ਮਿਲੋ, ਕਲਯੁਗ ਦੀ ਭਾਗੀਰਥੀ ਨੂੰ ਜਿਸ ਨੇ ਇਕੱਲਿਆ ਪੁੱਟੇ 2 ਖੂਹ

ਸਿਰਸੀ ਦੀ 50 ਸਾਲਾਂ ਤੋਂ ਵੱਧ ਦੀ, ਗੌਰੀ ਚੰਦਰਸ਼ੇਖਰ ਨਾਇਕ ਨੇ ਦੋ ਖੂਹ ਪੁੱਟੇ ਹਨ। ਉਨ੍ਹਾਂ ਦੇ ਕੰਮ ਨੇ ਬਹੁਤ ਸਾਰੇ ਨੌਜਵਾਨਾਂ ਨੂੰ ਪ੍ਰੇਰਿਤ ਕੀਤਾ। ਅਸੀਂ ਸਾਰੇ ਭਗੀਰਥਾਂ ਦੀ ਮਿਥਿਹਾਸਕ ਕਹਾਣੀ ਜਾਣਦੇ ਹਾਂ ਜੋ ਗੰਗਾ ਨਦੀ ਨੂੰ ਧਰਤੀ 'ਤੇ ਲਿਆਏ ਸੀ। ਹੁਣ ਗੌਰੀ ਨਾਇਕ ਨੂੰ ਕਲਯੁਗ ਦਾ ਭਾਗੀਰਥ ਕਹਿ ਸਕਦੇ ਹਾਂ ਜਿਸ ਨੇ ਆਪਣੇ ਸੁਪਾਰੀ ਦੇ ਪੌਦਿਆਂ ਲਈ ਪਾਣੀ ਲਈ ਦੋ ਖੂਹ ਪੁੱਟੇ ਹਨ।

ਕਰਨਾਟਕ: ਗੌਰੀ ਚੰਦਰਸ਼ੇਖਰ ਨਾਇਕ ਨੇ ਆਪਣੇ ਘਰ ਦੇ ਨੇੜੇ ਦੋ ਖੂਹ ਪੁੱਟੇ ਹਨ। ਉਨ੍ਹਾਂ ਦੀ ਮਿਹਨਤ ਅਤੇ ਵਚਨਬੱਧਤਾ ਦੇ ਹਰ ਪਾਸੇ ਚਰਚਾ ਹਨ। ਬਿਨਾਂ ਕਿਸੇ ਦੀ ਸਹਾਇਤਾ ਲਏ ਬਿਨਾਂ, ਉਸਨੇ ਖੁਦ ਸਖ਼ਤ ਮਿਹਨਤ ਕੀਤੀ ਅਤੇ ਇਕੱਠੀ ਕੀਤੀ ਮਿੱਟੀ ਨੂੰ ਸਤਹ ਖੁਦਾਈ ਤੋਂ ਨੇੜਲੇ ਸਥਾਨ 'ਤੇ ਲੈ ਜਾ ਕੇ 4-5 ਮਹੀਨਿਆਂ ਦੀ ਮਿਆਦ ਵਿੱਚ, ਉਨ੍ਹਾਂ ਨੇ 60 ਫੁੱਟ ਡੂੰਘੇ ਦੋ ਖੂਹਾਂ ਦੀ ਖੁਦਾਈ ਕੀਤੀ। ਉਸ ਨੂੰ ਆਪਣੀ ਮਿਹਨਤ ਦਾ ਨਤੀਜਾ ਵੀ ਮਿਲਿਆ।

ਇਕ ਵਾਰ ਜਦੋਂ ਉਸ ਨੂੰ ਸੁਪਾਰੀ ਦੇ ਬੂਟੇ ਲਈ ਪਾਣੀ ਦੀ ਘਾਟ ਦਾ ਸਾਹਮਣਾ ਕਰਨਾ ਪਿਆ, ਉਸ ਨੇ ਕਿਸੇ ਦੀ ਮਦਦ ਤੋਂ ਬਿਨਾਂ ਖੂਹ ਖੋਦਣ ਦਾ ਫੈਸਲਾ ਕੀਤਾ। ਗੌਰੀ ਨਾਇਕ ਨੇ ਦੱਸਿਆ ਕਿ ਉਸ ਨੇ, ਖ਼ੁਦ ਇਹ ਕੰਮ ਪਾਣੀ ਦੇ ਸਰੋਤ ਬਿੰਦੂਆਂ ਨੂੰ ਲੱਭਣ ਜਾਂ ਮਾਰਕ ਕਰਨ ਲਈ ਕਿਸੇ ਭੂ-ਵਿਗਿਆਨੀ ਜਾਂ ਪੁਜਾਰੀ ਦੀ ਅਗਵਾਈ ਤੋਂ ਬਿਨਾਂ ਸ਼ੁਰੂ ਕੀਤਾ ਸੀ। ਉਨ੍ਹਾਂ ਦੀ ਮਿਹਨਤ ਅਤੇ ਇਮਾਨਦਾਰੀ ਦੀ ਕੋਸ਼ਿਸ਼ ਵਿਅਰਥ ਨਹੀਂ ਗਈ ਅਤੇ ਹੁਣ ਉਨ੍ਹਾਂ ਨੂੰ ਕਾਫ਼ੀ ਪਾਣੀ ਮਿਲ ਰਿਹਾ ਹੈ।

ਪਿਛਲੇ ਸਾਲ, ਗੌਰੀ ਨੇ ਪਹਿਲੇ ਖੂਹ ਦਾ ਨਿਰਮਾਣ ਕੀਤਾ। ਉਸ ਤੋਂ ਬਾਅਦ ਲਾਕਡਾਊਨ ਦਰਮਿਆਨ ਦੂਜਾ ਖੂਹ ਵੀ ਪੁੱਟ ਦਿੱਤਾ। ਸਥਾਨਕ ਲੋਕਾਂ ਨੇ ਉਨ੍ਹਾਂ ਦੀ ਸਖ਼ਤ ਮਿਹਨਤ ਦੀ ਸ਼ਲਾਘਾ ਕੀਤੀ।

ਪਿਛਲੇ ਸਾਲ, ਰਾਜ ਸਰਕਾਰ ਦੀ ਤਰਫੋਂ, ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ ਨੇ ਗੌਰੀ ਨਾਇਕ ਦੇ ਕੰਮ ਨੂੰ ਸਨਮਾਨਿਤ ਕੀਤਾ। ਕੁਝ ਗੈਰ ਸਰਕਾਰੀ ਸੰਗਠਨ, ਗੌਰੀ ਵਲੋਂ ਇੱਕਲਿਆ ਇਸ ਕੰਮ ਨੂੰ ਨੇਪਰੇ ਚਾੜ੍ਹਣ ਦੀਆਂ ਕੋਸ਼ਿਸ਼ਾਂ ਦਾ ਸਨਮਾਨ ਕੀਤਾ ਹੈ। ਇੰਨਾ ਹੀ ਨਹੀਂ, ਸਵਰਣ ਮਠ, ਮੁਰੂਗਾ ਮੱਠ ਅਤੇ ਹੋਰਨਾਂ ਨੇ ਗੌਰੀ ਨਾਇਕ ਨੂੰ ਸਨਮਾਨਤ ਵੀ ਕੀਤਾ ਹੈ। ਇਹ ਦਰਸਾਉਂਦਾ ਹੈ ਕਿ ਜਦੋਂ ਕੋਈ ਇੱਛਾ ਹੁੰਦੀ ਹੈ, ਰਸਤਾ ਨਿਸ਼ਚਤ ਤੌਰ 'ਤੇ ਮਿਲ ਜਾਂਦਾ ਹੈ। ਜੇ ਮਜ਼ਬੂਤ ​​ਇਰਾਦੇ ਹੋਣ ਤਾਂ ਕੁਝ ਵੀ ਅਸੰਭਵ ਨਹੀਂ ਏ। ਮਜ਼ਬੂਤ ਇਰਾਦਿਆਂ ਅਤੇ ਸਖ਼ਤ ਮਿਹਨਤ ਦੀ ਇਕ ਮਿਸਾਲ ਬਣ ਚੁੱਕੀ ਹੈ।