ਲਿਫਟ 'ਚ ਸਿਰ ਫਸਣ ਕਾਰਨ ਵਿਅਕਤੀ ਦੀ ਮੌਤ

ਇੱਕ ਦੁਕਾਨ ਦੇ ਅੰਦਰ ਚੱਲਦੀ ਲਿਫਟ 'ਚ ਸਿਰ ਫਸ ਜਾਣ ਕਾਰਨ ਇੱਕ 59 ਸਾਲਾਂ ਵਿਅਕਤੀ ਦੀ ਦਰਦਨਾਕ ਮੌਤ ਹੋ ਗਈ।

ਕੇਰਲ: ਇੱਕ ਦੁਕਾਨ ਦੇ ਅੰਦਰ ਚੱਲਦੀ ਲਿਫਟ ਵਿੱਚ ਸਿਰ ਫਸ ਜਾਣ ਕਾਰਨ ਇੱਕ 59 ਸਾਲਾ ਵਿਅਕਤੀ ਦੀ ਦਰਦਨਾਕ ਮੌਤ ਹੋ ਗਈ। ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ 'ਤੇ ਪਹੁੰਚੇ ਫਾਇਰ ਬ੍ਰਿਗੇਡ ਦੇ ਕਰਮਚਾਰੀਆਂ ਨੇ ਉਸ ਨੂੰ ਪਹਿਲਾਂ ਪੇਰੂਰਕਾਡਾ ਹਸਪਤਾਲ ਅਤੇ ਫਿਰ ਤੀਰੂਵਨੰਤਪੁਰਮ ਮੈਡੀਕਲ ਕਾਲਜ ਪਹੁੰਚਾਇਆ ਪਰ ਉਸ ਦੀ ਜਾਨ ਨਹੀਂ ਬਚ ਸਕੀ। ਘਟਨਾ ਮੰਗਲਵਾਰ ਸ਼ਾਮ ਦੀ ਹੈ।

ਪੁਲਿਸ ਨੇ ਦੱਸਿਆ ਕਿ ਅੰਬਾਲਾਮੁੱਕੂ ਵਿੱਚ ਸੈਨੇਟਰੀਵੇਅਰ ਦੀ ਦੁਕਾਨ ਵਿੱਚ ਕੰਮ ਕਰਨ ਵਾਲੇ ਸਤੀਸ਼ ਕੁਮਾਰ ਦਾ ਸਿਰ ਲਿਫਟ ਵਿੱਚ ਫਸ ਜਾਣ ਕਾਰਨ ਮੌਤ ਹੋ ਗਈ। ਉਸ ਦਾ ਸਿਰ ਲਿਫਟ ਵਿੱਚ ਕਿਵੇਂ ਫਸ ਗਿਆ, ਇਸ ਬਾਰੇ ਤੁਰੰਤ ਪਤਾ ਨਹੀਂ ਲੱਗ ਸਕਿਆ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਅਗਲੇਰੀ ਕਾਰਵਾਈ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ:-ਪੁਲਿਸ ਚੌਕੀ 'ਚ ਪੱਤਰਕਾਰ ਨਾਲ ਮੁਨਸ਼ੀ ਵੱਲੋਂ ਕੁੱਟਮਾਰ, ਪੱਗ ਉਤਾਰਨ ਦਾ ਵੀਡੀਓ ਵਾਇਰਲ