਸੀਆਂ ਦੀ ਸਰਕਾਰ ਸਮੇਂ ਵੀ ਇਹ ਮਾਫ਼ੀਆ ਨਿਰੰਤਰ ਚੱਲ ਰਿਹਾਅਤੇ ਹਰ ਜ਼ਿਲ੍ਹੇ ਦੇ ਵਿੱਚ ਵੀਹ ਲੱਖ ਰੁਪਿਆ ਰੋਜ਼ਾਨਾ ਰੇਤ ਮਾਫੀਆ ਤੋਂ ਵਿਧਾਇਕ ਲੈਂਦੇ ਹਨ ਅਤੇ ਮੁੱਖ ਮੰਤਰੀ ਦੇ ਹਲਕੇ ਵਿੱਚ ਲਗਾਤਾਰ ਸ਼ਰਾਬ ਮਾਫੀਆ ਚੱਲ ਰਿਹਾ ਹੈ ਜਿਸ ਤੇ ਲਗਾਮ ਲਗਾਉਣ ਚ ਮੁੱਖਮੰਤਰੀ ਖੁਦ ਫੇਲ੍ਹ ਰਹੇ ਹਨ ਸੂਬੇ ਭਰ ਦੇ ਵਿੱਚ ਆਮ ਆਦਮੀ ਪਾਰਟੀ ਵੱਲੋਂ ਅੱਜ ਤੋਂ ਬਿਜਲੀ ਦੇ ਵਧੇ ਰੇਟਾਂ ਨੂੰ ਲੈ ਕੇ ਧਰਨੇ ਪ੍ਰਦਰਸ਼ਨ ਕੀਤੇ ਜਾਣੇ ਸਨ ਜਿਸ ਬਾਰੇ ਸਵਾਲ ਆਪ ਵਿਧਾਇਕਾਂ ਨੂੰ ਕੀਤਾ ਗਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ਉਹ ਪ੍ਰਦਰਸ਼ਨ ਆਉਣ ਵਾਲੇ ਦਿਨਾਂ ਚ ਕਰਨਗੇ ਅਤੇ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵੱਲੋਂ ਪ੍ਰਾਈਵੇਟ ਕੰਪਨੀਆਂ ਨਾਲ ਕੀਤੇ ਸਮਝੌਤੇ ਦਾ ਕਮਿਸ਼ਨ ਜਿੱਥੇ ਪਹਿਲਾਂ ਅਕਾਲੀ ਦਲ ਨੂੰ ਜਾਂਦਾ ਸੀ ਤੇ ਅੱਜ ਉਹ ਕਮਿਸ਼ਨ ਕਾਂਗਰਸ ਸਰਕਾਰ ਖਾ ਰਹੀ ਹੈ ਤੇ ਵਿਧਾਨ ਸਭਾ ਚ ਕਾਂਗਰਸ ਵ੍ਹਾਈਟ ਪੇਪਰ ਲਿਆਉਣ ਦੀ ਗੱਲ ਕਰਦੀ ਸੀ ਲੇਕਿਨ ਹੁਣ ਤੱਕ ਬਿਜਲੀ ਬਿੱਲਾਂ ਦੇ ਵਧੇ ਰੇਟਾਂ ਨੂੰ ਲੈ ਕੇ ਕੋਈ ਵੀ ਵ੍ਹਾਈਟ ਪੇਪਰ ਨਹੀਂ ਲਿਆਂਦਾ ਗਿਆ ਤਾਂ ਵਿਧਾਇਕ ਨੇ ਵੀ ਸਵਾਲ ਕਾਂਗਰਸ ਨੂੰ ਕੀਤਾ ਜੇਕਰ ਬਾਕੀ ਸੂਬਿਆਂ ਦੇ ਵਿੱਚ ਬਿਜਲੀ ਸਸਤੀ ਹੈ ਤਾਂ ਪੰਜਾਬ ਵਿੱਚ ਕਿਉਂ ਨਹੀਂ ।