ਮੁੰਬਈ: ਮਹਾਰਾਸ਼ਟਰ ਦੇ ਮੰਤਰੀ ਅਤੇ ਐੱਨਸੀਪੀ ਨੇਤਾ (NCP Leader) ਨਵਾਬ ਮਲਿਕ (Nawab Malik) ਨੇ ਮੰਗਲਵਾਰ ਨੂੰ ਟਵਿੱਟਰ 'ਤੇ ਇੱਕ ਪੱਤਰ ਸਾਂਝਾ ਕੀਤਾ ਜੋ ਉਨ੍ਹਾਂ ਨੂੰ ਹਾਲ ਹੀ ਵਿੱਚ ਡਰੱਗ ਪਾਰਟੀ (Drug Party) ਦੇ ਮਾਮਲੇ ਵਿੱਚ ਕਥਿਤ ਅਦਾਇਗੀ ਦੇ ਸਬੰਧ ਵਿੱਚ ਇੱਕ ਗੁਮਨਾਮ ਐਨਸੀਬੀ ਮੁਲਾਜਮ (Unnamed Police office) ਤੋਂ ਪ੍ਰਾਪਤ ਹੋਇਆ ਸੀ ਜਿਸ ਵਿੱਚ ਆਰਿਅਨ ਖਾਨ (Aryan Khan) ਨੂੰ ਰੱਖਿਆ ਗਿਆ ਸੀ।
ਗੁਮਨਾਮ ਪੁਲਿਸ ਅਫਸਰ ਨੇ ਲਿਖਿਆ ਪੱਤਰ
"ਮੈਨੂੰ ਐਨਸੀਬੀ ਦੇ ਇੱਕ ਬੇਨਾਮ ਅਧਿਕਾਰੀ ਦਾ ਇੱਕ ਪੱਤਰ ਮਿਲਿਆ ਹੈ। ਮੈਂ ਡੀਜੀ ਨਾਰਕੋਟਿਕਸ (DG Narcotics) ਨੂੰ ਇਹ ਪੱਤਰ ਭੇਜ ਕੇ ਬੇਨਤੀ ਕਰ ਰਿਹਾ ਹਾਂ ਕਿ ਉਹ ਇਸ ਪੱਤਰ ਨੂੰ ਐਨਸੀਬੀ ਦੇ ਸਮੀਰ ਵਾਨਖੇੜੇ ਬਾਰੇ ਕੀਤੀ ਜਾ ਰਹੀ ਜਾਂਚ ਵਿੱਚ ਸ਼ਾਮਲ ਕਰਨ। ਅਸੀਂ ਮੰਗ ਕਰਦੇ ਹਾਂ ਕਿ ਇਸ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਇਹ ਪੱਤਰ ਮੈਨੂੰ ਭੇਜਿਆ ਗਿਆ ਹੈ। ਇੱਕ ਗੁਮਨਾਮ ਐਨਸੀਬੀ ਅਧਿਕਾਰੀ ਦਾ ਦਾਅਵਾ ਹੈ ਕਿ ਬਹੁਤ ਸਾਰੇ ਲੋਕਾਂ ਨੂੰ ਝੂਠੇ ਕੇਸਾਂ ਵਿੱਚ ਫਸਾਇਆ ਗਿਆ ਹੈ ਅਤੇ ਐਨਸੀਬੀ ਦਫਤਰ ਵਿੱਚ ਪੰਚਨਾਮੇ ਤਿਆਰ ਕੀਤੇ ਗਏ ਸਨ, ”ਮੰਤਰੀ ਨੇ ਏਐਨਆਈ ਨੂੰ ਦੱਸਿਆ।
ਐਨਸੀਬੀ ਦੇ ਡੀਜੀ ਨੇ ਕਾਰਵਾਈ ਦੀ ਗੱਲ ਕਹੀ
ਇਸੇ ਦੌਰਾਨ ਮੁੰਬਈ ਦੇ ਨਾਰਕੋਟਿਕਸ ਕੰਟਰੋਲ ਬਿਊਰੋ ਦੇ ਡਿਪਟੀ ਡਾਇਰੈਕਟਰ-ਜਨਰਲ ਮੁਥਾ ਅਸ਼ੋਕ ਜੈਨ (Dy Director General Mutha Ashok Jain) ਨੇ ਘਟਨਾਕ੍ਰਮ 'ਤੇ ਪ੍ਰਤੀਕ੍ਰਮ ਦਿੰਦੇ ਹੋਏ ਕਿਹਾ, "ਮੈਂ ਪੱਤਰ ਦੇਖਿਆ ਹੈ। ਅਸੀਂ ਲੋੜੀਂਦੀ ਕਾਰਵਾਈ ਕਰਾਂਗੇ।" ਸੋਮਵਾਰ ਨੂੰ, ਐਨਸੀਬੀ ਦੇ ਜ਼ੋਨਲ ਡਾਇਰੈਕਟਰ ਸਮੀਰ ਵਾਨਖੇੜੇ ਨੇ ਮੁੰਬਈ ਦੀ ਇੱਕ ਵਿਸ਼ੇਸ਼ ਅਦਾਲਤ ਨੂੰ ਦੱਸਿਆ ਕਿ ਉਸ ਨੂੰ ਅਤੇ ਉਸ ਦੇ ਪਰਿਵਾਰ ਨੂੰ ਨਿਸ਼ਾਨਾ ਬਣਾਇਆ ਜਾ ਰਿਹਾ ਹੈ ਅਤੇ ਉਹ ਉਸ ਵਿਰੁੱਧ ਦੋਸ਼ਾਂ ਦੀ ਜਾਂਚ ਲਈ ਤਿਆਰ ਹਨ।
ਆਰਿਅਨ ਕੇਸ ਦੇ ਗਵਾਹ ਸੈਲ ਨੇ ਕ੍ਰਾਈਮ ਬ੍ਰਾਂਚ ਨਾਲ ਸੰਪਰਕ ਕੀਤਾ
ਆਰਿਅਨ ਖਾਨ ਡਰੱਗਜ਼ ਕੇਸ ਦੇ ਸੁਤੰਤਰ ਗਵਾਹ ਪ੍ਰਭਾਕਰ ਸੈਲ (Parbhakar Sail) ਨੇ ਸੋਮਵਾਰ ਨੂੰ ਮੁੰਬਈ ਪੁਲਿਸ ਦੀ ਅਪਰਾਧ ਸ਼ਾਖਾ ਦੇ ਸੰਯੁਕਤ ਕਮਿਸ਼ਨਰ (Joint Commissioner Crime Branch) ਨਾਲ ਮੁਲਾਕਾਤ ਕੀਤੀ। ਉਸ ਨੇ ਨਾਰਕੋਟਿਕਸ ਕੰਟਰੋਲ ਬਿਊਰੋ (NCB) ਵੱਲੋਂ ਜ਼ਬਰਦਸਤੀ ਵਸੂਲੀ ਕਰਨ ਦਾ ਦੋਸ਼ ਲਾਉਂਦਿਆਂ ਅਦਾਲਤ ਵਿੱਚ ਹਲਫ਼ਨਾਮਾ ਵੀ ਦਾਇਰ ਕੀਤਾ ਹੈ। ਉਸ ਨੇ ਮੀਡੀਆ ਨੂੰ ਇਹ ਵੀ ਦੱਸਿਆ ਹੈ ਕਿ ਸਮੀਰ ਵਾਨਖੇੜੇ ਕਾਰਨ ਉਸ ਦੀ ਜਾਨ ਨੂੰ ਖਤਰਾ ਹੈ।
ਸੈਲ ਦੇ ਹਲਫਨਾਮੇ ਕਾਰਨ ਅਦਾਲਤ ਨੇ ਨਹੀਂ ਕੀਤਾ ਐਨਸੀਬੀ ਦੀ ਅਰਜੀ ‘ਤੇ ਫੈਸਲਾ
ਮੁੰਬਈ ਦੀ ਵਿਸ਼ੇਸ਼ ਅਦਾਲਤ ਨੇ ਕਰੂਜ਼ ਸ਼ਿੱਪ ਡਰੱਗ ਬਰਸਟ ਕੇਸ ਦੇ ਇੱਕ ਗਵਾਹ ਪ੍ਰਭਾਕਰ ਸੈਲ ਦੁਆਰਾ ਦਿੱਤੇ ਹਲਫ਼ਨਾਮੇ ਦਾ ਨੋਟਿਸ ਨਾ ਲੈਣ ਲਈ ਐਨਸੀਬੀ ਦੁਆਰਾ ਦਾਇਰ ਅਰਜ਼ੀ ਦਾ ਨਿਪਟਾਰਾ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਐਨਸੀਬੀ ਨੇ ਇੱਕ ਅਰਜ਼ੀ ਦਾਇਰ ਕੀਤੀ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ "23 ਅਕਤੂਬਰ 2021 ਦੇ ਅਜਿਹੇ ਕਥਿਤ ਹਲਫ਼ਨਾਮੇ ਨੂੰ ਇਸ ਮਾਨਯੋਗ ਅਦਾਲਤ ਜਾਂ ਸਮਰੱਥ ਅਧਿਕਾਰ ਖੇਤਰ ਦੀ ਅਦਾਲਤ ਦੁਆਰਾ ਨਿਰਧਾਰਤ ਫਾਰਮ ਜਾਂ ਪ੍ਰਕਿਰਿਆ ਤੋਂ ਇਲਾਵਾ ਕਿਸੇ ਹੋਰ ਤਰੀਕੇ ਨਾਲ ਧਿਆਨ ਵਿੱਚ ਨਹੀਂ ਰੱਖਿਆ ਜਾਣਾ ਚਾਹੀਦਾ ਹੈ ਜਾਂ ਨਹੀਂ ਵਰਤਿਆ ਜਾਣਾ ਚਾਹੀਦਾ ਹੈ"।
ਸੈਲ ਨੇ ਲਗਾਇਆ ਖਾਲੀ ਕਾਗਜਾਂ ‘ਤੇ ਹਸਤਾਖਰ ਕਰਵਾਉਣ ਦਾ ਦੋਸ਼
ਸੈਲ ਨੇ ਦਾਅਵਾ ਕੀਤਾ ਸੀ ਕਿ 2 ਅਕਤੂਬਰ ਨੂੰ ਛਾਪੇਮਾਰੀ ਵਾਲੇ ਦਿਨ ਉਸ ਨੂੰ ਖਾਲੀ ਸ਼ੀਟਾਂ 'ਤੇ ਦਸਤਖਤ ਕਰਵਾਉਣ ਲਈ ਕਿਹਾ ਗਿਆ ਸੀ। ਵਾਨਖੇੜੇ ਦੀ ਅਗਵਾਈ ਵਾਲੀ ਐਨਸੀਬੀ ਟੀਮ ਨੇ ਕੋਰਡੇਲੀਆ ਕਰੂਜ਼ ਜਹਾਜ਼ 'ਤੇ ਕਥਿਤ ਡਰੱਗਸ ਪਾਰਟੀ ਦਾ ਪਰਦਾਫਾਸ਼ ਕੀਤਾ ਸੀ, ਜੋ 2 ਅਕਤੂਬਰ ਨੂੰ ਗੋਆ ਜਾ ਰਿਹਾ ਸੀ। ਆਰਿਅਨ ਦੇ ਨਾਲ-ਨਾਲ ਹੁਣ ਤੱਕ ਦੋ ਨਾਈਜੀਰੀਅਨ ਨਾਗਰਿਕਾਂ ਸਮੇਤ ਕੁੱਲ 20 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਆਰਿਅਨ ਖਾਨ ਫਿਲਹਾਲ ਆਰਥਰ ਰੋਡ ਜੇਲ 'ਚ ਬੰਦ ਹੈ।
ਇੱਕ ਵਕੀਲ ਨੇ ਵਾਨਖੇੜੇ ਤੇ ਗਵਾਹਾਂ ਵਿਰੁੱਧ ਮਾਮਲਾ ਦਰਜ ਕਰਨ ਦੀ ਕੀਤੀ ਮੰਗ
ਦੂਜੇ ਪਾਸੇ ਮੁੰਬਈ ਪੁਲਿਸ ਦੇ ਅਫਸਰ ਆ ਨੰਦ ਦਾਦੂ ਨੇ ਕਿਹਾ ਕਿ ਮੁੰਬਈ ਦੇ ਇਕ ਵਕੀਲ ਸੁਧਾ ਦਿਵੇਦੀ ਨੇ ਐਮਆਰਏ ਮਾਰਗ ਪੁਲਿਸ ਸਟੇਸ਼ਨ ਅਤੇ ਮਹਾਰਾਸ਼ਟਰ ਸਰਕਾਰ ਨੂੰ ਲਿਖਤੀ ਸ਼ਿਕਾਇਤ ਦੋ ਕੇ ਨਾਰਕੋਟਿਕਸ ਕੰਟਰੋਲ ਬਿਊਰੋ (ਐਨਸੀਬੀ) ਦੇ ਜ਼ੋਨਲ ਡਾਇਰੈਕਟਰ ਸਮੀਰ ਵਾਨਖੇੜੇ ਅਤੇ ਚਾਰ ਹੋਰਾਂ ਖਿਲਾਫ ਡਰੱਗਜ਼-ਆਨ-ਕਰੂਜ਼ ਮਾਮਲੇ 'ਚ ਜ਼ਬਰਦਸਤੀ ਵਸੂਲੀ ਦੇ ਦੋਸ਼ 'ਚ ਜਾਂਚ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਵਾਨਖੇੜੇ, ਸ਼ਾਹਰੁਖ ਖਾਨ ਦੀ ਮੈਨੇਜਰ ਪੂਜਾ ਡਡਲਾਨੀ ਅਤੇ ਡਰੱਗ ਮਾਮਲੇ ਦੇ ਤਿੰਨ ਗਵਾਹਾਂ- ਪ੍ਰਭਾਕਰ ਸੈਲ, ਮਨੀਸ਼ ਭਾਨੂਸ਼ਾਲੀ ਅਤੇ ਕਿਰਨ ਗੋਸਾਵੀ- ਦੇ ਖਿਲਾਫ ਐਫਆਈਆਰ ਦਰਜ ਕਰਨ ਲਈ ਕਿਹਾ। ਇਹੋ ਸ਼ਿਕਾਇਤ ਸੂਬੇ ਦੇ ਗ੍ਰਹਿ ਮੰਤਰੀ ਦਿਲੀਪ ਵਾਲਸੇ, ਮੁੰਬਈ ਪੁਲਿਸ ਕਮਿਸ਼ਨਰ ਹੇਮੰਤ ਨਾਗਰਾਲੇ, ਮੁੰਬਈ ਪੁਲਿਸ ਦੇ ਸੰਯੁਕਤ ਕਮਿਸ਼ਨਰ (ਅਪਰਾਧ) ਮਿਲਿੰਦ ਭਰਾਂਬੇ ਅਤੇ ਰਾਜ ਭ੍ਰਿਸ਼ਟਾਚਾਰ ਵਿਰੋਧੀ ਬਿਊਰੋ ਨੂੰ ਵੀ ਭੇਜੀ ਗਈ ਹੈ।
ਦਿਵੇਦੀ ਨੇ ਇੱਕ ਵਿਅਕਤੀ ਤੋਂ 50 ਲੱਖ ਲੈਣ ਦਾ ਲਗਾਇਆ ਹੈ ਦੋਸ਼
ਦਿਵੇਦੀ ਨੇ ਸ਼ਿਕਾਇਤ ਵਿੱਚ ਕਿਹਾ ਐੱਨਸੀਬੀ ਦੇ ਇਕ ਹੋਰ ਗਵਾਹ ਕਿਰਨ ਗੋਸਾਵੀ ਦੇ ਬਾਡੀਗਾਰਡ ਹੋਣ ਦਾ ਦਾਅਵਾ ਕਰਨ ਵਾਲੇ ਪ੍ਰਭਾਕਰ ਸੈਲ ਦੁਆਰਾ ਲਗਾਏ ਗਏ ਦੋਸ਼ 'ਤੇ ਆਧਾਰਿਤ ਹੈ ਕਿ ਗੋਸਾਵੀ ਨੇ ਕਰੂਜ਼ ਜਹਾਜ਼ 'ਤੇ ਛਾਪੇਮਾਰੀ ਤੋਂ ਬਾਅਦ ਇਕ ਵਿਅਕਤੀ ਤੋਂ 50 ਲੱਖ ਰੁਪਏ ਲਏ ਸਨ। ਉਨ੍ਹਾਂ ਦੀ ਸ਼ਿਕਾਇਤ ਮੁਤਾਬਕ “ਇਹ ਬਹੁਤ ਸਪੱਸ਼ਟ ਹੈ ਕਿ ਹੁਣ, ਹਲਫਨਾਮੇ ਦੇ ਅਧਾਰ ਤੇ, ਸਮੁੱਚੀ ਜਾਂਚ ਇੱਕ ਧੋਖਾਧੜੀ ਅਤੇ ਮਾਮੂਲੀ ਜਾਂਚ ਤੋਂ ਇਲਾਵਾ ਕੁਝ ਨਹੀਂ ਹੋਵੇਗੀ ਜੋ ਰਾਜ ਸਰਕਾਰ, ਬਾਲੀਵੁੱਡ ਫਿਲਮ ਉਦਯੋਗ ਅਤੇ ਐਂਟੀ-ਨਾਰਕੋਟਿਕਸ ਸੈੱਲ ਦੇ ਅਕਸ ਨੂੰ ਢਾਹ ਲਾਉਣ ਲਈ ਕੀਤੀ ਗਈ ਹੈ। ਦਿਵੇਦੀ ਮੁਤਾਬਕ ਰਾਜ ਸਰਕਾਰ ਜੋ 'ਹੈਰੋਇਨ' ਨੂੰ ਜ਼ਬਤ ਕਰਨ ਲਈ ਅਣਥੱਕ ਮਿਹਨਤ ਕਰ ਰਹੀ ਹੈ ਨਾ ਕਿ 'ਹੀਰੋਇਨਾਂ' ਨੂੰ।
ਐਨਸੀਬੀ ਦੀ ਘੜੀ ਸਾਜਿਸ਼ ਕਰਾਰ ਦਿੱਤਾ
ਸ਼ਿਕਾਇਤ ਵਿੱਚ ਇਹ ਵੀ ਕਿਹਾ ਗਿਆ ਕਿ “ਉਕਤ ਪ੍ਰਭਾਕਰ ਦੇ ਬਿਆਨ ਤੋਂ ਸਪੱਸ਼ਟ ਹੈ ਕਿ, ਕੋਈ ਵਸੂਲੀ ਨਹੀਂ ਹੋਈ, ਪੰਚਨਾਮਾ ਝੂਠਾ, ਮਨਘੜਤ ਹੈ ਅਤੇ ਇਹ ਨਿੱਜੀ ਲਾਭ ਲਈ ਸਪੱਸ਼ਟ ਇਰਾਦੇ ਨਾਲ ਅਤੇ ਐਨਸੀਬੀ ਮੁੰਬਈ ਜ਼ੋਨਲ ਯੂਨਿਟ ਦੇ ਅਧਿਕਾਰੀਆਂ ਨਾਲ ਮਿਲ ਕੇ ਕੀਤਾ ਗਿਆ ਸੀ ਅਤੇ ਜਿਸ ਲਈ ਤੁਹਾਡੇ ਦਫਤਰ ਦੁਆਰਾ ਉਚਿਤ ਜਾਂਚ ਕੀਤੀ ਜਾਣੀ ਚਾਹੀਦੀ ਹੈ, ਜਿਸ ਵਿੱਚ ਅਸਫਲ ਰਹਿਣ ਨਾਲ, ਇਹਨਾਂ ਲੋਕਾਂ ਦੀ ਅਪਰਾਧਿਕ ਕਾਰਵਾਈ ਉਹਨਾਂ ਦੇ ਆਤਮ ਵਿਸ਼ਵਾਸ ਨੂੰ ਵਧਾਏਗੀ ਅਤੇ ਉਹ ਆਪਣੇ ਨਿੱਜੀ ਲਾਭ ਲਈ ਇਸ ਦੀ ਦੁਰਵਰਤੋਂ ਕਰ ਸਕਦੇ ਹਨ,"।
ਇਹ ਵੀ ਪੜ੍ਹੋ:ਲਖੀਮਪੁਰ ਖੀਰੀ ਹਿੰਸਾ ਮਾਮਲਾ: 8 ਨਵੰਬਰ ਨੂੰ ਹੋਵੇਗੀ ਸੁਪਰੀਮ ਕੋਰਟ ’ਚ ਅਗਲੀ ਸੁਣਵਾਈ
