ਦੇਹਰਾਦੂਨ:3 ਅਪ੍ਰੈਲ ਨੂੰ ਚੀਨ ਦੀ ਸਰਹੱਦ 'ਤੇ ਦੇਸ਼ ਦੀ ਰੱਖਿਆ ਕਰਦੇ ਹੋਏ ਉਤਰਾਖੰਡ ਦਾ ਇੱਕ ਹੋਰ ਜਵਾਨ ਸ਼ਹੀਦ ਹੋ ਗਿਆ। ਦੇਹਰਾਦੂਨ ਦਾ ਰਹਿਣ ਵਾਲਾ ਟੀਕਮ ਸਿੰਘ ਨੇਗੀ ਪੂਰਬੀ ਲੱਦਾਖ ਦੇ ਉੱਤਰੀ ਸਬ ਸੈਕਟਰ ਵਿੱਚ ਤਾਇਨਾਤ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਉਹ ਇਕ ਵਿਸ਼ੇਸ਼ ਮਿਸ਼ਨ ਦੌਰਾਨ ਸ਼ਹੀਦ ਹੋਏ ਸਨ। ਉਨ੍ਹਾਂ ਦੀ ਮ੍ਰਿਤਕ ਦੇਹ ਭਲਕੇ ਦੇਹਰਾਦੂਨ ਲਿਆਂਦੀ ਜਾਵੇਗੀ।
ਜਾਣਕਾਰੀ ਮੁਤਾਬਕ ਟੀਕਮ ਸਿੰਘ ਨੇਗੀ ਦਾ ਪਰਿਵਾਰ ਦੇਹਰਾਦੂਨ ਜ਼ਿਲੇ ਦੇ ਰਜ਼ਾਵਾਲਾ ਸਾਹਸਪੁਰ 'ਚ ਰਹਿੰਦਾ ਹੈ। ਸ਼ਹੀਦ ਟੀਕਮ ਸਿੰਘ ਨੇਗੀ ਆਈਟੀਬੀਪੀ ਵਿੱਚ ਅਸਿਸਟੈਂਟ ਕਮਾਂਡੈਂਟ ਦੇ ਅਹੁਦੇ ’ਤੇ ਸਨ। ਇਨ੍ਹੀਂ ਦਿਨੀਂ ਉਨ੍ਹਾਂ ਦੀ ਪੋਸਟਿੰਗ ਪੂਰਬੀ ਲੱਦਾਖ ਦੇ ਉੱਤਰੀ ਸਬ ਸੈਕਟਰ 'ਚ ਸੀ। ਇਸ ਸਮੇਂ ਉਹ ਭਾਰਤ-ਚੀਨ ਸਰਹੱਦ 'ਤੇ ਚੱਲ ਰਹੇ ਵਿਸ਼ੇਸ਼ ਮਿਸ਼ਨ 'ਤੇ ਤਾਇਨਾਤ ਸੀ ਪਰ 3 ਅਪ੍ਰੈਲ ਨੂੰ ਉਸ ਦੀ ਮੌਤ ਹੋ ਗਈ। ਆਈ.ਟੀ.ਬੀ.ਪੀ. ਦੇ ਅਧਿਕਾਰੀਆਂ ਨੇ ਫੋਨ 'ਤੇ ਟੀਕਮ ਸਿੰਘ ਨੇਗੀ ਦੀ ਸ਼ਹਾਦਤ ਬਾਰੇ ਪਰਿਵਾਰਕ ਮੈਂਬਰਾਂ ਨੂੰ ਜਾਣਕਾਰੀ ਦਿੱਤੀ।