ਮੁੰਬਈ: ਮਹਾਰਾਸ਼ਟਰ ਦੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ ਨੇ ਮੰਗਲਵਾਰ ਨੂੰ ਸ਼ਿਵ ਸੈਨਾ ਮੁਖੀ ਊਧਵ ਠਾਕਰੇ 'ਤੇ ਅਸਿੱਧੇ ਤੌਰ 'ਤੇ ਉਨ੍ਹਾਂ ਦੇ ਸਧਾਰਨ ਪਿਛੋਕੜ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਆਟੋ ਰਿਕਸ਼ਾ ਨੇ ਮਰਸਡੀਜ਼ ਕਾਰ ਨੂੰ ਪਛਾੜ ਦਿੱਤਾ ਹੈ। ਸ਼ਿੰਦੇ ਪਹਿਲਾਂ ਰੋਜ਼ੀ-ਰੋਟੀ ਕਮਾਉਣ ਲਈ ਆਟੋ ਰਿਕਸ਼ਾ ਚਲਾਉਂਦੇ ਸਨ। ਸ਼ਿੰਦੇ ਨੇ ਮਰਾਠੀ 'ਚ ਟਵੀਟ ਕੀਤਾ, ''ਆਟੋ ਰਿਕਸ਼ਾ ਨੇ ਮਰਸਡੀਜ਼ (ਕਾਰ) ਨੂੰ ਪਛਾੜ ਦਿੱਤਾ ਹੈ... ਕਿਉਂਕਿ ਇਹ ਸਰਕਾਰ ਆਮ ਆਦਮੀ ਦੀ ਹੈ।"
ਏਕਨਾਥ ਸ਼ਿੰਦੇ ਦਾ ਊਧਵ 'ਤੇ ਤੰਜ- 'ਆਟੋ ਰਿਕਸ਼ਾ ਨੇ ਮਰਸਡੀਜ਼ ਨੂੰ ਪਛਾੜਿਆ'
ਸ਼ਿੰਦੇ ਨੇ ਘੱਟੋ-ਘੱਟ 40 ਵਿਧਾਇਕਾਂ ਦੇ ਨਾਲ ਸ਼ਿਵ ਸੈਨਾ ਲੀਡਰਸ਼ਿਪ ਦੇ ਖਿਲਾਫ ਬਗਾਵਤ ਕੀਤੀ ਸੀ, ਜਿਸ ਕਾਰਨ ਪਿਛਲੇ ਹਫਤੇ ਠਾਕਰੇ ਦੀ ਅਗਵਾਈ ਵਾਲੀ ਮਹਾ ਵਿਕਾਸ ਅਗਾੜੀ ਸਰਕਾਰ ਡਿੱਗ ਗਈ ਸੀ। ਉਸ ਦੌਰਾਨ ਸ਼ਿਵ ਸੈਨਾ ਦੇ ਨੇਤਾਵਾਂ ਨੇ ਸ਼ਿੰਦੇ ਨੂੰ 'ਆਟੋ ਰਿਕਸ਼ਾ ਡਰਾਈਵਰ' ਕਿਹਾ।
Maharashtra Politics
ਵਰਣਨਯੋਗ ਹੈ ਕਿ ਸ਼ਿੰਦੇ ਨੇ ਘੱਟੋ-ਘੱਟ 40 ਵਿਧਾਇਕਾਂ ਦੇ ਨਾਲ ਸ਼ਿਵ ਸੈਨਾ ਲੀਡਰਸ਼ਿਪ ਦੇ ਖਿਲਾਫ ਬਗਾਵਤ ਕੀਤੀ ਸੀ, ਜਿਸ ਕਾਰਨ ਪਿਛਲੇ ਹਫਤੇ ਠਾਕਰੇ ਦੀ ਅਗਵਾਈ ਵਾਲੀ ਮਹਾ ਵਿਕਾਸ ਅਗਾੜੀ ਸਰਕਾਰ ਡਿੱਗ ਗਈ ਸੀ। ਉਸ ਦੌਰਾਨ ਸ਼ਿਵ ਸੈਨਾ ਦੇ ਨੇਤਾਵਾਂ ਨੇ ਸ਼ਿੰਦੇ ਨੂੰ 'ਆਟੋ ਰਿਕਸ਼ਾ ਡਰਾਈਵਰ' ਕਿਹਾ। ਸ਼ਿੰਦੇ ਆਪਣੇ ਸ਼ੁਰੂਆਤੀ ਦਿਨਾਂ ਵਿੱਚ ਰੋਜ਼ੀ-ਰੋਟੀ ਲਈ ਆਟੋ ਰਿਕਸ਼ਾ ਚਲਾਉਂਦੇ ਸਨ। ਊਧਵ ਠਾਕਰੇ ਨੇ ਵਿਧਾਨ ਸਭਾ 'ਚ ਭਰੋਸੇ ਦੇ ਵੋਟ 'ਤੇ ਵੋਟਿੰਗ ਤੋਂ ਪਹਿਲਾਂ ਹੀ 29 ਜੂਨ ਨੂੰ ਅਸਤੀਫਾ ਦੇ ਦਿੱਤਾ ਸੀ। ਅਗਲੇ ਦਿਨ 30 ਜੂਨ ਨੂੰ ਸ਼ਿੰਦੇ ਨੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ।
ਠਾਕਰੇ ਖੁਦ ਮਰਸਡੀਜ਼ ਕਾਰ ਚਲਾ ਕੇ ਅਸਤੀਫਾ ਦੇਣ ਲਈ ਰਾਜ ਭਵਨ ਪਹੁੰਚੇ ਸਨ। ਇਸ ਤੋਂ ਪਹਿਲਾਂ ਭਾਜਪਾ ਦੇ ਸੀਨੀਅਰ ਨੇਤਾ ਅਤੇ ਮਹਾਰਾਸ਼ਟਰ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਮੌਜੂਦਾ ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਊਧਵ ਠਾਕਰੇ ਦੇ ਬੇਟੇ ਆਦਿਤਿਆ ਠਾਕਰੇ ਨੂੰ 'ਮਰਸੀਡੀਜ਼ ਬੇਬੀ' ਕਹਿ ਕੇ ਤਾਅਨਾ ਮਾਰਿਆ ਸੀ। ਉਨ੍ਹਾਂ ਕਿਹਾ ਕਿ ਉਹ ‘ਕਾਰ ਸੇਵਕਾਂ’ ਦੇ ਸੰਘਰਸ਼ ਦੀ ਕਦਰ ਨਹੀਂ ਕਰਦੇ ਜਿਨ੍ਹਾਂ ਨੇ 1990 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਅਯੁੱਧਿਆ ਵਿੱਚ ਰਾਮ ਮੰਦਰ ਲਈ ਪ੍ਰਦਰਸ਼ਨ ਕੀਤਾ ਸੀ। (PTI)
ਇਹ ਵੀ ਪੜ੍ਹੋ:Maharashtra Politics: ਏਕਨਾਥ ਸ਼ਿੰਦੇ ਨੇ ਕੀਤਾ ਵੱਡਾ ਖੁਲਾਸਾ - 'ਕਿਵੇਂ ਡਿੱਗੀ ਊਧਵ ਸਰਕਾਰ'