ਮੁੰਬਈ: ਦੱਖਣੀ ਮੁੰਬਈ ਦੇ ਤਾਰਦੇਓ ਸਥਿਤ 60 ਮੰਜ਼ਿਲਾ ਟਵਿਨ ਟਾਵਰ ਕੰਪਲੈਕਸ ਵਿੱਚ ਕਥਿਤ ਤੌਰ 'ਤੇ ਸਟੰਟ ਵੀਡੀਓ ਬਣਾਉਣ ਲਈ ਦਾਖ਼ਲ ਹੋਣ ਦੇ ਦੋਸ਼ ਵਿੱਚ ਰੂਸ ਦੇ ਦੋ ਯੂਟਿਊਬਰ ਨੂੰ ਮਹਾਰਾਸ਼ਟਰ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਪੁਲਿਸ ਨੇ ਮੰਗਲਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਗਏ ਦੋ ਰੂਸੀ ਯੂਟਿਊਬਰ ਦੀ ਪਛਾਣ ਮੈਕਸਿਮ ਸ਼ਚਰਬਾਕੋਵ (25) ਅਤੇ ਰੋਮਨ ਪ੍ਰੋਸ਼ਿਨ (33) ਵਜੋਂ ਹੋਈ ਹੈ। ਦੋਵਾਂ ਨੂੰ ਸੋਮਵਾਰ ਦੇਰ ਰਾਤ ਗ੍ਰਿਫ਼ਤਾਰ ( climbing 60-storey building to make stunt video) ਕੀਤਾ ਗਿਆ।
ਉਨ੍ਹਾਂ ਵਿਰੁੱਧ ਭਾਰਤੀ ਦੰਡਾਵਲੀ ਦੀ ਧਾਰਾ 452 ਅਤੇ ਹੋਰ ਸਬੰਧਤ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਐਫਆਈਆਰ ਦਰਜ ਕਰਨ ਤੋਂ ਬਾਅਦ ਰੂਸੀ ਦੂਤਘਰ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ ਗਈ। ਅਧਿਕਾਰੀ ਨੇ ਦੱਸਿਆ ਕਿ ਮੁਲਜ਼ਮ ਸਟੰਟ ਵੀਡੀਓ ਬਣਾਉਣ ਲਈ ਕਥਿਤ ਤੌਰ 'ਤੇ ਟਵਿਨ ਟਾਵਰ ਕੰਪਲੈਕਸ 'ਦਿ ਇੰਪੀਰੀਅਲ' 'ਚ ਦਾਖਲ ਹੋਇਆ ਸੀ। ਮੌਕੇ 'ਤੇ ਤਾਇਨਾਤ ਸੁਰੱਖਿਆ ਕਰਮਚਾਰੀਆਂ ਨੇ ਉਨ੍ਹਾਂ ਨੂੰ ਸੀਸੀਟੀਵੀ ਕੈਮਰੇ 'ਚ ਦੇਖਿਆ ਅਤੇ ਤੁਰੰਤ (stunt on twin tower) ਪੁਲਿਸ ਨੂੰ ਸੂਚਨਾ ਦਿੱਤੀ।
ਜਾਂਚ 'ਚ ਪਤਾ ਲੱਗਾ ਕਿ ਦੋਵੇਂ ਨੌਜਵਾਨ ਸੋਮਵਾਰ ਦੇਰ ਰਾਤ ਟਵਿਨ ਟਾਵਰ ਕੰਪਲੈਕਸ 'ਚ ਦਾਖਲ ਹੋਏ ਸਨ ਅਤੇ ਪੌੜੀਆਂ ਰਾਹੀਂ 58ਵੀਂ ਮੰਜ਼ਿਲ 'ਤੇ ਪਹੁੰਚੇ ਸਨ। ਇਸ ਤੋਂ ਬਾਅਦ ਦੋਵੇਂ ਨੌਜਵਾਨ ਕਥਿਤ ਤੌਰ 'ਤੇ ਇਮਾਰਤ ਦੇ ਬਾਹਰਲੇ ਪਾਸੇ ਤੋਂ ਹੇਠਾਂ ਉਤਰਦੇ ਸਮੇਂ ਸਟੰਟ ਕਰਦੇ ਹੋਏ ਵੀਡੀਓ (Russian YouTubers on Twin Tower for stunt video) ਬਣਾਉਣ ਲੱਗੇ। ਅਧਿਕਾਰੀ ਨੇ ਦੱਸਿਆ ਕਿ ਜਦੋਂ ਸੁਰੱਖਿਆ ਕਰਮਚਾਰੀਆਂ ਨੇ ਉਸ ਨੂੰ ਦੇਖਿਆ ਤਾਂ ਉਹ 28ਵੀਂ ਮੰਜ਼ਿਲ 'ਤੇ ਆ ਗਏ। ਇਸ ਤੋਂ ਬਾਅਦ ਪੰਜਵੀਂ ਮੰਜ਼ਿਲ 'ਤੇ ਲੁਕ ਗਏ ਅਤੇ ਉਥੋਂ ਇਕ ਟਿੱਲੇ 'ਤੇ ਛਾਲ ਮਾਰ ਦਿੱਤੀ। ਮੁਲਜ਼ਮਾਂ ਦੇ ਹੱਥਾਂ-ਪੈਰਾਂ 'ਤੇ ਸੱਟ ਲੱਗੀ ਹੈ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਦੱਸ ਦਈਏ ਕਿ ਇੰਪੀਰੀਅਲ ਟਵਿਨ ਟਾਵਰ ਕੰਪਲੈਕਸ 60 ਮੰਜ਼ਿਲਾਂ ਦੀ ਰਿਹਾਇਸ਼ੀ ਇਮਾਰਤ ਹੈ। ਇਸ ਵਿੱਚ ਸ਼ਹਿਰ ਦੇ ਕਈ ਪਰਿਵਾਰ ਰਹਿੰਦੇ ਹਨ। ਸੀਸੀਟੀਵੀ ਕੰਟਰੋਲ ਰੂਮ ਵਿੱਚ ਇੱਕ ਸੁਰੱਖਿਆ ਗਾਰਡ ਨੇ ਦੋਵਾਂ ਯੂਟਿਊਬਰਾਂ ਨੂੰ ਉੱਪਰ ਚੜ੍ਹਦੇ ਦੇਖਿਆ। ਇਸ ਤੋਂ ਬਾਅਦ ਸੁਰੱਖਿਆ ਗਾਰਡ ਨੇ (Twin Tower Complex to make stunt video) ਉਨ੍ਹਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ, ਪਰ ਉਨ੍ਹਾਂ ਨੇ ਸੁਰੱਖਿਆ ਗਾਰਡਾਂ ਦੀ ਗੱਲ ਨਹੀਂ ਸੁਣੀ। ਬਾਅਦ ਵਿੱਚ ਸੁਰੱਖਿਆ ਗਾਰਡ ਨੇ ਤਾਰਦੇਓ ਪੁਲਿਸ ਨਾਲ ਸੰਪਰਕ ਕੀਤਾ। ਕਰੀਬ ਦੋ ਘੰਟੇ ਦੇ ਡਰਾਮੇ ਤੋਂ ਬਾਅਦ ਆਖਿਰਕਾਰ ਪੁਲਿਸ ਨੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਤਾਰਦੇਓ ਥਾਣੇ ਲਿਜਾਇਆ ਗਿਆ।
ਇਹ ਵੀ ਪੜ੍ਹੋ:ਫੈਮਿਲੀ ਕੋਰਟ 'ਚ ਮਾਮਲਾ, ਔਰਤ ਕਰਦੀ ਸੀ ਐਪ ਰਾਹੀਂ ਗੰਦੀਆਂ ਗੱਲਾਂ, ਪੋਲ ਖੁਲੀ ਤਾਂ ਪਤੀ ਬਣਿਆ ਦੁਸ਼ਮਣ
