ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਸੋਨੂੰ ਸੂਦ (Sonu Sood) ਲਗਾਤਾਰ ਲੋੜਵੰਦਾਂ ਦੀ ਮਦਦ ਕਰ ਰਹੇ ਹਨ। ਹੁਣ ਉਹ ਮਹਾਰਾਸ਼ਟਰ ਦੇ ਹੜ੍ਹ ਪ੍ਰਭਾਵਿਤ ਲੋਕਾਂ ਦੀ ਮਦਦ ਲਈ ਅੱਗੇ ਆਏ ਹਨ। ਮਹਾਰਾਸ਼ਟਰ ਦੇ ਕਈ ਜ਼ਿਲ੍ਹਿਆਂ ਵਿੱਚ ਹੜ੍ਹਾਂ ਨੇ ਤਬਾਹੀ ਮਚਾਈ ਹੋਈ ਹੈ। ਸੋਨੂੰ ਸੂਦ ਉਨ੍ਹਾਂ ਲੋਕਾਂ ਦੀ ਮਦਦ ਕਰ ਰਹੇ ਹਨ ਜੋ ਅੰਦਰੂਨੀ ਖੇਤਰਾਂ ਵਿੱਚ ਫਸੇ ਹੋਏ ਹਨ ਅਤੇ ਜਿਨ੍ਹਾਂ ਕੋਲ ਮੁੱਢਲੀਆਂ ਲੋੜਾਂ ਨਹੀਂ ਹਨ। ਸੋਨੂੰ ਸੂਦ ਚਿਪਲੂਨ, ਮਹਾੜ ਅਤੇ ਹੋਰ ਬਹੁਤ ਸਾਰੇ ਅੰਦਰੂਨੀ ਇਲਾਕਿਆਂ ਵਿੱਚ ਰਾਹਤ ਪੈਕੇਜ ਭੇਜਣ ਜਾ ਰਹੇ ਹਨ।
ਇਸ ਸੰਬੰਧ ਵਿੱਚ ਸੋਨੂੰ ਸੂਦ ਨੇ ਕਿਹਾ ਕਿ ਇਹ ਪਿੰਡ ਹੜ੍ਹਾਂ ਨਾਲ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਏ ਹਨ ਅਤੇ ਇਹ ਸਾਰੇ ਮੁੱਖ ਮਾਰਗਾਂ ਤੋਂ 20-30 ਕਿਲੋਮੀਟਰ ਦੂਰ ਹਨ। ਇਸ ਲਈ ਰਾਹਤ ਸਮੱਗਰੀ ਉੱਥੇ ਨਹੀਂ ਪਹੁੰਚੀ ਸਕੀ। ਅਸੀਂ ਇਨ੍ਹਾਂ ਪਿੰਡਾਂ ਦੇ ਸਰਪੰਚਾਂ ਨਾਲ ਪਹਿਲਾਂ ਹੀ ਗੱਲ ਕਰ ਚੁੱਕੇ ਹਾਂ। ਜਿਸ ਵਿੱਚ ਮੁੱਢਲੀਆਂ ਲੋੜਾਂ ਜਿਵੇਂ ਕਿ ਬਾਲਟੀਆਂ, ਗਲਾਸ, ਭਾਂਡੇ, ਮੈਟ, ਕੱਪੜੇ ਅਤੇ ਇਥੋਂ ਤੱਕ ਕਿ ਖਾਣ ਪੀਣ ਦੀਆਂ ਚੀਜ਼ਾਂ ਵੀ ਭੇਜੀਆਂ ਜਾ ਰਹੀਆਂ ਹਨ। ਮੇਰੀ ਟੀਮ ਪਰਿਵਾਰਾਂ ਨੂੰ ਨਿੱਜੀ ਤੌਰ 'ਤੇ ਦੇਣ ਦੇ ਲਈ ਉੱਥੇ ਪਹੁੰਚੇਗੀ। ਕੁਝ ਟਰੱਕ ਕੱਲ੍ਹ ਪਹੁੰਚਣਗੇ ਅਤੇ ਕੁਝ ਇਸ ਤੋਂ ਅਗਲੇ ਦਿਨ ਪਹੁੰਚ ਜਾਣਗੇ।