ਪਾਣੀਪਤ ਤੋਂ ਦਿੱਲੀ ਆਉਣ ਵਾਲੀ ਲੋਕਲ ਟਰੇਨ ’ਚ ਮਿਲਿਆ ਸ਼ੱਕੀ ਬੈਗ, ਮਚਿਆ ਹੜਕੰਪ

ਪਾਣੀਪਤ ਨਿਜ਼ਾਮੁਦੀਨ ਲੋਕਲ ਟਰੇਨ 'ਚ ਬੰਬ ਦੀ ਗਲਤ ਕਾਲ ਮਿਲਣ ਤੋਂ ਬਾਅਦ ਹੜਕੰਪ ਮਚ ਗਿਆ। ਇੱਕ ਬੈਗ 'ਚੋਂ ਧੂੰਆਂ ਨਿਕਲਣ 'ਤੇ ਟਰੇਨ 'ਚ ਬੰਬ ਹੋਣ ਦੀ ਆਵਾਜ਼ ਆਈ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਬੈਗ ’ਚ ਕਾਰਪੇਂਟਰ ਦੇ ਸਾਮਾਨ ਚ ਥਿਨਰ ਲੀਕ ਹੋਣ ਦੇ ਕਾਰਨ ਧੂੰਆਂ ਨਿਕਲ ਰਿਹਾ ਸੀ।

ਨਵੀਂ ਦਿੱਲੀ: ਦਿੱਲੀ ਦੇ ਹਜ਼ਰਤ ਨਿਜ਼ਾਮੂਦੀਨ ਰੇਲਵੇ ਸਟੇਸ਼ਨ ਤੋਂ ਪਾਣੀਪਤ ਆ ਰਹੀ ਲੋਕਲ ਟਰੇਨ 'ਚ ਸੋਮਵਾਰ ਨੂੰ ਇਕ ਲਾਵਾਰਿਸ ਬੈਗ ਮਿਲਿਆ। ਇਸ ਕਾਰਨ ਸਵਾਰੀਆਂ ਵਿੱਚ ਹੜਕੰਪ ਮੱਚ ਗਿਆ। ਯਾਤਰੀਆਂ ਨੇ ਉੱਥੇ ਮੌਜੂਦ ਲੋਕਾਂ ਤੋਂ ਪੁੱਛਗਿੱਛ ਕੀਤੀ, ਪਰ ਕਿਸੇ ਨੂੰ ਉਸ ਬਾਰੇ ਪਤਾ ਨਹੀਂ ਲੱਗਾ।

ਇਹ ਜਾਣਕਾਰੀ ਜੀਆਰਪੀ ਅਤੇ ਆਰਪੀਐਫ ਨੂੰ ਦਿੱਤੀ ਗਈ। ਕਾਹਲੀ ਵਿੱਚ ਪਹੁੰਚੇ ਸਿਪਾਹੀਆਂ ਨੇ ਸ਼ੱਕੀ ਬੈਗ ਨੂੰ ਸੁਰੱਖਿਅਤ ਕਰ ਲਿਆ। ਆਦਰਸ਼ ਨਗਰ ਸਟੇਸ਼ਨ 'ਤੇ ਟਰੇਨ ਨੂੰ ਰੋਕ ਕੇ ਜਾਂਚ ਕੀਤੀ ਜਾ ਰਹੀ ਹੈ।

ਸਵੇਰੇ ਕਰੀਬ 10 ਵਜੇ ਇਹ ਟਰੇਨ ਆਦਰਸ਼ ਨਗਰ ਰੇਲਵੇ ਸਟੇਸ਼ਨ 'ਤੇ ਪਹੁੰਚੀ ਤਾਂ ਯਾਤਰੀਆਂ ਨੇ ਇਕ ਬੈਗ 'ਚੋਂ ਧੂੰਆਂ ਨਿਕਲਦਾ ਦੇਖਿਆ। ਇਸ ਦੀ ਸੂਚਨਾ ਸਬੰਧਤ ਵਿਭਾਗ ਨੂੰ ਦਿੱਤੀ ਗਈ। ਰੇਲਵੇ ਕਰਮਚਾਰੀ ਨੇ ਚੌਕਸੀ ਦਿਖਾਉਂਦੇ ਹੋਏ ਉਸ ਬੈਗ ਨੂੰ ਟਰੇਨ ਤੋਂ ਬਾਹਰ ਪਟੜੀ 'ਤੇ ਸੁੱਟ ਦਿੱਤਾ। ਜਿਸ ਕਾਰਨ ਕੋਈ ਵੱਡਾ ਹਾਦਸਾ ਨਾ ਵਾਪਰ ਸਕੇ। ਸੂਚਨਾ ਮਿਲਣ 'ਤੇ ਆਰਪੀਐਫ ਅਤੇ ਜੀਆਰਪੀ ਦੀਆਂ ਟੀਮਾਂ ਮੌਕੇ 'ਤੇ ਪਹੁੰਚ ਗਈਆਂ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ।

ਜਦੋਂ ਬੈਗ ਦੀ ਤਲਾਸ਼ੀ ਲਈ ਗਈ ਤਾਂ ਅੰਦਰੋਂ ਤਰਖਾਣ ਦਾ ਸਾਮਾਨ ਨਿਕਲਿਆ। ਇਸ ਤੋਂ ਬਾਅਦ ਇਹ ਐਲਾਨ ਕੀਤਾ ਗਿਆ ਕਿ ਸਾਰੇ ਲੋਕ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਸੁਰੱਖਿਅਤ ਹਨ। ਥਿਨਰ ਲੀਕ ਹੋਣ ਕਾਰਨ ਕੱਪੜਾ ਗਿੱਲਾ ਹੋ ਗਿਆ ਅਤੇ ਉਸੇ ਕਾਰਨ ਧੂੰਆਂ ਨਿਕਲ ਰਿਹਾ ਸੀ।

ਫਿਲਹਾਲ ਪੁਲਿਸ ਨੇ ਬੈਗ ਨੂੰ ਕਬਜ਼ੇ 'ਚ ਲੈ ਕੇ ਪੂਰੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਨਾਲ ਹੀ ਇਹ ਪਤਾ ਲਗਾਇਆ ਜਾ ਰਿਹਾ ਹੈ ਕਿ ਇਹ ਬੈਗ ਕਿਸਦਾ ਸੀ। ਕਿਉਂਕਿ ਹੁਣ ਤੱਕ ਕੋਈ ਵੀ ਵਿਅਕਤੀ ਅੱਗੇ ਨਹੀਂ ਆਇਆ ਹੈ ਕਿ ਜਿਸਦਾ ਇਹ ਬੈਗ ਹੈ।

ਇਹ ਵੀ ਪੜੋ:ਮਨੁੱਖਤਾ ਸ਼ਰਮਸਾਰ: ਨਵਜੰਮੇ ਬੱਚੇ ਦਾ ਸਿਰ ਮੂੰਹ 'ਚ ਪਾ ਕੇ ਘੁੰਮ ਰਿਹਾ ਸੀ ਕੁੱਤਾ