ਨਵੀਂ ਦਿੱਲੀ: ਦਿੱਲੀ ਦੇ ਚਿੜੀਆਘਰ 'ਚ ਜੰਗਲੀ ਜੀਵਾਂ ਨੂੰ ਦੇਖਣ ਆਉਣ ਵਾਲੇ ਸੈਲਾਨੀਆਂ ਲਈ ਖੁਸ਼ਖਬਰੀ ਹੈ। ਦਰਅਸਲ, ਦਿੱਲੀ ਦੇ ਚਿੜੀਆਘਰ (Delhi Zoo) ਵਿੱਚ ਵਿਸ਼ਾਖਾਪਟਨਮ ਚਿੜੀਆਘਰ (Visakhapatnam Zoo) ਤੋਂ ਨਵੇਂ ਮਹਿਮਾਨ ਆਏ ਹਨ। ਵਿਸ਼ਾਖਾਪਟਨਮ ਤੋਂ ਨਵੇਂ ਮਹਿਮਾਨਾਂ ਦੇ ਆਉਣ ਨਾਲ ਚਿੜੀਆਘਰ ਵਿੱਚ ਜੰਗਲੀ ਜੀਵ ਪ੍ਰਜਾਤੀਆਂ ਦੀ ਕੁੱਲ ਗਿਣਤੀ ਹੁਣ 94 ਹੋ ਗਈ ਹੈ।
ਦਿੱਲੀ ਚਿੜੀਆਘਰ ਦੀ ਡਾਇਰੈਕਟਰ ਡਾ. ਸੋਨਾਲੀ ਘੋਸ਼ (Director Dr. Sonali Ghosh) ਨੇ ਦੱਸਿਆ ਕਿ ਵਿਸ਼ਾਖਾਪਟਨਮ ਚਿੜੀਆਘਰ (Visakhapatnam Zoo) ਤੋਂ ਦੋ ਜੰਗਲੀ ਕੁੱਤੇ, 15 ਸਟਾਰ ਕੱਛੂ, ਇੱਕ ਨਰ ਹਾਇਨਾ, ਇੱਕ ਹਮਾਦਰੀ ਬਾਬੂਨ ਲਿਆਂਦਾ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਹੁਣ ਦਿੱਲੀ ਚਿੜੀਆਘਰ ਵਿੱਚ ਜੰਗਲੀ ਜੀਵ ਦੀਆਂ ਕੁੱਲ 94 ਪ੍ਰਜਾਤੀਆਂ ਅਤੇ 1200 ਦੇ ਕਰੀਬ ਜੰਗਲੀ ਜਾਨਵਰ ਹਨ।