ਗੁਹਾਟੀ: ਭਾਰਤੀ ਚਾਹ ਉਦਯੋਗ ਦੀ ਬਰਾਮਦ ਨਿਰਯਾਤ 'ਚ ਮੰਦੀ ਦਾ ਸਾਹਮਣਾ ਕਰ ਰਹੀ ਹੈ। 2021 ਵਿੱਚ 3 ਤੋਂ 4 ਮਿਲੀਅਨ ਕਿਲੋਗ੍ਰਾਮ ਘਟ ਸਕਦੀ ਹੈ। ਇਸਦਾ ਮੁੱਖ ਕਾਰਨ ਗਲੋਬਲ ਬਾਜ਼ਾਰਾਂ ਵਿੱਚ ਘੱਟ ਕੀਮਤ ਵਾਲੀਆਂ ਚਾਹ ਕਿਸਮਾਂ ਦੀ ਉਪਲੱਬਧਤਾ ਅਤੇ ਉਨ੍ਹਾਂ ਦੇਸ਼ਾਂ ਵਿੱਚ ਵਪਾਰ 'ਤੇ ਚੱਲ ਰਹੀਆਂ ਪਾਬੰਦੀਆਂ ਜੋ ਮਜ਼ਬੂਤ ਪ੍ਰਤੀਬੰਦ ਹੈ।
ਚਾਹ ਉਦਯੋਗ ਨਾਲ ਜੁੜੇ ਸੂਤਰਾਂ ਨੇ ਦੱਸਿਆ ਕਿ ਕੋਵਿਡ -19 ਮਹਾਂਮਾਰੀ ਦੇ ਕਾਰਨ ਵਿਸ਼ਵ ਦੇ ਬਹੁਤੇ ਦੇਸ਼ਾਂ ਵਿੱਚ ਆਰਥਿਕ ਮੰਦੀ ਦੇ ਕਾਰਨ ਨਿਰਯਾਤ ਪ੍ਰਭਾਵਿਤ ਹੋਇਆ ਹੈ। ਚਾਹ ਬੋਰਡ ਦੇ ਅੰਕੜਿਆਂ ਅਨੁਸਾਰ ਜਨਵਰੀ-ਮਾਰਚ, 2021 ਵਿਚ ਚਾਹ ਦਾ ਨਿਰਯਾਤ ਜਨਵਰੀ-ਮਾਰਚ, 2020 ਦੇ ਮੁਕਾਬਲੇ 13.23 ਪ੍ਰਤੀਸ਼ਤ ਘੱਟ ਹੈ ਅਤੇ ਸਾਲ 2019 ਦੀ ਇਸ ਮਿਆਦ ਦੇ ਮੁਕਾਬਲੇ 29.03 ਪ੍ਰਤੀਸ਼ਤ ਘੱਟ ਹੈ।
ਬੋਰਡ ਨੇ ਕਿਹਾ ਕਿ 2021 ਦੇ ਪਹਿਲੇ ਤਿੰਨ ਮਹੀਨਿਆਂ ਵਿੱਚ ਭਾਰਤੀ ਚਾਹ ਦੀ ਬਰਾਮਦ ਕੁੱਲ 48.6 ਮਿਲੀਅਨ ਕਿਲੋਗ੍ਰਾਮ ਸੀ। ਜੋ ਸਾਲ 2020 ਦੀ ਇਸੇ ਮਿਆਦ ਵਿੱਚ 5.85 ਕਰੋੜ ਕਿਲੋਗ੍ਰਾਮ ਅਤੇ 2019 ਵਿਚ 6.62 ਕਰੋੜ ਕਿਲੋਗ੍ਰਾਮ ਸੀ। ਪਿਛਲੇ ਤਿੰਨ ਸਾਲਾਂ ਦੌਰਾਨ, ਉੱਤਰੀ ਭਾਰਤ ਦੇ ਰਾਜਾਂ ਦੀ ਚਾਹ ਦੀ ਬਰਾਮਦ ਦੱਖਣੀ ਭਾਰਤ ਦੇ ਮੁਕਾਬਲੇ ਇੱਕ ਵੱਡੇ ਅਨੁਪਾਤ ਵਿੱਚ ਘੱਟ ਗਈ ਹੈ।
ਬੋਰਡ ਦੇ ਅਨੁਸਾਰ ਜਨਵਰੀ-ਅਪ੍ਰੈਲ, 2021 ਦੇ ਦੌਰਾਨ ਉੱਤਰ ਭਾਰਤ ਦੇ ਰਾਜਾਂ ਦੀ ਬਰਾਮਦ ਪਿਛਲੇ ਸਾਲ ਦੀ ਇਸੇ ਮਿਆਦ ਦੇ ਮੁਕਾਬਲੇ 17.83 ਪ੍ਰਤੀਸ਼ਤ ਅਤੇ 2019 ਦੀ ਇਸੇ ਮਿਆਦ ਦੇ ਮੁਕਾਬਲੇ 31.04 ਪ੍ਰਤੀਸ਼ਤ ਘੱਟ ਗਈ ਹੈ। ਗੁਹਾਟੀ ਚਾਹ ਆਕਸ਼ਨ ਖਰੀਦਦਾਰ ਐਸੋਸੀਏਸ਼ਨ ਦੇ ਸੈਕਟਰੀ ਦਿਨੇਸ਼ ਬਿਹਾਨੀ ਨੇ ਕਿਹਾ ਕਿ ਕੀਨੀਆ ਦੁਆਰਾ ਨਿਲਾਮੀ ਕੀਤੀ ਗਈ ਚਾਹ ਦੀ ਕੀਮਤ 2 ਅਮਰੀਕੀ ਡਾਲਰ ਪ੍ਰਤੀ ਕਿਲੋਗ੍ਰਾਮ ਤੋਂ ਘੱਟ ਹੈ ਜੋ ਇੱਥੇ ਸਾਡੀ ਨਿਲਾਮੀ ਦੇ ਪ੍ਰਤੀਸ਼ਤ ਕੀਮਤ ਤੋਂ ਵੀ ਘੱਟ ਹੈ।
ਉਨ੍ਹਾਂ ਕਿਹਾ ਕਿ ਕੀਨੀਆ ਦੀ ਚਾਹ 1.8 ਅਮਰੀਕੀ ਡਾਲਰ ਵਿੱਚ ਉੱਪਲਬਧ ਹੈ ਜੋ 130-135 ਰੁਪਏ ਪ੍ਰਤੀ ਕਿਲੋ ਪੈਂਦੀ ਹੈ। ਭਾਰਤੀ ਚਾਹ ਦੀ ਔਸਤਨ ਕੀਮਤ 200 ਤੋਂ 210 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੈ। ਇੱਕ ਹੋਰ ਚਾਹ ਉਦਯੋਗ ਨੇ ਕਿਹਾ ਕਿ ਕੀਨੀਆ ਅਤੇ ਸ੍ਰੀਲੰਕਾ ਵਿੱਚ ਘਰੇਲੂ ਚਾਹ ਦੀ ਖਪਤ ਦੀ ਮੰਗ ਬਹੁਤ ਘੱਟ ਹੈ ਕਿਉਂਕਿ ਉਨ੍ਹਾਂ ਕੋਲ ਵਧੇਰੇ ਚਾਹ ਬਰਾਮਦ ਲਈ ਉਪਲਬਧ ਹੈ।
ਚਾਹ ਬੋਰਡ ਦੁਆਰਾ ਪ੍ਰਕਾਸ਼ਤ ਸਾਲ 2018 ਦੇ 'ਘਰੇਲੂ ਖਪਤ' ਤੇ ਅਧਿਐਨ ਦੇ ਕਾਰਜਕਾਰੀ ਸੰਖੇਪ ਦੇ ਅਨੁਸਾਰ ਭਾਰਤ ਵਿੱਚ ਤਿਆਰ ਕੀਤੀ ਜਾਂਦੀ ਚਾਹ ਦਾ 80 ਪ੍ਰਤੀਸ਼ਤ ਚਾਹ ਘਰੇਲੂ ਖ਼ਪਤ ਲਈ ਵੇਚਿਆ ਜਾਂਦਾ ਹੈ।
ਇਹ ਵੀ ਪੜੋ:ਬੈਂਕਾਂ ਨੂੰ RBI ਦੀਆਂ ਹਦਾਇਤਾਂ, ਲੀਬੋਰ ਦੀ ਬਜਾਏ ਅਪਣਾਓ ਵਿਕਲਪਿਕ ਰੈਫ਼ਰੈਂਸ ਰੇਟ
