Uddhav Attacked On BJP: ਭਾਜਪਾ ਨੂੰ ਊਧਵ ਦੀ ਚੁਣੌਤੀ- ਹਿੰਮਤ ਹੈ ਤਾਂ ਇਸ ਰੱਖੜੀ 'ਤੇ ਬਿਲਕਿਸ ਬਾਨੋ ਤੋਂ ਬੰਨ੍ਹਾਓ ਰੱਖੜੀ

ਵਿਰੋਧੀ ਗਠਜੋੜ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਟਿੱਪਣੀ 'ਤੇ ਜਵਾਬ ਦਿੰਦੇ ਹੋਏ ਸਾਬਕਾ ਮੁੱਖ ਮੰਤਰੀ ਊਧਵ ਠਾਕਰੇ ਨੇ ਕਿਹਾ ਕਿ ਜੇਕਰ ਭਾਜਪਾ ਵਿੱਚ ਹਿੰਮਤ ਹੈ ਤਾਂ ਉਹ ਬਿਲਕਿਸ ਬਾਨੋ ਤੋਂ ਰੱਖੜੀ ਬੰਨ੍ਹਾਉਂਣ। ਉਨ੍ਹਾਂ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਆਯਾਰਾਮ ਦੀ ਪਾਰਟੀ ਬਣ ਚੁੱਕੀ ਹੈ ਅਤੇ ਬਹੁਤ ਜਲਦ ਆਯਾਰਾਮ ਮੰਦਰ ਬਣੇਗਾ।

ਮੁੰਬਈ:ਸ਼ਿਵ ਸੈਨਾ (ਯੂਬੀਟੀ) ਦੇ ਨੇਤਾ ਊਧਵ ਠਾਕਰੇ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਜਵਾਬ ਦਿੱਤਾ ਹੈ। ਉਹਨਾਂ ਨੇ ਕਿਹਾ ਹੈ ਕਿ 'INDIA' ਗਠਜੋੜ ਵਿੱਚ ਉਹ ਪਾਰਟੀਆਂ ਸ਼ਾਮਲ ਹਨ ਜੋ ਲੋਕਤੰਤਰ ਅਤੇ ਆਜ਼ਾਦੀ ਦਾ ਗਲਾ ਘੁੱਟਣ ਵਾਲਿਆਂ ਦਾ ਵਿਰੋਧ ਕਰਦੀਆਂ ਹਨ। ਉਨ੍ਹਾਂ ਕਿਹਾ, 'ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਵਿਦੇਸ਼ਾਂ 'ਚ ਵਿਦੇਸ਼ੀ ਨੇਤਾਵਾਂ ਨੂੰ ਮਿਲਦੇ ਹਨ ਤਾਂ ਸਾਨੂੰ ਮਾਣ ਮਹਿਸੂਸ ਹੁੰਦਾ ਹੈ। ਉਹਨਾਂ ਪ੍ਰਧਾਨ ਮੰਤਰੀ ਨੂੰ ਪੁੱਛਿਆ ਕਿ ਤੁਸੀਂ ਉਹਨਾਂ ਨੂੰ 'ਭਾਰਤ ਦੇ ਪ੍ਰਧਾਨ ਮੰਤਰੀ' ਵਜੋਂ ਜਾਂ ਇੰਡੀਅਨ ਮੁਜਾਹਿਦੀਨ ਦੇ ਮੁੱਖ ਸੇਵਕ ਵਜੋਂ ਮਿਲਦੇ ਹੋ ?' ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਿਰੋਧੀ ਪਾਰਟੀਆਂ ਵੱਲੋਂ ਕੀਤੇ ਗਏ ਗੱਠਜੋੜ ਦਾ ਨਾਂ ‘INDIA’ ਰੱਖਣ ਉੱਤੇ ਨਿਸ਼ਾਨੇ ਸਾਧੇ ਸਨ।

ਪ੍ਰਧਾਨ ਮੰਤਰੀ ਮੋਦੀ ਨੇ ਵਿਰੋਧੀ ਗਠਜੋੜ ਦੀ ਆਲੋਚਨਾ ਕੀਤੀ ਸੀ ਤੇ ਕਿਹਾ ਸੀ ਕਿ ਗਠਜੋੜ ਦਾ ਨਾਂ 'ਈਸਟ ਇੰਡੀਆ ਕੰਪਨੀ' ਅਤੇ 'ਇੰਡੀਅਨ ਮੁਜਾਹਿਦੀਨ' ਵਰਗਾ ਹੈ। ਮੋਦੀ ਨੇ ਨਿਸ਼ਾਨਾ ਸਾਧਦੇ ਕਿਹਾ ਸੀ ਕਿ ਦੇਸ਼ ਦੇ ਲੋਕ ਅਹਿਜਾ ਨਹੀਂ ਕਰ ਸਕਦੇ ਹਨ। ਇਸ ਦੀ ਵਰਤੋਂ ਕਰਕੇ ਗੁੰਮਰਾਹ ਕੀਤਾ ਜਾ ਸਕਦਾ ਹੈ। ਦੂਜੀਆਂ ਪਾਰਟੀਆਂ ਦੇ ਨੇਤਾਵਾਂ ਨੂੰ ਸ਼ਾਮਲ ਕਰਨ ਲਈ ਭਾਰਤੀ ਜਨਤਾ ਪਾਰਟੀ 'ਤੇ ਨਿਸ਼ਾਨਾ ਸਾਧਦੇ ਹੋਏ, ਠਾਕਰੇ ਨੇ ਕਿਹਾ ਕਿ ਭਾਜਪਾ 'ਆਯਾਰਾਮ' (ਦਾ ਦਲ-ਦਲ ਕਰਨ ਵਾਲਿਆਂ) ਦੀ ਪਾਰਟੀ ਬਣ ਗਈ ਹੈ ਅਤੇ ਹੁਣ 'ਆਯਾਰਾਮ ਮੰਦਰ' ਬਣਾਏਗੀ।

ਭਾਜਪਾ ਨੂੰ ਊਧਵ ਦੀ ਚੁਣੌਤੀ:ਊਧਵ ਠਾਕਰੇ ਨੇ ਇੱਕ ਮੀਡੀਆ ਰਿਪੋਰਟ ਦਾ ਵੀ ਹਵਾਲਾ ਦਿੱਤਾ ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਮੋਦੀ ਨੇ ਰਾਸ਼ਟਰੀ ਲੋਕਤੰਤਰੀ ਗਠਜੋੜ (ਐਨਡੀਏ) ਦੇ ਸੰਸਦ ਮੈਂਬਰਾਂ ਨੂੰ ਮੁਸਲਿਮ ਔਰਤਾਂ ਨੂੰ ਰੱਖੜੀ ਬੰਨ੍ਹਣ ਲਈ ਕਿਹਾ ਸੀ। ਸਾਬਕਾ ਮੁੱਖ ਮੰਤਰੀ ਨੇ ਕਿਹਾ, "ਜੇ ਤੁਹਾਡੇ ਵਿੱਚ ਹਿੰਮਤ ਹੈ, ਤਾਂ ਮਣੀਪੁਰ ਵਿੱਚ ਉਨ੍ਹਾਂ ਔਰਤਾਂ ਤੋਂ ਰੱਖੜੀ ਬਣਾਓ ਜਿਨ੍ਹਾਂ ਨੂੰ ਜਨਤਕ ਤੌਰ 'ਤੇ ਨਗਨ ਕਰਕੇ ਪਰੇਡ ਕਰਵਾਈ ਗਈ ਸੀ ਅਤੇ ਬਿਲਕਿਸ ਬਾਨੋ (2002 ਦੇ ਗੁਜਰਾਤ ਫਿਰਕੂ ਦੰਗਿਆਂ ਦੇ ਸਮੂਹਿਕ ਬਲਾਤਕਾਰ ਪੀੜਤ) ਤੋਂ ਵੀ ਰੱਖੜੀ ਬਨ੍ਹਾਓ। ਉਨ੍ਹਾਂ ਨੇ ਭਾਜਪਾ ਨੇਤਾ ਅਤੇ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਦੀ ਕਥਿਤ 'ਔਰੰਗਜ਼ੇਬ ਦੇ ਪੁੱਤਰ' ਵਾਲੀ ਟਿੱਪਣੀ ਲਈ ਵੀ ਨਿਸ਼ਾਨਾ ਸਾਧਿਆ। (ਪੀਟੀਆਈ-ਭਾਸ਼ਾ)