ਨਵੀਂ ਦਿੱਲੀ/ਗ੍ਰੇਟਰ ਨੋਇਡਾ: PUBG ਖੇਡਦੇ ਹੋਏ ਇੱਕ ਪਾਕਿਸਤਾਨੀ ਔਰਤ ਨੂੰ ਗ੍ਰੇਟਰ ਨੋਇਡਾ ਦੀ ਰਹਿਣ ਵਾਲੇ ਇੱਕ ਨੌਜਵਾਨ ਨਾਲ ਪਿਆਰ ਹੋ ਗਿਆ। ਇੰਨਾ ਹੀ ਨਹੀਂ ਔਰਤ ਦਾ ਪਿਆਰ ਇੰਨਾ ਪੱਕਾ ਸੀ ਕਿ ਉਹ ਆਪਣੇ ਚਾਰ ਬੱਚਿਆਂ ਸਮੇਤ ਨੇਪਾਲ ਦੇ ਰਸਤੇ ਆਪਣੇ ਪ੍ਰੇਮੀ ਨੂੰ ਮਿਲਣ ਉਸ ਦੇ ਘਰ ਪਹੁੰਚ ਗਈ। ਔਰਤ ਨੌਜਵਾਨ ਦੇ ਨਾਲ ਰਬੂਪੁਰਾ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿਣ ਲੱਗੀ। ਕਰੀਬ ਡੇਢ ਮਹੀਨੇ ਬਾਅਦ ਜਦੋਂ ਇਸ ਬਾਰੇ ਪੁਲਿਸ ਨੂੰ ਪਤਾ ਲੱਗਾ ਤਾਂ ਪੂਰੇ ਮਹਿਕਮੇ ਵਿੱਚ ਹੜਕੰਪ ਮੱਚ ਗਿਆ। ਪਰ, ਇਸ ਤੋਂ ਪਹਿਲਾਂ ਕਿ ਪੁਲਿਸ ਉਸ ਨੂੰ ਫੜਦੀ, ਔਰਤ ਆਪਣੇ ਬੱਚਿਆਂ ਅਤੇ ਪ੍ਰੇਮੀ ਸਮੇਤ ਰਬੂਪੁਰਾ ਤੋਂ ਫ਼ਰਾਰ ਹੋ ਗਈ। ਪੁਲਿਸ ਉਸ ਦੀ ਭਾਲ ਕਰ ਰਹੀ ਹੈ।
ਨੇਪਾਲ ਦੇ ਰਸਤੇ ਹੁੰਦੀ ਸੀ ਮੁਲਾਕਾਤ:ਦਰਅਸਲ, ਪਾਕਿਸਤਾਨ ਦੇ ਕਰਾਚੀ ਦੀ ਰਹਿਣ ਵਾਲੀ ਇੱਕ ਔਰਤ ਨੂੰ PUBG ਗੇਮ ਖੇਡਦੇ ਹੋਏ ਰਬੂਪੁਰਾ ਦੇ ਰਹਿਣ ਵਾਲੇ ਸਚਿਨ ਨਾਲ ਪਿਆਰ ਹੋ ਗਿਆ। ਇਸ ਤੋਂ ਬਾਅਦ ਸਚਿਨ ਨੇਪਾਲ ਗਿਆ ਅਤੇ ਕਾਠਮੰਡੂ ਵਿੱਚ ਪ੍ਰੇਮਿਕਾ ਸੀਮਾ ਨੂੰ ਮਿਲਿਆ। ਪਿਆਰ ਹੌਲੀ-ਹੌਲੀ ਵਧਣ ਲੱਗਾ। ਇਸ ਤੋਂ ਬਾਅਦ ਔਰਤ ਨੇਪਾਲ ਦੇ ਰਸਤੇ ਸਚਿਨ ਨੂੰ ਮਿਲਣ ਰਬੂਪੁਰਾ ਪਹੁੰਚੀ। ਉਹ ਆਪਣੇ ਨਾਲ ਤਿੰਨ ਧੀਆਂ ਅਤੇ ਇੱਕ ਬੇਟੇ ਨੂੰ ਲੈ ਕੇ ਸਚਿਨ ਦੇ ਨਾਲ ਰਬੂਪੁਰਾ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿਣ ਲੱਗੀ। ਪਰ ਡੇਢ ਮਹੀਨੇ ਬਾਅਦ ਜਦੋਂ ਸਥਾਨਕ ਪੁਲਿਸ ਨੂੰ ਮਾਮਲੇ ਦਾ ਪਤਾ ਲੱਗਾ, ਤਾਂ ਔਰਤ ਸ਼ਨੀਵਾਰ ਨੂੰ ਆਪਣੇ ਬੱਚਿਆਂ ਅਤੇ ਪ੍ਰੇਮੀ ਨਾਲ ਮਥੁਰਾ ਜਾਣ ਲਈ ਘਰੋਂ ਨਿਕਲ ਗਈ।
ਪਹਿਲਾ ਪਤੀ ਕਰਦਾ ਸੀ ਤਸ਼ੱਦਦ, ਫਿਰ ਪਬਜੀ ਨੇ ਸਚਿਨ ਨਾਲ ਮਿਲਿਆ:ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਮਹਿਲਾ ਅਤੇ ਸਚਿਨ ਦੀ ਪਛਾਣ ਸਾਲ 2020 'ਚ ਆਨਲਾਈਨ PUBG ਗੇਮ ਖੇਡਦੇ ਸਮੇਂ ਹੋਈ ਸੀ। ਉਸ ਦਾ ਵਿਆਹ ਕਈ ਸਾਲ ਪਹਿਲਾਂ ਕਰਾਚੀ ਦੇ ਰਹਿਣ ਵਾਲੇ ਹੈਦਰ ਨਾਲ ਹੋਇਆ ਸੀ। ਹੈਦਰ ਉਥੇ ਕਾਰੋਬਾਰ ਕਰਦਾ ਹੈ। ਉਸ ਦੀਆਂ ਤਿੰਨ ਬੇਟੀਆਂ ਅਤੇ ਇਕ ਬੇਟਾ ਹੈ, ਪਰ ਕੁਝ ਸਾਲ ਪਹਿਲਾਂ ਹੈਦਰ ਨੇ ਉਸ 'ਤੇ ਤਸ਼ੱਦਦ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਇਸ ਤੋਂ ਬਾਅਦ ਸੀਮਾ ਨੇ ਉਸ ਤੋਂ ਦੂਰੀ ਬਣਾ ਲਈ। ਇਸ ਕਾਰਨ ਉਹ PUBG ਦੀ ਆਦੀ ਹੋ ਗਈ ਅਤੇ ਉਸ ਦੀ ਦੋਸਤੀ ਗ੍ਰੇਟਰ ਨੋਇਡਾ ਦੇ ਰਹਿਣ ਵਾਲੇ ਸਚਿਨ ਨਾਲ ਹੋ ਗਈ।