TOKYO OLYMPICS: ਦੌੜਾਕ ਦੁਤੀ ਚੰਦ ਦਾ ਸਫ਼ਰ ਖ਼ਤਮ, ਜਾਣੋ ਕਿਹੜਾ ਸਥਾਨ ਕੀਤਾ ਹਾਸਲ

ਦੁਤੀ ਚੰਦ ਨੇ ਟੋਕੀਓ ਓਲੰਪਿਕ 2020 ਵਿੱਚ 200 ਮੀਟਰ ਦੀ ਹੀਟ ਦੌੜ ਵਿੱਚ ਆਖਰੀ ਸਥਾਨ ਹਾਸਲ ਕੀਤਾ। ਦੌੜਾਕ ਦੂਤੀ ਚੰਦਰਾ ਪਹਿਲੇ ਦੌਰ 'ਚ ਹੀ ਬਾਹਰ ਹੋ ਗਈ ਸੀ।

ਚੰਡੀਗੜ੍ਹ:ਭਾਰਤੀ ਦੌੜਾਕ ਦੁਤੀ ਚੰਦ ਨੇ ਇੱਕ ਵਾਰ ਫਿਰ ਟੋਕੀਓ ਓਲੰਪਿਕ ਦੇ ਟ੍ਰੈਕ 'ਤੇ ਨਿਰਾਸ਼ ਕੀਤਾ ਹੈ। ਉਹ ਮਹਿਲਾਵਾਂ ਦੀ 200 ਮੀਟਰ ਦੌੜ ਦੇ ਸੈਮੀਫਾਈਨਲ ਵਿੱਚ ਆਪਣੀ ਜਗ੍ਹਾ ਪੱਕੀ ਨਹੀਂ ਕਰ ਸਕੀ। ਹਾਲਾਂਕਿ ਹੀਟ ਵਿੱਚ ਦੌੜਦੇ ਹੋਏ, ਦੁਤੀ ਚੰਦ ਨੇ ਸੀਜ਼ਨ ਦਾ ਆਪਣਾ ਸਰਬੋਤਮ ਸਮਾਂ ਕੱਢਿਆ., ਇਸਦੇ ਬਾਵਜੂਦ ਉਹ ਸੈਮੀਫਾਈਨਲ ਵਿੱਚ ਜਗ੍ਹਾ ਬਣਾਉਣ ਤੋਂ ਖੁੰਝ ਗਈ। ਦੁਤੀ ਚੰਦ ਨੇ ਹੀਟ ਨੰਬਰ ਚਾਰ ਵਿੱਚ ਆਪਣੀ ਦੌੜ ਪੂਰੀ ਕੀਤੀ, ਜਿਸ ਵਿੱਚ ਉਹ ਆਖਰੀ ਸਥਾਨ ਤੇ ਰਹੀ। ਭਾਰਤੀ ਦੌੜਾਕ ਨੇ ਆਪਣੀ 200 ਮੀਟਰ ਦੌੜ 23.85 ਸਕਿੰਟਾਂ ਵਿੱਚ ਪੂਰੀ ਕੀਤੀ।

ਇਸ ਤੋਂ ਪਹਿਲਾਂ ਦੂਤੀ ਚੰਦ ਮਹਿਲਾਵਾਂ ਦੀ 100 ਮੀਟਰ ਦੌੜ ਦੇ ਸੈਮੀਫਾਈਨਲ ਵਿੱਚ ਵੀ ਜਗ੍ਹਾ ਨਹੀਂ ਬਣਾ ਸਕੀ ਸੀ। ਉੱਥੇ ਉਹ 8 ਦੌੜਾਕਾਂ ਵਿੱਚੋਂ 7 ਵੇਂ ਸਥਾਨ 'ਤੇ ਸੀ। ਫਿਰ ਹੀਟ 5 ਵਿੱਚ ਦੌੜਦੇ ਹੋਏ ਭਾਰਤ ਦੀ ਦੁਤੀ ਚੰਦ ਨੇ 100 ਮੀਟਰ ਦੀ ਦੌੜ 11.54 ਸਕਿੰਟਾਂ ਵਿੱਚ ਪੂਰੀ ਕੀਤੀ। ਜਦੋਂ ਕਿ ਉਸਦਾ ਨਿੱਜੀ ਸਰਬੋਤਮ 11.17 ਸਕਿੰਟ ਸੀ।