ਜੈਪੁਰ:ਇੰਟੈਲੀਜੈਂਸ ਦੇ ਡਾਇਰੈਕਟਰ ਉਮੇਸ਼ ਮਿਸ਼ਰਾ ਦੇ ਮੁਤਾਬਿਕ ਗ੍ਰਿਫ਼ਤਾਰ ਕੀਤਾ ਗਿਆ ਕਰਮਚਾਰੀ ਪਾਕਿਸਤਾਨੀ ਗੁਪਤਚਰ ਏਜੰਸੀ ਦੀ ਮਹਿਲਾ ਏਜੰਟ ਦੇ ਹਨੀਟਰੈਪ (honey trap) ਵਿੱਚ ਫਸਕੇ ਭਾਰਤੀ ਫੌਜ (indian army)ਦੇ ਗੁਪਤ ਦਸਤਾਵੇਜਾਂ ਦੀ ਫੋਟੋ ਖਿੱਚ ਕੇ ਵਾਟਸ ਐਪ ਦੇ ਜਰੀਏ ਪਾਕਿਸਤਾਨੀ ਹੈਂਡਲਰ ਨੂੰ ਭੇਜਦਾ ਸੀ।
ਅਧਿਕਾਰੀ ਦੇ ਅਨੁਸਾਰ ਜੈਪੁਰ ਸਥਿਤ ਰੇਲਵੇ ਡਾਕ ਸੇਵਾ ਦੇ ਐਮ.ਟੀ.ਐਸ ਮੁਲਾਜ਼ਮ ਭਰਤ ਬਾਵਰੀ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਐਮ.ਟੀ.ਐਸ ਕਰਮੀ ਭਰਤ ਬਾਵਰੀ ਨੂੰ ਮਿਲਟਰੀ ਇੰਟੈਲੀਜੈਂਸ ਦੱਖਣੀ ਕਮਾਨ ਅਤੇ ਸਟੇਟ ਇੰਟੈਲੀਜੈਂਸ ਨੇ ਸੰਯੁਕਤ ਕਾਰਵਾਈ ਕਰਦੇ ਹੋਏ ਗ੍ਰਿਫ਼ਤਾਰ ਕੀਤਾ ਹੈ।ਮੁਲਜ਼ਮ ਤੋਂ ਪੁੱਛਗਿਛ ਕੀਤੀ ਜਾ ਰਹੀ ਹੈ।
ਹੁਣ ਤੱਕ ਦੀ ਪੁੱਛਗਿਛ ਵਿੱਚ ਇਹ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮ ਭਰਤ ਬਾਵਰੀ ਮੂਲ ਰੂਪ ਵਿਚ ਜੋਧਪੁਰ ਜਿਲ੍ਹੇ ਦੇ ਪਿੰਡ ਖੇੜਾਪਾ ਦਾ ਰਹਿਣ ਵਾਲਾ ਹੈ। 3 ਸਾਲ ਪਹਿਲਾਂ ਹੀ ਐਮ ਟੀ ਐਸ ਪਰੀਖਿਆ ਦੇ ਤਹਿਤ ਰੇਲਵੇ ਡਾਕ ਵਿਭਾਗ ਜੈਪੁਰ ਸਥਿਤ ਦਫ਼ਤਰ ਵਿੱਚ ਉਹ ਨੌਕਰੀ ਲੱਗਿਆ ਸੀ।
ਜੈਪੁਰ ਰੇਲਵੇ ਡਾਕ ਸਰਵਸ (Railway Postal Service) ਦਫ਼ਤਰ ਵਿੱਚ ਆਉਣ-ਜਾਣ ਵਾਲੀ ਡਾਕ ਦੀ ਛਾਂਟੀ ਕਰਨ ਦਾ ਕਾਰਜ ਭਰਤ ਕਰਦਾ ਸੀ । ਕਰੀਬ 4 -5 ਮਹੀਨੇ ਪਹਿਲਾਂ ਉਸਦੇ ਮੋਬਾਇਲ ਦੇ ਫੇਸਬੁਕ ਮੈਸੇਂਜਰ ਉੱਤੇ ਇੱਕ ਮਹਿਲਾ ਦਾ ਮੈਸੇਜ ਆਇਆ। ਕੁੱਝ ਦਿਨਾਂ ਬਾਅਦ ਦੋਨਾਂ ਵਾਟਸ ਐਪ ਉੱਤੇ ਵਾਈਸ ਕਾਲ ਅਤੇ ਵੀਡੀਓ ਕਾਲ ਦੁਆਰਾ ਗੱਲਾਂ ਕਰਨ ਲੱਗੇ। ਛਦਮ ਨਾਮ ਦੀ ਮਹਿਲਾ ਨੇ ਭਰਤ ਨੂੰ ਦੱਸਿਆ ਕਿ ਉਹ ਪੋਰਟ ਬਲੇਅਰ ਵਿੱਚ ਨਰਸਿੰਗ ਤੋਂ ਬਾਅਦ ਐਮ ਬੀ ਬੀ ਐਸ ਦੀ ਤਿਆਰੀ ਕਰ ਰਹੀ ਹੈ।