ਨਾਰਾਇਣਪੁਰ:ਸ਼ੁੱਕਰਵਾਰ ਦੀ ਦੁਪਹਿਰ ਛੱਤੀਸਗੜ੍ਹ ਦੇ ਨਕਸਲੀ ਪ੍ਰਭਾਵਿਤ ਇਲਾਕੇ ਨਾਰਾਇਣਪੁਰ ਦੇ ਜ਼ਿਲ੍ਹੇ ਦੀ ਉਪਨਿੰਗ ਰੋਡ ’ਤੇ ITBP ਦੇ ਸ਼ਹੀਦ ਜਵਾਨਾਂ ਨੂੰ ਸ਼ਰਧਾਜਲੀ ਦਿੱਤੀ ਗਈ। ਪੁਲਿਸ ਲਾਈਨ ਦੇ ਆਈਜੀ ਸੁੰਦਰਰਾਜ ਸਮੇਤ ਕਈ ਹੋਰ ਅਧਿਕਾਰੀਆਂ ਨੇ ਅੰਤਿਮ ਸ਼ਰਧਾਜਲੀ ਦਿੱਤੀ। ਇਸਦੇ ਬਾਅਦ ਜਵਾਨਾਂ ਦੀਆਂ ਦੇਹਾਂ ਨੂੰ ਉਨ੍ਹਾਂ ਘਰਾਂ ਲਈ ਭੇਜ ਦਿੱਤਾ ਗਿਆ। ਸ਼ਹੀਦ ਜਵਾਨ ਆਈਟੀਬੀਪੀ (ITBP) 45 ਵੀਂ ਬਟਾਲੀਅਨ ਦੀ ਈ ਕੰਪਨੀ ਦੇ ਹਨ। ਅਸਿਸਟੈਂਟ ਕਮਾਡਰ ਨਾਦੇੜ ਮਹਾਰਾਸ਼ਟਰ ਅਤੇ ਐਸਆਈ ਗੁਰਸੁਖ ਸਿੰਘ ਰਾਏਕੋਟ ਪੰਜਾਬ ਦੇ ਰਹਿਣ ਵਾਲੇ ਹਨ।
ਪੁਲਿਸ ਟੀਮ ਨਾਰਾਇਣਪੁਰ ਬਰਸੂਰ ਮਾਰਗ 'ਤੇ ਸੜਕ ਖੋਲ੍ਹਣ ਲਈ ਰਵਾਨਾ ਹੋਈ ਸੀ। ਇਸ ਦੌਰਾਨ ਘਾਤ ਲਗਾ ਕੇ ਨਕਸਲੀਆਂ ਨੇ ਜਵਾਨਾਂ 'ਤੇ ਹਮਲਾ ਕਰ ਦਿੱਤਾ ਸੀ। ਇਸ ਹਮਲੇ ਵਿੱਚ ਆਈਟੀਬੀਪੀ ਦੇ ਸਹਾਇਕ ਕਮਾਂਡੈਂਟ ਸੁਧਾਕਰ ਸ਼ਿੰਦੇ ਅਤੇ ਇੱਕ ਐਸਆਈ ਗੁਰਮੁਖ ਸਿੰਘ ਸ਼ਹੀਦ ਹੋਏ। ਨਕਸਲੀਆਂ ਨੇ ਜਵਾਨਾਂ ਤੋਂ ਏਕੇ -47, ਦੋ ਬੁਲੇਟ ਪਰੂਫ ਜੈਕੇਟ ਅਤੇ ਵਾਕੀ ਟਾਕੀ ਲੁੱਟ ਲਈ। ਇਹ ਹਮਲਾ ਕਰਿਆਮੇਟਾ ਇਲਾਕੇ ਵਿੱਚ ਹੋਇਆ।
ਕੈਂਪ ਤੋਂ ਕੁੱਝ ਦੂਰੀ ਉਤੇ ਪਿੰਡ ਵੇਚਾ ਦੇ ਕੋਲ ਨਿੱਜੀ ਮੋਬਾਈਲ ਨੈੱਟਵਰਕ ਆਉਂਦਾ ਹੈ।ਮੋਬਾਈਲ ਵਿਚ ਨੈਟਵਰਕ ਲਿਆਉਣ ਲਈ ਜਵਾਨ ਉਥੇ ਗਏ ਸਨ। ਨਕਸਲੀਆਂ ਨੂੰ ਇਸ ਖਬਰ ਲੱਗ ਗਈ।ਨਕਸਲੀਆਂ ਨੇ ਜਵਾਨਾਂ ਉਤੇ ਤਾਬੜਤੋੜ ਫਾਇਰਿੰਗ ਸ਼ੁਰੂ ਕਰ ਦਿੱਤੀ।ਜਿਸ ਕਾਰਨ ਦੋਵੇ ਜਵਾਨ ਸ਼ਹੀਦ ਹੋ ਗਏ।