ਚੰਡੀਗੜ੍ਹ: ਲਖੀਮਪੁਰ ਖੇੜੀ ਘਟਨਾ ਦੇ ਪੀੜਤਾਂ ਨਾਲ ਹਮਦਰਦੀ ਜਿਤਾਉਣ ਜਾਣ ਤੋਂ ਰਾਹੁਲ ਗਾਂਧੀ (Rahul Gandhi) ਨੂੰ ਰੋਕਣ ਦੀ ਨਿਖੇਧੀ ਕਰਦਿਆਂ ਸਾਬਕਾ ਕੇਂਦਰੀ ਰੇਲ ਮੰਤਰੀ ਪਵਨ ਬਾਂਸਲ (Pawan Bansal) ਨੇ ਕਿਹਾ ਹੈ ਕਿ ਹੁਣ ਰਾਹੁਲ ਗਾਂਧੀ ਨੂੰ ਮੰਜੂਰੀ ਨਹੀਂ ਦਿੱਤੀ ਜਾ ਰਹੀ ਹੈ, ਇਹ ਸਿੱਧੇ ਤੌਰ ‘ਤੇ ਮਨੁੱਖੀ ਹੱਕਾਂ ਦਾ ਦਮਨ ਕਰਨ ਵਾਲੀ ਨੀਤੀ (Repression) ਹੈ ਤੇ ਦਿਮਾਗ ਦਾ ਇਸਤੇਮਾਲ ਕੀਤੇ ਬਗੈਰ ਕੀਤੀ ਗਈ ਕਾਰਵਾਈ ਹੈ। ਬਾਂਸਲ ਨੇ ਕਿਹਾ ਕਿ ਇਹ ਮੋਦੀ ਤੇ ਯੋਗੀ ਸਰਕਾਰਾਂ ਵੱਲੋਂ ਚੰਗੀ ਰਾਜਨੀਤੀ ਨੂੰ ਦਬਾਉਣ ਦੀ ਇੱਕ ਵਖਰੀ ਮਿਸਾਲ ਬਣ ਗਈ ਹੈ। ਉਨ੍ਹਾਂ ਕਿਹਾ ਕਿ ਇਸ ਤੋਂ ਪਹਿਲਾਂ ਪ੍ਰਿਅੰਕਾ ਗਾਂਧੀ ਵਿਰੁੱਧ ਵੀ ਬਗੈਰ ਸੋਚੇ ਸਮਝਿਆਂ ਕਾਰਵਾਈ ਕੀਤੀ ਗਈ।
ਪ੍ਰਿਅੰਕਾ ਕਿਹੜਾ ਹਥਿਆਰ ਲੈ ਕੇ ਜਾ ਰਹੀ ਸੀ, ਜਿਹੜੀ ਕਾਰਵਾਈ ਕੀਤੀ
ਬਾਂਸਲ ਨੇ ਕਿਹਾ ਕਿ ਪ੍ਰਿਅੰਕਾ ਗਾਂਧੀ (Priyanka Gandhi) ਵਿਰੁੱਧ ਸੀਆਰਪੀਸੀ ਦੀ ਧਾਰਾ 151ਤਹਿਤ ਕਾਰਵਾਈ ਕੀਤੀ ਗਈ ਤੇ ਇਹ ਇੱਕ ਅਹਿਤਿਆਤੀ ਕਾਰਵਾਈ ਹੈ। ਬਾਂਸਲ ਨੇ ਟਵੀਟ ਰਾਹੀਂ ਯੋਗੀ ਸਰਕਾਰ ਨੂੰ ਪੁੱਛਿਆ ਹੈ ਕਿ ਪ੍ਰਿਅੰਕਾ ਗਾਂਧੀ ਬਾਰੇ ਅਜਿਹੀ ਕਿਹੜੀ ਸੂਚਨਾ ਸੀ ਕਿ ਉਹ ਆਪਣੇ ਨਾਲ ਲਖੀਮਪੁਰ ਨੂੰ ਕਿਹੜੇ ਹਥਿਆਰ ਜਾਂ ਹੋਰ ਅਸਲਾ ਲੈ ਕੇ ਆ ਰਹੇ ਸੀ, ਜਿਹੜਾ ਕਿ ਇਹ ਕਾਰਵਾਈ ਕਰਨੀ ਪੈ ਗਈ। ਬਾਂਸਲ ਨੇ ਕਿਹਾ ਕਿ ਅਜਿਹਾ ਕੁਝ ਨਹੀਂ ਸੀ, ਇਹ ਸਿਰਫ ਮੋਦੀ ਤੇ ਯੋਗੀ ਵੱਲੋਂ ਰਾਜਨੀਤੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰਕੇ ਕੀਤੀ ਗਈ ਕਾਰਵਾਈ ਸੀ।
ਸਰਕਾਰ ਦੇ ਆਪਣਿਆਂ ਨੇ ਗੱਡੀ ਹੇਠਾਂ ਕੁਚਲੇ ਕਿਸਾਨ
ਇਸ ਤੋਂ ਪਹਿਲਾਂ ਵੀ ਬਾਂਸਲ ਨੇ ਲਖੀਮਪੁਰ ਖੇੜੀ ਦੀ ਘਟਨਾ ਦੀ ਨਿੰਦਾ ਕਰਦਿਆਂ ਕਿਹਾ ਸੀ ਕਿ ਸਰਕਾਰ ਦੇ ਆਪਣਿਆਂ ਨੇ ਹੀ ਗੱਡੀ ਹੇਠਾਂ ਚਾਰ ਕਿਸਾਨਾਂ ਨੂੰ ਕੁਚਲ ਦਿੱਤਾ। ਕੋਈ ਕਾਰਵਾਈ ਨਹੀਂ ਹੋਈ। ਜੇਕਰ ਪ੍ਰਿਅੰਕਾ ਗਾਂਧੀ ਨੇ ਮ੍ਰਿਤਕਾਂ ਨਾਲ ਹਮਦਰਦੀ ਪ੍ਰਗਟਾਉਣ ਲਈ ਜਾਣਾ ਚਾਹਿਆ ਤਾਂ ਉਨ੍ਹਾਂ ਨੂੰ ਗਿਰਫਤਾਰ ਕਰ ਲਿਆ ਗਿਆ ਤੇ ਦੋ ਦਿਨਾਂ ਤੱਕ ਹਿਰਾਸਤ ਵਿੱਚ ਰੱਖਿਆ ਗਿਆ। ਉਨ੍ਹਾਂ ਕਿਹਾ ਸੀ ਕਿ ਇਹ ਹੈ ‘ਨਵੇਂ ਭਾਰਤ‘ ਦਾ ਲੋਕਤੰਤਰ ਤੇ ਵਿਧੀ ਨਿਯਮ। ਹੁਣ ਬਾਂਸਲ ਨੇ ਰਾਹੁਲ ਗਾਂਧੀ ਨੂੰ ਉਥੇ ਜਾਣ ਦੀ ਇਜਾਜ਼ਤ ਨਾ ਦੇਣ ਦੀ ਸਖ਼ਤ ਨਿਖੇਧੀ ਕੀਤੀ ਹੈ।
ਸੰਘੀ ਢਾਂਚੇ ਦਾ ਕਤਲ ਕੀਤਾ