ਨਵੀਂ ਦਿੱਲੀ: 10 ਜੂਨ ਨੂੰ ਸਾਲ ਦਾ ਪਹਿਲਾ ਸੂਰਜ ਗ੍ਰਹਿਣ ਲਗਣ ਜਾ ਰਿਹਾ ਹੈ। ਇਸ ਦਾ ਮਨੁੱਖੀ ਜੀਵਨ ਉੱਤੇ ਕੀ ਅਸਰ ਰਹੇਗਾ? ਰਾਸ਼ੀਆਂ ਉੱਤੇ ਕੀ ਪ੍ਰਭਾਵ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਨੂੰ ਲੈ ਕੇ ਈਟੀਵੀ ਭਾਰਤ ਨੇ ਆਚਾਰੀਆ ਜੀਤੂ ਸਿੰਘ ਤੋ ਜਾਣਕਾਰੀ ਲਈ।
ਜੀਤੂ ਸਿੰਘ ਨੇ ਕਿਹਾ ਕਿ ਇਹ ਸਾਲ ਦਾ ਪਹਿਲਾਂ ਸੂਰਜ ਗ੍ਰਹਿਣ ਹੈ ਪਰ ਇਸ ਤੋਂ ਪਹਿਲਾਂ 26 ਮਈ ਨੂੰ ਚੰਦਰ ਗ੍ਰਹਿਣ ਲਗਿਆ ਸੀ। ਅਜਿਹੇ ਵਿੱਚ 1 ਮਹੀਨੇ ਵਿੱਚ ਦੋ ਵਾਰ ਗ੍ਰਹਿਣ ਕਈ ਰਾਸ਼ੀਆਂ ਉੱਤੇ ਆਪਣਾ ਵੱਖ-ਵੱਖ ਪ੍ਰਭਾਵ ਪਾਵੇਗਾ। ਖਾਸਕਰ Taurus ਅਤੇ Cancer ਰਾਸ਼ੀ ਵਾਲਿਆਂ ਨੂੰ ਸੂਰਜ ਗ੍ਰਹਿਣ ਤੋਂ ਖਾਸਕਰ ਸਾਵਧਾਨੀਆਂ ਵਰਤਨੀਆਂ ਚਾਹੀਦੀਆਂ ਹਨ।
ਆਚਾਰੀਆ ਜੀਤੂ ਸਿੰਘ ਨੇ ਕਿਹਾ ਕਿ ਇਸ ਸੂਰਜ ਗ੍ਰਹਿਣ ਦੇ ਦੌਰਾਨ ਕਈ ਯੋਗ ਬਣ ਰਹੇ ਹਨ ਜਿਸ ਵਿੱਚ ਸਭ ਤੋਂ ਖਾਸ ਇਹ ਹੈ ਕਿ ਇਸ ਸੂਰਜ ਗ੍ਰਹਿਣ ਦੇ ਦੌਰਾਨ ਚਾਰ ਗ੍ਰਹਿ ਇੱਕ ਸਾਥ ਆ ਰਹੇ ਹਨ। ਸੂਰਜ, ਚੰਦ, ਬੁੱਧ ਅਤੇ ਰਾਹੁ ਇਹ ਚਾਰੋਂ ਗ੍ਰਹਿ ਇੱਕ ਸਾਥ ਇੱਕ ਸਥਾਨ ਉੱਤੇ ਹੋਣਗੇ। ਜਿਸ ਦਾ ਸਾਫ ਤੌਰ ਉੱਤੇ ਇਹੀ ਅਰਥ ਹੈ ਕਿ ਇਨ੍ਹਾਂ ਚਾਰ ਗ੍ਰਹਿ ਦੀਆਂ ਰਾਸ਼ੀਆਂ ਉੱਤੇ ਸੂਰਜ ਗ੍ਰਹਿਣਾ ਦਾ ਪ੍ਰਭਾਵ ਪਵੇਗਾ।