ਭੀਲਵਾੜਾ: ਸ਼ਹਿਰ ਦੇ ਮਿਊਂਸੀਪਲ ਡਿਵੈਲਪਮੈਂਟ ਟਰੱਸਟ ਦੇ ਸਾਹਮਣੇ ਆਪਣੇ ਜਾਣਕਾਰ ਨਾਲ ਗੱਲ ਕਰ ਰਹੇ ਇਕ ਆਟੋ ਮੋਬਾਈਲ ਕੰਪਨੀ ਦੇ ਮੈਨੇਜਰ ਨੂੰ ਪ੍ਰਾਈਵੇਟ ਬੱਸ ਨੇ ਟੱਕਰ ਮਾਰ ਦਿੱਤੀ। ਬੱਸ ਨੌਜਵਾਨ ਨੂੰ ਕਰੀਬ 20 ਫੁੱਟ ਤੱਕ ਘਸੀਟਦੀ ਹੋਈ ਲੈ ਗਈ। ਹਾਦਸੇ 'ਚ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਸ ਘਟਨਾ ਦੀ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਸੁਭਾਸ਼ਨਗਰ ਪੁਲਸ ਨੇ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਵਾਰਸਾਂ ਹਵਾਲੇ ਕਰ ਦਿੱਤੀ।
ਸੁਭਾਸ਼ਨਗਰ ਥਾਣਾ ਇੰਚਾਰਜ ਪੁਸ਼ਪਾ ਕਨਸੋਤੀਆ ਮੁਤਾਬਕ ਰਾਮਸਵਰੂਪ ਜਾਟ ਸ਼ਹਿਰ ਦੀ ਇਕ ਆਟੋ ਮੋਬਾਈਲ ਕੰਪਨੀ ਵਿਚ ਮੈਨੇਜਰ ਸੀ। ਨੌਜਵਾਨ ਮੰਗਲਵਾਰ ਸ਼ਾਮ ਨੂੰ ਯੂਆਈਟੀ ਦਫ਼ਤਰ ਨੇੜੇ ਸੜਕ ’ਤੇ ਆਪਣੇ ਦੋਸਤ ਨਾਲ ਗੱਲ ਕਰ ਰਿਹਾ ਸੀ। ਦੋਸਤ ਕਾਰ 'ਚ ਬੈਠਾ ਸੀ ਤੇ ਉਹ ਸੜਕ 'ਤੇ ਖੜ੍ਹਾ ਸੀ। ਇਸ ਦੌਰਾਨ ਪਿੱਛੇ ਤੋਂ ਤੇਜ਼ ਰਫ਼ਤਾਰ ਨਾਲ ਆ ਰਹੀ ਪ੍ਰੋਸੈਸ ਹਾਊਸ ਦੀ ਇੱਕ ਨਿੱਜੀ ਬੱਸ ਨੇ ਉਸ ਨੂੰ ਫੜ੍ਹ ਲਿਆ। ਇਸ ਤੋਂ ਬਾਅਦ ਵੀ ਡਰਾਈਵਰ ਨੇ ਬੱਸ ਨਹੀਂ ਰੋਕੀ।
ਤੇਜ਼ ਰਫ਼ਤਾਰ ਬੱਸ ਨੇ ਕੁਚਲਿਆ ਨੌਜਵਾਨ