ਛਤਰਪਤੀ ਸੰਭਾਜੀਨਗਰ : ਮਹਾਰਾਸ਼ਟਰ ਦੇ ਛਤਰਪਤੀ ਸੰਭਾਜੀਨਗਰ 'ਚ ਪੁਲਸ ਨੇ ਚਿਲਡਰਨ ਹੋਮ ਦੇ ਨਾਂ 'ਤੇ ਬੱਚੇ ਵੇਚਣ ਵਾਲੀ ਇਕ ਸੰਸਥਾ ਦਾ ਪਰਦਾਫਾਸ਼ ਕੀਤਾ ਹੈ। ਇਸ ਸਬੰਧੀ ਪੁਲਿਸ ਨੇ ਚਾਰ ਵਿਅਕਤੀਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਦੋ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਬੱਚੇ ਨੂੰ ਵੇਚਣ ਵਾਲੀ ਮਾਂ, ਬੱਚੇ ਦੇ ਮਾਮਾ ਅਮੋਲ ਮਛਿੰਦਰ ਵਾਹੁਲ, ਅਨਾਥ ਆਸ਼ਰਮ ਦੇ ਸੰਚਾਲਕ ਦਲੀਪ ਸ਼੍ਰੀਹਰੀ ਰਾਉਤ ਅਤੇ ਉਸ ਦੀ ਪਤਨੀ ਸਵਿਤਾ ਦੇ ਖਿਲਾਫ ਜਵਾਹਰ ਨਗਰ ਪੁਲਿਸ ਸਟੇਸ਼ਨ 'ਚ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ ਦਲੀਪ ਰਾਉਤ ਅਤੇ ਸਵਿਤਾ ਦੋਵਾਂ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ ਹੈ। ਇਸ ਕੜੀ 'ਚ ਪੁਲਸ ਬੱਚੇ ਦੀ ਮਾਂ ਅਤੇ ਮਾਮੇ ਤੋਂ ਪੁੱਛਗਿੱਛ ਕਰ ਰਹੀ ਹੈ।
ਦੱਸਿਆ ਜਾਂਦਾ ਹੈ ਕਿ ਦਾਮਿਨੀ ਸਕੂਡ ਦੀ ਟੀਮ ਨੂੰ ਸੂਚਨਾ ਮਿਲੀ ਸੀ ਕਿ ਇੱਕ ਔਰਤ ਵੱਲੋਂ ਦਿੱਤਾ ਗਿਆ ਬੱਚਾ ਪੰਜ ਲੱਖ ਰੁਪਏ ਵਿੱਚ ਇੱਕ ਵਪਾਰੀ ਨੂੰ ਵੇਚਿਆ ਜਾ ਰਿਹਾ ਹੈ। ਇਸ ਆਧਾਰ ’ਤੇ ਪੁਲਿਸ ਨੇ ਕਾਰਵਾਈ ਕੀਤੀ। ਪਰ ਸਵਾਲ ਇਹ ਵੀ ਉਠ ਰਹੇ ਹਨ ਕਿ ਔਰਤ ਨੇ ਜਨਮ ਦੇਣ ਤੋਂ ਬਾਅਦ ਇਹ ਬੱਚਾ ਸਮਾਜਿਕ ਸੰਸਥਾ ਨੂੰ ਕਿਉਂ ਦਿੱਤਾ। ਮਾਮਲੇ ਵਿੱਚ ਮਹਿਲਾ ਬਾਲ ਭਲਾਈ ਕਮੇਟੀ ਨੇ ਬੱਚੇ ਨੂੰ ਭਾਰਤੀ ਸਮਾਜ ਕੇਂਦਰ ਵਿੱਚ ਰੱਖਣ ਦਾ ਫੈਸਲਾ ਕੀਤਾ ਹੈ ਅਤੇ ਜਵਾਹਰ ਨਗਰ ਪੁਲਿਸ ਵੱਲੋਂ ਅਗਲੇਰੀ ਜਾਂਚ ਕੀਤੀ ਜਾ ਰਹੀ ਹੈ।
ਦੱਸ ਦੇਈਏ ਕਿ ਇਹ ਮਾਮਲਾ ਸ਼ਿਵਸ਼ੰਕਰ ਕਾਲੋਨੀ ਸਥਿਤ ਜੀਜਾਮਾਤਾ ਬਾਲਕ ਆਸ਼ਰਮ ਵਿੱਚ ਸਾਹਮਣੇ ਆਇਆ ਹੈ। ਇਸ ਸਬੰਧੀ ਮਹਿਲਾ ਸ਼ਿਕਾਇਤ ਨਿਵਾਰਨ ਕੇਂਦਰ ਨੂੰ ਸੂਚਨਾ ਮਿਲੀ ਸੀ ਕਿ ਇੱਕ ਅਨਾਥ ਆਸ਼ਰਮ ਵਿੱਚ ਇੱਕ ਬੱਚਾ ਵੇਚਿਆ ਜਾ ਰਿਹਾ ਹੈ। ਇਸ ’ਤੇ ਮਹਿਲਾ ਸ਼ਿਕਾਇਤ ਨਿਵਾਰਨ ਅਤੇ ਪੁਲੀਸ ਦੀ ਟੀਮ ਨੇ ਅਨਾਥ ਆਸ਼ਰਮ ਵਿੱਚ ਪਹੁੰਚ ਕੇ ਨਿਰੀਖਣ ਕੀਤਾ। ਇਸ ਦੌਰਾਨ ਉੱਥੇ ਇੱਕ ਕਮਰੇ ਵਿੱਚ ਇੱਕ ਬੱਚਾ ਸੁੱਤਾ ਹੋਇਆ ਪਾਇਆ ਗਿਆ। ਅਤੇ ਬਾਲ ਘਰ ਦੇ ਸੰਚਾਲਕ ਦਲੀਪ ਦੀ ਪਤਨੀ ਸਵਿਤਾ ਬੱਚੇ ਦੇ ਕੋਲ ਬੈਠੀ ਸੀ।