Bihar Double Murder: ਵੈਸ਼ਾਲੀ 'ਚ ਮਾਂ ਨੇ ਧੀਆਂ ਦਾ ਕੀਤਾ ਕਤਲ, ਕਿਹਾ 'ਮੈਂ ਗਲ਼ਾ ਘੁੱਟ ਕੇ ਮਾਰਿਆ'

ਵੈਸ਼ਾਲੀ ਤੋਂ ਦੋਹਰੇ ਕਤਲ ਕਾਂਢ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਾਂ ਨੇ ਕਬੂਲਨਾਮੇ 'ਚ ਕਿਹਾ ਹੈ ਕਿ ਮੈਂ ਆਪਣੀਆਂ ਦੋਵੇਂ ਧੀਆਂ ਦਾ ਗਲਾ ਘੁੱਟ ਕੇ ਕਤਲ ਕੀਤਾ ਹੈ। ਹਾਲਾਂਕਿ ਕਤਲ ਵਿੱਚ ਪਿਤਾ ਦੇ ਵੀ ਸ਼ਾਮਲ ਹੋਣ ਦਾ ਸ਼ੱਕ ਹੈ। ਫਿਲਹਾਲ ਪੁਲਿਸ ਨੇ ਮੁਲਜ਼ਮ ਮਾਂ ਨੂੰ ਹਿਰਾਸਤ 'ਚ ਲੈ ਲਿਆ ਹੈ। ਪਿਤਾ ਫਰਾਰ ਹੈ।

ਵੈਸ਼ਾਲੀ: ਬਿਹਾਰ ਵਿਖੇ ਵੈਸ਼ਾਲੀ ਦੇ ਸਰਾਏ ਥਾਣਾ ਖੇਤਰ ਵਿੱਚ ਦੋ ਭੈਣਾਂ ਦੇ ਕਤਲ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੋਹਰੇ ਕਤਲ ਕਾਂਡ ਦੀ ਇਸ ਘਟਨਾ ਨਾਲ ਇਲਾਕੇ 'ਚ ਸਨਸਨੀ ਫੈਲ ਗਈ ਹੈ। ਸਰਾਏ ਥਾਣਾ ਖੇਤਰ ਵਿੱਚ ਮਾਪਿਆਂ ਨੇ ਮਿਲ ਕੇ ਆਪਣੀਆਂ ਦੋ ਨਾਬਾਲਗ ਧੀਆਂ ਦਾ ਕਤਲ ਕਰ ਦਿੱਤਾ। ਸੂਚਨਾ 'ਤੇ ਪਹੁੰਚੀ ਪੁਲਿਸ ਨੇ ਦੋਵੇਂ ਭੈਣਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਸਦਰ ਹਸਪਤਾਲ ਭੇਜ ਦਿੱਤਾ। ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਪੁਲਿਸ ਨੂੰ ਦੇਖ ਕੇ ਮੁਲਜ਼ਮ ਪਿਤਾ ਮੌਕੇ ਤੋਂ ਫਰਾਰ ਹੋ ਗਿਆ ਅਤੇ ਮਾਂ ਨੂੰ ਪੁਲਿਸ ਨੇ ਹਿਰਾਸਤ ਵਿੱਚ ਲੈ ਲਿਆ ਹੈ, ਜਿਸ ਨੇ ਹਿਰਾਸਤ ਵਿੱਚ ਕਬੂਲਿਆ ਕਿ ਉਸ ਨੇ ਖੁਦ ਹੀ ਦੋਹਾਂ ਭੈਣਾਂ ਦਾ ਇਕ-ਇਕ ਕਰ ਕੇ ਗਲ਼ਾ ਘੁੱਟ ਕੇ ਕਤਲ ਕੀਤਾ ਹੈ।

ਕਾਤਲ ਮਾਂ ਨੇ ਕਿਹਾ- 'ਮੈਂ ਦੋਵੇਂ ਧੀਆਂ ਨੂੰ ਮਾਰਿਆ' : ਦੋਵੇਂ ਨਾਬਾਲਗ ਬੱਚੀਆਂ ਦੀ ਮਾਂ ਨੇ ਕਿਹਾ ਕਿ ਮੈਂ ਦੋਹਾਂ ਨੂੰ ਮੂੰਹ ਘੁਟ ਕੇ ਮਾਰਿਆ ਹੈ। ਉਸ ਨੇ ਕਿਹਾ "ਪਹਿਲਾਂ ਵੱਡੀ ਧੀ ਨੂੰ ਮਾਰਿਆ ਤੇ ਫਿਰ ਛੋਟੀ ਧੀ ਨੂੰ ਮਾਰਿਆ। ਦੋਵੇਂ ਕੁੜੀਆਂ ਵਾਰ-ਵਾਰ ਘਰੋਂ ਭੱਜਦੀਆਂ ਸਨ, ਇਸੇ ਲਈ ਮੈਂ ਦੋਵਾਂ ਨੂੰ ਮਾਰਿਆ।" ਮੇਰੇ ਨਾਲ ਇਸ ਕਤਲ ਵਿਚ ਕੋਈ ਸ਼ਾਮਲ ਨਹੀਂ ਸੀ, ਪਰ ਮਾਂ ਦੀ ਹਾਲਤ ਦੇਖ ਕੇ ਲੱਗਦਾ ਸੀ ਕਿ ਉਹ ਆਪਣੇ ਪਤੀ ਨੂੰ ਬਚਾਉਣ ਦੇ ਇਰਾਦੇ ਨਾਲ ਅਜਿਹਾ ਬਿਆਨ ਦੇ ਰਹੀ ਹੈ। ਦੋਵੇਂ ਬੱਚੀਆਂ ਦੇ ਕਾਤਲ ਦੀ ਮਾਂ ਕੈਮਰੇ ਦੇ ਸਾਹਮਣੇ ਉਦਾਸ ਨਜ਼ਰ ਆ ਰਹੀ ਸੀ। ਫਿਲਹਾਲ ਪੁਲਿਸ ਹਰ ਪੁਆਇੰਟ 'ਤੇ ਜਾਂਚ ਕਰ ਰਹੀ ਹੈ।

ਕਤਲ ਤੋਂ ਬਾਅਦ ਪਿਤਾ ਫਰਾਰ : ਇਸ ਸਬੰਧੀ ਐਸਡੀਪੀਓ ਸਦਰ ਓਮਪ੍ਰਕਾਸ਼ ਨੇ ਦੱਸਿਆ ਕਿ ਇੱਕ ਪਿੰਡ ਵਿੱਚ ਦੋ ਭੈਣਾਂ ਦੇ ਕਤਲ ਹੋਣ ਦੀ ਸੂਚਨਾ ਮਿਲੀ ਹੈ। ਪਿਤਾ 'ਤੇ ਕਤਲ ਦਾ ਸ਼ੱਕ ਹੈ ਪਰ ਉਹ ਪੁਲਿਸ ਦੀ ਗ੍ਰਿਫ਼ਤ ਤੋਂ ਫਰਾਰ ਹੈ ਅਤੇ ਇਹ ਸਾਰਾ ਮਾਮਲਾ ਆਨਰ ਕਿਲਿੰਗ ਦਾ ਹੈ। ਪੁਲਸ ਨੂੰ ਦੇਖ ਕੇ ਦੋਸ਼ੀ ਪਿਤਾ ਮੌਕੇ ਤੋਂ ਫਰਾਰ ਹੋ ਗਿਆ। ਇਸ ਤੋਂ ਬਾਅਦ ਪੁਲਸ ਨੇ ਰਿੰਕੂ ਦੇਵੀ ਨੂੰ ਹਿਰਾਸਤ 'ਚ ਲੈ ਲਿਆ ਹੈ। ਪੁਲਸ ਨੇ ਦੋਵੇਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਪੁਲਿਸ ਵੱਲੋਂ ਰਿੰਕੂ ਦੇਵੀ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਮਾਮਲੇ 'ਚ ਐਫਆਈਆਰ ਦਰਜ ਕਰਦੇ ਹੋਏ ਪੁਲਸ ਦੋਸ਼ੀ ਪਿਤਾ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਕਰ ਰਹੀ ਹੈ।

ਇਹ ਵੀ ਪੜ੍ਹੋ :Bihar Hooch Tragedy: ਮੋਤੀਹਾਰੀ 'ਚ ਜ਼ਹਿਰੀਲੀ ਸ਼ਰਾਬ ਨੇ ਮਚਾਈ ਤਬਾਹੀ, ਹੁਣ ਤੱਕ 22 ਲੋਕਾਂ ਦੀ ਮੌਤ

ਮੁੱਖ ਨੁਮਾਇੰਦੇ ਨੇ ਦੱਸਿਆ ਕਾਤਲ ਕੌਣ: ਦੂਜੇ ਪਾਸੇ ਸ਼ੀਤਲ ਭਾਕੁਰਹਰ ਪੰਚਾਇਤ ਦੇ ਮੁੱਖ ਨੁਮਾਇੰਦੇ ਨੀਰਜ ਸਿੰਘ ਦੇ ਬਿਆਨਾਂ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਧੀਆਂ ਨੂੰ ਮਾਰਨ ਵਾਲਾ ਮਾਂ ਨਹੀਂ ਸਗੋਂ ਪਿਤਾ ਸੀ। ਹੁਣ ਉਕਤ ਔਰਤ ਪਤਨੀ ਹੋਣ ਦਾ ਫਰਜ਼ ਨਿਭਾਉਂਦਿਆਂ ਪਤੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਪੁਲਿਸ ਇਸ ਪੂਰੇ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕਰ ਰਹੀ ਹੈ। ਨੀਰਜ ਸਿੰਘ ਨੇ ਦੱਸਿਆ ਕਿ ਸਵੇਰੇ ਉਕਤ ਔਰਤ ਭੱਜ ਕੇ ਉਸ ਦੇ ਘਰ ਆਈ ਅਤੇ ਕਿਹਾ ਕਿ ਉਸ ਦੇ ਘਰ ਵਾਲੇ ਨੇ ਦੋਵੇਂ ਧੀਆਂ ਨੂੰ ਮਾਰ ਦਿੱਤਾ ਹੈ।