ਨਵੀਂ ਦਿੱਲੀ: ਕੋਰੋਨਾ ਮਹਾਂਮਾਰੀ ਦੇ ਚਲਦੇ ਯਾਤਰੀ ਸੇਵਾ ਪੂਰੀ ਤਰ੍ਹਾਂ ਬੰਦ ਕਰਨ ਦੇ ਬਾਅਦ ਰੇਲਵੇ ਹੁਣ ਤੱਕ ਆਪਣੀ ਅਸਲ ਰੂਟੀਨ ਉੱਤੇ ਵਾਪਸ ਨਹੀਂ ਆ ਸਕਿਆ ਹੈ। ਹਾਂਲਾਕਿ ਯਾਤਰੀਆਂ ਦੀ ਸਹੂਲਤ ਲਈ ਸਪੈਸ਼ਲ ਰੇਲ ਗੱਡੀਆਂ ਦਾ ਸੰਚਾਲਨ ਲਗਾਤਾਰ ਕੀਤਾ ਜਾ ਰਿਹਾ ਹੈ। ਮੌਜੂਦਾ ਸਮੇਂ ਵਿੱਚ ਰੇਲਵੇ ਪੁਰਾਣੀ ਸਮਾਂਸੂਚੀ ਦੀ ਤੁਲਣਾ ਵਿੱਚ 60 ਫੀਸਦ ਗੱਡੀਆਂ ਦਾ ਸੰਚਾਲਨ ਕਰ ਰਿਹਾ ਹੈ।
ਜਾਣਕਾਰੀ ਮੁਤਾਬਕ ਕੋਰੋਨਾ ਤੋਂ ਪਹਿਲਾਂ ਉੱਤਰ ਰੇਲਵੇ ਕਰੀਬ 1900 ਰੇਲ ਗੱਡੀਆਂ ਦਾ ਸੰਚਾਲਨ ਕਰਦੀ ਸੀ। ਇਹ ਗੱਡੀਆਂ ਉੱਤਰ ਰੇਲਵੇ ਦੇ ਪੰਜ ਮੰਡਲ ਦੇ ਆਧਾਰ ਉੱਤੇ ਹੈ। ਪਹਿਲੀ ਲਹਿਰ ਦੇ ਬਾਅਦ ਜਦੋਂ ਗੱਡੀਆਂ ਸ਼ੁਰੂ ਹੋਈਆਂ ਤਾਂ ਸਪੈਸ਼ਲ ਮੇਲ/ ਐਕਸਪ੍ਰੈਸ ਟ੍ਰੇਨ ਚਲਾਈ ਗਈ। ਹੌਲੀ-ਹੌਲੀ ਸ਼ੁਰੂ ਹੀ ਰਿਹਾ ਸੰਚਾਲਨ ਰੂਟੀਨ ਉੱਤੇ ਪਹੁੰਚਿਆਂ ਹੀ ਸੀ ਕਿ ਦੂਜੀ ਲਹਿਰ ਵਿੱਚ ਰੇਲਵੇ ਨੂੰ ਫਿਰ ਤੋਂ ਰੇਲ ਗੱਡੀਆਂ ਰੱਦ ਕਰਨੀਆਂ ਪਈਆਂ।
ਮੌਜੂਦਾ ਸਮੇਂ ਵਿੱਚ ਉੱਤਰ ਰੇਲਵੇ ਵਿੱਚ ਕੁੱਲ 1136 ਗੱਡੀਆਂ ਦਾ ਸੰਚਾਲਨ ਹੋ ਰਿਹਾ ਹੈ। ਉੱਥੇ ਹੀ ਕਬਜ਼ੇ (occupancy) ਦੇ ਆਧਾਰ ਉੱਤੇ ਇਸ ਨੂੰ ਲਗਾਤਾਰ ਵਧਾਇਆ ਜਾ ਰਿਹਾ ਹੈ। ਹਾਲ ਹੀ ਵਿੱਚ ਰੇਲਵੇ ਨੇ ਦਿੱਲੀ ਤੋਂ ਵੱਖ-ਵੱਖ ਦਿਸ਼ਾਵਾਂ ਵਿੱਚ ਆਉਣ ਅਤੇ ਜਾਣ ਵਾਲੀ ਕੁੱਲ 25 ਗੈਰ-ਰਿਜ਼ਰਵਡ ਟ੍ਰੇਨਾਂ ਨੂੰ ਚਲਾਇਆ ਹੈ। ਇਸ ਵਿੱਚ ਦਿੱਲੀ ਅਤੇ ਆਲੇ ਦੁਆਲੇ ਦੇ ਇਲਾਕਿਆਂ ਵਿੱਚ ਸਫ਼ਰ ਕਰਨ ਵਾਲਿਆਂ ਨੂੰ ਇੱਕ ਵੱਡੀ ਸਹੂਲਤ ਮਿਲੀ ਹੈ। ਹਾਲਾਂਕਿ ਸਪੈਸ਼ਲ ਟ੍ਰੇਨਾਂ ਵਿੱਚ ਕਿਰਾਏ ਦਾ ਵੀ ਇੱਕ ਵੱਡਾ ਮੁੱਦਾ ਹੈ।
ਰੇਲ ਅਧਿਕਾਰੀ ਕਹਿੰਦੇ ਹਨ ਕਿ ਮੌਜੂਦਾ ਸਮੇਂ ਵਿੱਚ ਇਹ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਰੇਲ ਯਾਤਰੀਆਂ ਨੂੰ ਪੂਰੀ ਸਹੂਲਤ ਮਿਲੇ। ਇਸੇ ਲੜੀ ਵਿੱਚ ਉੱਤਰ ਪ੍ਰਦੇਸ਼ ਅਤੇ ਬਿਹਾਰ ਵਰਗੇ ਸੂਬਿਆਂ ਤੋਂ ਆਉਣ ਵਾਲੇ ਯਾਤਰੀਆਂ ਦੀ ਗਿਣਤੀ ਉੱਤੇ ਹੋਰ ਵੀ ਧਿਆਨ ਦਿੱਤਾ ਜਾ ਰਿਹਾ ਹੈ। ਡਿਮਾਂਡ ਦੇ ਹਿਸਾਬ ਨਾਲ ਬੋਰਡ ਨੂੰ ਪ੍ਰੋਪੋਜਲ ਭੇਜੇ ਜਾ ਰਹੇ ਹਨ ਅਤੇ ਗੱਡੀਆਂ ਦਾ ਸੰਚਾਲਨ ਵੀ ਹੋ ਰਿਹਾ ਹੈ।
