ਸ਼ਾਹਡੋਲ:ਸਬਜ਼ੀਆਂ ਵਿੱਚ ਇਸ ਵਾਰ ਟਮਾਟਰ ਰਾਜਾ ਬਣਿਆ ਹੋਇਆ ਹੈ। ਭਾਅ ਸੱਤਵੇਂ ਅਸਮਾਨ ਉੱਤੇ ਹੈ ਤੇ ਇਹ ਕਈਆਂ ਦੇ ਘਰ ਵੀ ਤੁੜਵਾ ਰਿਹਾ ਹੈ। ਤੜਕੇ ਵਿੱਚੋਂ ਗਾਇਬ ਹੋ ਰਹੇ ਇਸ ਟਮਾਟਰ ਨੇ ਇਕ ਪਤੀ ਪਤਨੀ ਦੇ ਰਿਸ਼ਤੇ ਵਿੱਚ ਵੀ ਦਰਾਰ ਪਾ ਦਿੱਤੀ ਹੈ। ਜਾਣਕਾਰੀ ਮੁਤਾਬਿਕ ਸ਼ਾਹਡੋਲ ਜ਼ਿਲ੍ਹੇ ਵਿੱਚ ਇਕ ਪਤੀ ਨੇ ਸਬਜ਼ੀ ਵਿੱਚ ਟਮਾਟਰ ਦਾ ਤੜਕਾ ਕੀ ਲਾ ਦਿੱਤਾ, ਘਰਵਾਲੀ ਨੇ ਗੁੱਸੇ ਵਿੱਚ ਆ ਕੇ ਘਰ ਹੀ ਛੱਡ ਦਿੱਤਾ ਹੈ। ਹੁਣ ਪਤੀ ਨੂੰ ਉਸਦੀ ਗੁੰਮਸ਼ੁਦਗੀ ਦੀ ਰਿਪੋਰਟ ਲਿਖਵਾਉਣੀ ਪੈ ਗਈ ਹੈ। ਪੁਲਿਸ ਵੱਲੋਂ ਇਸ ਅਨੋਖੀ ਸ਼ਿਕਾਇਤ ਨੂੰ ਲੈ ਕੇ ਕਾਰਵਾਈ ਵੀ ਕਰਨੀ ਪੈ ਰਹੀ ਹੈ।
ਟਮਾਟਰ ਤੋਂ ਰਿਹਾ ਰਿਸ਼ਤੇ :ਦਰਅਸਲ,ਇਨ੍ਹਾਂ ਦਿਨਾਂ ਵਿੱਚ ਟਮਾਟਰ ਦਾ ਭਾਅ ਤੇਜ਼ ਹੈ ਅਤੇ ਹੋਰ ਸਬਜੀਆਂ ਨਾਲੋੋਂ ਇਸਦੀ ਪੁੱਛ ਪੜਤਾਲ ਵੀ ਵਧ ਗਈ ਹੈ। ਪਰ ਕਿਸੇ ਨੇ ਸ਼ਾਇਦ ਹੀ ਇਹ ਸੋਚਿਆ ਹੋਵੇਗਾ ਕਿ ਇਹ ਕਿਸੇ ਦਾ ਘਰ ਵੀ ਬਰਬਾਦ ਕਰ ਸਕਦਾ ਹੈ। ਸ਼ਾਹਡੋਲ ਜ਼ਿਲ੍ਹੇ ਦੇ ਧਨਪੁਰੀ ਥਾਣਾ ਖੇਤਰ ਵਿੱਚ ਪਿੰਡ ਬੇਮਹੋਰੀ ਦੇ ਰਹਿਣ ਵਾਲੇ ਸੰਦੀਪ ਬਰਮਨ ਦਾ ਢਾਬਾ ਹੈ ਅਤੇ ਇਹ ਵਿਅਕਤੀ ਟਿਫਨ ਤਿਆਰ ਕਰਨ ਦਾ ਕੰਮ ਕਰਦਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਦੋ ਦਿਨ ਪਹਿਲਾਂ ਉਸਨੇ ਆਪਣੀ ਘਰਵਾਲੀ ਨੂੰ ਪੁੱਛੇ ਬਗੈਰ ਟਮਾਟਰ ਦਾ ਤੜਕਾ ਲਾ ਦਿੱਤਾ। ਜਦੋਂ ਇਸਦੀ ਭਿਣਕ ਪਤਨੀ ਨੂੰ ਲੱਗੀ ਤਾਂ ਟਮਾਟਰ ਦੇ ਭਾਅ ਵਾਂਗ ਉੱਸਦਾ ਗੁੱਸਾ ਵੀ ਸੱਤਵੇਂ ਅਸਮਾਨ ਉੱਤੇ ਪਹੁੰਚ ਗਿਆ ਅਤੇ ਘਰੋਂ ਕਿਤੇ ਗਾਇਬ ਹੋ ਗਈ।