ਸ਼੍ਰੀਨਗਰ: ਭਾਰਤੀ ਸਟੇਟ ਬੈਂਕ ਨੇ ਸ਼੍ਰੀਨਗਰ ਦੇ ਡਲ ਲੇਕ ਵਿੱਚ ਇੱਕ ਹਾਊਸਬੋਟ (Houseboat) ਉੱਤੇ ਇੱਕ ਫਲੋਟਿੰਗ ਏਟੀਐਮ (Floating ATM) ਖੋਲ੍ਹਿਆ ਹੈ। ਐਸਬੀਆਈ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ। ਐਸਬੀਆਈ ਨੇ ਟਵੀਟ ਕੀਤਾ ਕਿ ਉਸ ਨੇ ਸਥਾਨਕ ਲੋਕਾਂ ਅਤੇ ਸੈਲਾਨੀਆਂ ਦੀਆਂ ਜ਼ਰੂਰਤਾਂ ਦਾ ਖਿਆਲ ਰੱਖਦੇ ਹੋਏ, ਸ਼੍ਰੀਨਗਰ ਦੇ ਡਲ ਲੇਕ ਵਿੱਚ ਇੱਕ ਹਾਊਸਬੋਟ ਉੱਤੇ ਇੱਕ ਫਲੋਟਿੰਗ ਏਟੀਐਮ ਸ਼ੁਰੂ ਕੀਤਾ ਹੈ।
ਫਲੋਟਿੰਗ ਏਟੀਐਮ ਦਾ ਉਦਘਾਟਨ ਐਸਬੀਆਈ ਦੇ ਚੇਅਰਮੈਨ ਦਿਨੇਸ਼ ਖਰੇ ਨੇ 16 ਅਗਸਤ ਨੂੰ ਕੀਤਾ ਸੀ। ਪ੍ਰਸਿੱਧ ਡਲ ਝੀਲ ਵਿੱਚ ਫਲੋਟਿੰਗ ਏਟੀਐਮ ਲੰਮੇ ਸਮੇਂ ਦੀ ਲੋੜ ਪੂਰੀ ਹੋਵੇਗੀ ਅਤੇ ਸ਼੍ਰੀਨਗਰ ਆਉਣ ਵਾਲੇ ਸੈਲਾਨੀਆਂ ਲਈ ਇੱਕ ਹੋਰ ਖਿੱਚ ਦਾ ਕੇਂਦਰ ਹੋਵੇਗਾ।