ਅਹਿਮਦਾਬਾਦ: ਗੁਜਰਾਤ ਦੇ ਵਿਧਾਇਕ ਜਿਗਨੇਸ਼ ਮੇਵਾਨੀ ਨੂੰ ਬੁੱਧਵਾਰ ਦੇਰ ਰਾਤ ਅਸਾਮ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੱਸ ਦੇਈਏ ਕਿ ਮੇਵਾਨੀ ਨੇ ਸਤੰਬਰ 2021 ਵਿੱਚ ਕਾਂਗਰਸ ਦਾ ਸਮਰਥਨ ਕੀਤਾ ਸੀ। ਆਸਾਮ ਪੁਲਿਸ ਨੇ ਮੇਵਾਨੀ ਨੂੰ ਬੀਤੀ ਦੇਰ ਰਾਤ ਗੁਜਰਾਤ ਦੇ ਪਾਲਨਪੁਰ ਦੇ ਇੱਕ ਸਰਕਟ ਹਾਊਸ ਤੋਂ ਗ੍ਰਿਫਤਾਰ ਕੀਤਾ ਸੀ ਅਤੇ ਬੀਤੀ ਰਾਤ ਹੀ ਉਸਨੂੰ ਅਹਿਮਦਾਬਾਦ ਲਿਜਾਇਆ ਗਿਆ ਸੀ। ਜਿੱਥੋਂ ਅੱਜ ਯਾਨੀ ਵੀਰਵਾਰ ਸਵੇਰੇ ਹੀ ਇਸ ਨੂੰ ਆਸਾਮ ਲੈ ਗਿਆ।
ਹਾਲਾਂਕਿ ਦਲਿਤ ਨੇਤਾ ਅਤੇ ਸਿਆਸੀ ਪਾਰਟੀ ਰਾਸ਼ਟਰੀ ਦਲਿਤ ਅਧਿਕਾਰ ਮੰਚ ਦੇ ਕਨਵੀਨਰ ਮੇਵਾਨੀ ਦੀ ਗ੍ਰਿਫਤਾਰੀ ਦਾ ਕਾਰਨ ਅਜੇ ਸਪੱਸ਼ਟ ਨਹੀਂ ਹੋ ਸਕਿਆ ਹੈ। ਪਰ ਜਿਗਨੇਸ਼ ਮੇਵਾਨੀ ਦੇ ਟਵਿੱਟਰ ਅਕਾਉਂਟ ਤੋਂ ਪਤਾ ਚੱਲਦਾ ਹੈ ਕਿਹਾਲ ਹੀ ਵਿੱਚ ਕੀਤੇ ਗਏ ਕੁਝ ਟਵੀਟਸ ਦੇ ਖ਼ਿਲਾਫ਼ ਕਾਰਵਾਈ ਹੋ ਰਹੀ ਹੈ। ਮੇਵਾਨੀ ਦੇ ਸਹਿਯੋਗੀਆਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਜੇ ਤੱਕ ਐਫਆਈਆਰ ਜਾਂ ਪੁਲਿਸ ਕੇਸ ਦੀ ਕਾਪੀ ਨਹੀਂ ਮਿਲੀ ਹੈ। ਟਵਿੱਟਰ ਨੇ ਭਾਰਤ 'ਚ ਉਸ ਵੱਲੋਂ ਕੀਤੇ ਗਏ ਦੋ ਟਵੀਟ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।