ਦੇਸ਼ 'ਚ ਜਲਦ ਆ ਰਹੀ ਹੈ ਆਲ-ਇਨ-ਵਨ ਪਾਲਿਸੀ, ਜਾਣੋ ਕੀ ਹੋਵੇਗੀ ਖਾਸੀਅਤ?

ਦੇਸ਼ ਦੇ ਹਰ ਨਾਗਰਿਕ ਨੂੰ ਬੀਮੇ ਨਾਲ ਜੋੜਨ ਲਈ IRDA ਇੱਕ ਨਵੀਂ ਪਹਿਲ ਕਰ ਰਿਹਾ ਹੈ। ਜਿਸ ਦੇ ਤਹਿਤ ਦੇਸ਼ ਦੀ ਆਜ਼ਾਦੀ ਦੇ 100 ਸਾਲ ਪੂਰੇ ਹੋਣ ਤੱਕ ਯਾਨੀ 2047 ਤੱਕ ਹਰ ਕਿਸੇ ਨੂੰ ਬੀਮਾ ਸੁਰੱਖਿਆ ਨਾਲ ਜੋੜਨ ਦਾ ਟੀਚਾ ਰੱਖਿਆ ਗਿਆ ਹੈ। ਆਲ-ਇਨ-ਵਨ ਪਾਲਿਸੀ ਦੀ ਕੀ ਖਾਸੀਅਤ ਹੈ, ਇਹ ਜਾਣਨ ਲਈ ਪੜ੍ਹੋ ਪੂਰੀ ਖਬਰ...

ਨਵੀਂ ਦਿੱਲੀ: ਬੀਮਾ ਰੈਗੂਲੇਟਰ IRDA ਇਹ ਯਕੀਨੀ ਬਣਾਉਣ ਲਈ ਤਿੰਨ-ਪੱਖੀ ਪਹਿਲਕਦਮੀ ਸ਼ੁਰੂ ਕਰ ਰਿਹਾ ਹੈ ਕਿ ਦੇਸ਼ ਦੇ ਹਰ ਨਾਗਰਿਕ ਦਾ ਬੀਮਾ ਹੋਵੇ। IRDA ਅਜਿਹੀ ਕਿਫਾਇਤੀ ਬੀਮਾ ਪਾਲਿਸੀ ਲਿਆਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਜਿਸ ਵਿੱਚ ਸਿਹਤ, ਜੀਵਨ, ਸੰਪਤੀ ਅਤੇ ਦੁਰਘਟਨਾ ਬੀਮਾ ਸਾਰੇ ਕਵਰ ਕੀਤੇ ਜਾਂਦੇ ਹਨ। ਵਿਅਕਤੀ ਬਿਨਾਂ ਕਿਸੇ ਪਰੇਸ਼ਾਨੀ ਦੇ ਘੰਟਿਆਂ ਦੇ ਅੰਦਰ ਆਪਣੇ ਦਾਅਵਿਆਂ ਦਾ ਨਿਪਟਾਰਾ ਕਰ ਸਕਦੇ ਹਨ। ਬੀਮਾ ਲੋਕਾਂ ਨੂੰ ਕਈ ਤਰੀਕਿਆਂ ਨਾਲ ਸੁਰੱਖਿਆ ਪ੍ਰਦਾਨ ਕਰਦਾ ਹੈ। ਇਸ ਲਈ ਸਰਕਾਰ ਹਰ ਵਿਅਕਤੀ ਨੂੰ ਬੀਮਾ ਪਾਲਿਸੀ ਨਾਲ ਜੋੜਨਾ ਚਾਹੁੰਦੀ ਹੈ।

70 ਤੋਂ ਵੱਧ ਨਿਯਮ ਰੱਦ: ਬੀਮਾ ਰੈਗੂਲੇਟਰੀ ਅਤੇ ਵਿਕਾਸ ਅਥਾਰਟੀ (IRDA ) ਦਾ ਕਹਿਣਾ ਹੈ ਕਿ ਦੇਸ਼ ਵਿੱਚ ਇੱਕ ਬਹੁਤ ਵੱਡਾ ਬੀਮਾ ਬਾਜ਼ਾਰ ਹੈ, ਪਰ ਇਸਦੇ ਅਨੁਸਾਰ, ਲੋਕਾਂ ਤੱਕ ਪਹੁੰਚ ਅਜੇ ਤੱਕ ਸਥਾਪਿਤ ਨਹੀਂ ਕੀਤੀ ਗਈ ਹੈ। ਇਸ ਲਈ, ਇਸਦੀ ਸਹੂਲਤ ਲਈ, IRDA ਨੇ 1,000 ਤੋਂ ਵੱਧ ਸਰਕੂਲਰ ਵਾਪਸ ਲੈਂਦੇ ਹੋਏ 70 ਤੋਂ ਵੱਧ ਨਿਯਮਾਂ ਨੂੰ ਰੱਦ ਕਰ ਦਿੱਤਾ ਹੈ। ਰੈਗੂਲੇਟਰ ਦਾ ਇਹ ਵੀ ਮੰਨਣਾ ਹੈ ਕਿ ਇਹ ਬਦਲਾਅ ਇਸ ਖੇਤਰ ਵਿੱਚ ਦੇਸ਼ ਦੇ ਨੌਜਵਾਨਾਂ ਲਈ ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਕਰਨਗੇ। ਨੌਕਰੀਆਂ ਦੀ ਗਿਣਤੀ ਦੁੱਗਣੀ ਕਰਕੇ 1.2 ਕਰੋੜ ਕੀਤੀ ਜਾ ਸਕਦੀ ਹੈ।

ਸਾਲ 2047 ਤੱਕ ਸਾਰਿਆਂ ਨੂੰ ਬੀਮਾ ਸਹੂਲਤ ਪ੍ਰਦਾਨ ਕਰਨਾ: IRDA ਦੇ ਮੁਖੀ ਦੇਬਾਸ਼ੀਸ਼ ਪਾਂਡਾ ਨੇ ਵੀਰਵਾਰ ਨੂੰ ਉਦਯੋਗ ਸੰਸਥਾ ਸੀਆਈਆਈ ਦੇ ਇੱਕ ਪ੍ਰੋਗਰਾਮ ਵਿੱਚ ਕਿਹਾ ਕੀਅਰ ਹੁਣ ਇੱਕ ਨਿਯਮ-ਅਧਾਰਿਤ ਪਹੁੰਚ ਦੀ ਬਜਾਏ ਇੱਕ ਸਿਧਾਂਤ-ਅਧਾਰਿਤ ਦਿਰਸ਼ਟੀਕੌਣ ਅਪਣਾ ਰਿਹਾ ਹੈ। ਸਾਲ 2047 ਤੱਕ ਸਾਰਿਆਂ ਨੂੰ ਬੀਮਾ ਸਹੂਲਤ ਪ੍ਰਦਾਨ ਕਰਨ ਲਈ, ਰੈਗੂਲੇਟਰ ਉਪਲਬਧਤਾ, ਪਹੁੰਚ ਅਤੇ ਸਮਰੱਥਾ ਦੇ ਤਿੰਨ ਆਯਾਮੀ ਦ੍ਰਿਸ਼ਟੀਕੋਣ ਲੈ ਕੇ ਚੱਲ ਰਿਹਾ ਹੈ।

IRDA's Insurance Trinity Plan: ਪਾਂਡਾ ਨੇ ਕਿਹਾ ਕਿ ਅਸੀਂ ਬੀਮਾ ਖੇਤਰ ਨੂੰ ਯੂ.ਪੀ.ਆਈ. ਵਰਗਾ ਬਣਾਉਣਾ ਚਾਹੁੰਦੇ ਹਾਂ। ਯਾਨੀ ਇਸ ਨੂੰ ਹਰ ਵਿਅਕਤੀ ਤੱਕ ਪਹੁੰਚਯੋਗ ਬਣਾਉਣਾ ਚਾਹੁੰਦੇ ਹਨ। ਇਸਦੇ ਲਈ, ੀ੍ਰਧਅ ਜੀਵਨ ਅਤੇ ਆਮ ਬੀਮਾ ਖੇਤਰਾਂ ਦੋਵਾਂ ਦੇ ਨਾਲ ਮਿਲ ਕੇ ਕੰਮ ਕਰ ਰਿਹਾ ਹੈ। ਇਸ ਦੇ ਲਈ ਇਕ ਯੋਜਨਾ ਫਾਰਮੈਟ ਵੀ ਤਿਆਰ ਕੀਤਾ ਗਿਆ ਹੈ, ਜਿਸ ਨੂੰ 'ਬੀਮਾ ਟ੍ਰਿਿਨਟੀ' ਦਾ ਨਾਂ ਦਿੱਤਾ ਗਿਆ ਹੈ। ਇਸ ਵਿੱਚ ਕਿਹੜਾ ਕੰਮ ਕਦੋਂ, ਕਿਵੇਂ ਅਤੇ ਕਿੱਥੇ ਕਰਨਾ ਹੈ। ਜੇਕਰ ਸਰਕਾਰ ਦੀ ਇਹ ਯੋਜਨਾ ਸਫਲ ਹੁੰਦੀ ਹੈ ਤਾਂ 2047 ਤੱਕ ਦੇਸ਼ ਦੀ ਆਜ਼ਾਦੀ ਦੇ 100 ਸਾਲ ਪੂਰੇ ਹੋਣ 'ਤੇ ਦੇਸ਼ ਦੇ ਹਰ ਨਾਗਰਿਕ ਦਾ ਬੀਮਾ ਹੋਵੇਗਾ।