ਸ਼੍ਰੀਨਗਰ: ਪੁਲਿਸ ਨੇ ਤਕਨੀਕੀ ਸੂਚਨਾ ਦੇ ਆਧਾਰ 'ਤੇ ਇਕ ਵਿਅਕਤੀ ਨੂੰ ਗ੍ਰਿਫਤਾਰ ਕੀਤਾ ਹੈ। ਉਸ ਦੀ ਪਛਾਣ ਜ਼ਾਹਿਦ ਅਹਿਮਦ ਮੀਰ ਵਜੋਂ ਹੋਈ ਹੈ। ਉਹ ਅਰੀਪਨਾਥ ਬੀਰਵਾਹ ਬਡਗਾਮ ਦਾ ਰਹਿਣ ਵਾਲਾ ਹੈ। ਪੁਲਿਸ ਨੇ ਕਿਹਾ, 'ਜਾਂਚ ਦੌਰਾਨ ਉਸ ਨੇ ਆਈਈਡੀ ਸਮੱਗਰੀ ਨੂੰ ਲੁਕਾਉਣ ਦਾ ਖੁਲਾਸਾ ਕੀਤਾ ਸੀ। ਉਸ ਦੇ ਇਸ਼ਾਰੇ 'ਤੇ ਪੁਲਿਸ ਟੀਮ ਨੇ ਪੀ-3 ਕਿਸਮ ਦਾ ਵਿਸਫੋਟਕ ਬਰਾਮਦ ਕੀਤਾ ਹੈ।
ਇਹ ਵੀ ਪੜੋ:Presidential Election 2022: ਜਾਣੋ, ਵੋਟ ਦਾ ਕੀ ਹੈ ਮੁੱਲ, ਕਿਸ ਸੂਬੇ ਦੀ ਵੋਟ ਦੀ ਕੀਮਤ ਸਭ ਤੋਂ ਵੱਧ...
ਇਸ ਦਾ ਭਾਰ ਲਗਭਗ 6 ਕਿਲੋ ਹੈ। ਇਸ ਤੋਂ ਇਲਾਵਾ ਇਕ ਇਲੈਕਟ੍ਰਿਕ ਡੈਟੋਨੇਟਰ ਅਤੇ ਕਰੀਬ 500 ਗ੍ਰਾਮ ਬਾਲ ਬੇਅਰਿੰਗ ਬਰਾਮਦ ਕੀਤੇ ਗਏ ਹਨ। ਇਸ ਸਬੰਧ ਵਿਚ ਪੁਲਿਸ ਨੇ ਕਿਹਾ, 'ਇਹ ਬਾਲ ਬੇਅਰਿੰਗ ਅਤੇ ਨਹੁੰ ਧਮਾਕੇ ਵਿਚ ਸ਼ਰੇਪਨਲ ਵਜੋਂ ਵਰਤੇ ਗਏ ਸਨ। ਇਹ ਧਮਾਕਾ ਰਾਸ਼ਟਰੀ ਰਾਜਮਾਰਗ 'ਤੇ ਲਾਲ ਪੈਟਰੋਲ ਪੰਪ ਨੇੜੇ ਸ਼ਾਮ ਨੂੰ ਹੋਇਆ। ਵਿਸਫੋਟਕ ਸਮੱਗਰੀ ਬਰਾਮਦ ਕੀਤੀ ਗਈ ਹੈ। ਇਹ ਧਮਾਕਾਖੇਜ਼ ਸਮੱਗਰੀ ਰਾਸ਼ਟਰੀ ਰਾਜਮਾਰਗ 'ਤੇ ਤਾਇਨਾਤ ਸੁਰੱਖਿਆ ਬਲਾਂ ਨੂੰ ਨਿਸ਼ਾਨਾ ਬਣਾਉਣ ਲਈ ਸੀ।
ਆਈਈਡੀ ਨੂੰ ਵਿਸਫੋਟਕ ਸਮੱਗਰੀ ਤੋਂ ਬਣਾਇਆ ਜਾਣਾ ਸੀ। ਇਸ ਦੌਰਾਨ ਪੁਲਿਸ ਨੇ ਇਸ ਸਬੰਧ ਵਿੱਚ ਬਟਾਮਲੂ ਥਾਣੇ ਵਿੱਚ ਯੂਏਪੀਏ ਦੀ ਧਾਰਾ 13, 23, 38, 39 ਅਤੇ ਵਿਸਫੋਟਕ ਪਦਾਰਥ ਐਕਟ ਦੀਆਂ ਧਾਰਾਵਾਂ 3/5 ਦੇ ਤਹਿਤ ਮਾਮਲਾ ਦਰਜ ਕੀਤਾ ਹੈ।
ਇਹ ਵੀ ਪੜੋ:ਹਵਾਈ ਯਾਤਰਾ: ਸੁਰੱਖਿਆ ਨੂੰ ਲੈ ਕੇ ਕਿਉਂ ਉੱਠ ਰਹੇ ਹਨ ਸਵਾਲ ?
