ਹੈਦਰਾਬਾਦ: ਸੋਸ਼ਲ ਮੀਡੀਆ ਦੀ ਦੁਨੀਆ ਤੋਂ ਵੱਡੀ ਖ਼ਬਰ ਇਹ ਹੈ ਕਿ ਟਵਿਟਰ (Twitter) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (CEO) ਜੈਕ ਡੋਰਸੀ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ (CEO Jack Dorsey resigns) ਦੇ ਦਿੱਤਾ ਹੈ।
ਹੁਣ ਉਨ੍ਹਾਂ ਦੀ ਜਗ੍ਹਾ ਪਰਾਗ ਅਗਰਵਾਲ ਟਵਿਟਰ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ (Parag Aggarwal Chief Executive Officer of Twitter) ਹੋਣਗੇ। ਜੈਕ ਡੋਰਸੀ ਕੰਪਨੀ ਦੀ ਕਮਾਨ ਆਪਣੇ ਉਤਰਾਧਿਕਾਰੀ ਪਰਾਗ ਨੂੰ ਸੌਂਪਣਗੇ। ਇਹ ਫੈਸਲਾ ਟਵਿੱਟਰ ਵੱਲੋਂ ਪਿਛਲੇ ਇੱਕ ਸਾਲ ਵਿੱਚ ਆਪਣੇ ਵਿਰੋਧੀਆਂ ਨੂੰ ਟੱਕਰ ਦੇਣ ਲਈ ਕਈ ਕਾਢਾਂ ਤੋਂ ਬਾਅਦ ਲਿਆ ਗਿਆ ਹੈ।
ਜਾਣਕਾਰੀ ਮੁਤਾਬਕ ਟਵਿੱਟਰ ਨੇ ਫੇਸਬੁੱਕ ਅਤੇ ਟਿੱਕਟੋਕ (Facebook and TickTok) ਵਰਗੇ ਮੁਕਾਬਲੇਬਾਜ਼ਾਂ ਨਾਲ ਬਾਜ਼ਾਰ 'ਚ ਬਣੇ ਰਹਿਣ ਅਤੇ 2023 ਤੱਕ ਆਪਣੀ ਸਾਲਾਨਾ ਆਮਦਨ ਦੁੱਗਣੀ ਕਰਨ ਦਾ ਟੀਚਾ ਹਾਸਲ ਕਰਨ ਲਈ ਕਈ ਨਵੇਂ ਉਪਾਅ ਕੀਤੇ ਹਨ।
ਟਵਿੱਟਰ ਦੁਆਰਾ ਇੱਕ ਪੱਤਰ ਜਾਰੀ ਕੀਤਾ ਗਿਆ ਹੈ। ਇਸ ਵਿਚ ਡੋਰਸੀ ਨੇ ਕਿਹਾ ਕਿ ਉਨ੍ਹਾਂ ਨੇ ਕੰਪਨੀ ਵਿਚ ਕਈ ਅਹੁਦਿਆਂ 'ਤੇ ਜ਼ਿੰਮੇਵਾਰੀ ਨਿਭਾਈ ਹੈ। ਉਸਨੇ ਪਹਿਲੇ ਸਹਿ-ਸੰਸਥਾਪਕ ਤੋਂ ਸੀਈਓ ਦੀ ਭੂਮਿਕਾ ਨਿਭਾਈ। ਫਿਰ ਚੇਅਰਮੈਨ ਦਾ ਅਹੁਦਾ ਸੰਭਾਲਿਆ। ਇਸ ਤੋਂ ਬਾਅਦ ਕਾਰਜਕਾਰੀ ਚੇਅਰਮੈਨ, ਤਦ ਅੰਤਰਿਮ ਸੀ.ਈ.ਓ. ਦੇ ਅਹੁਦੇ 'ਤੇ ਰਿਹਾ।
ਫਿਰ ਲਗਭਗ 16 ਸਾਲ ਸੀਈਓ ਵਜੋਂ ਕੰਮ ਕੀਤਾ ਪਰ ਹੁਣ ਮੈਂ ਫੈਸਲਾ ਕੀਤਾ ਹੈ ਕਿ ਕੰਪਨੀ ਨੂੰ ਅਲਵਿਦਾ ਕਹਿਣ ਦਾ ਸਮਾਂ ਆ ਗਿਆ ਹੈ। ਇਸ ਲਈ ਮੇਰੇ ਉੱਤਰਾਧਿਕਾਰੀ ਅਰਥਾਤ ਪਰਾਗ ਅਗਰਵਾਲ ਹੁਣ ਸਾਡੇ ਨਵੇਂ ਸੀ.ਈ.ਓ. ਹੋਣਗੇ।