ਗਯਾ/ਬਿਹਾਰ:ਬਿਹਾਰ ਦੇ ਗਯਾ ਵਿੱਚ ਇੱਕ ਮਾਲ ਗੱਡੀ ਇੱਕ ਬਜ਼ੁਰਗ ਵਿਅਕਤੀ ਦੇ ਉੱਪਰੋਂ ਲੰਘ ਗਈ, ਪਰ ਉਸ ਦਾ ਵਾਲ ਵੀ ਵਿੰਗਾ ਨਹੀਂ ਹੋਇਆ। ਉਹ ਮੌਕੇ ਉੱਤੇ ਆਪਣੇ ਵਲੋਂ ਵਰਤੀ ਸੂਝ-ਬੂਝ ਕਾਰਨ ਪੂਰੀ ਤਰ੍ਹਾਂ ਸੁਰੱਖਿਅਤ ਰਿਹਾ ਹੈ। ਦਰਅਸਲ, ਗਯਾ-ਕੋਡਰਮਾ ਰੇਲ ਸੈਕਸ਼ਨ ਦੇ ਫਤਿਹਪੁਰ ਬਲਾਕ ਦੇ ਅਧੀਨ ਪਹਾੜਪੁਰ ਸਟੇਸ਼ਨ 'ਤੇ ਇਕ ਮਾਲ ਗੱਡੀ ਖੜ੍ਹੀ ਸੀ। ਬਜ਼ੁਰਗ ਨੇ ਪਟੜੀ ਤੋਂ ਪਾਰ ਜਾਣਾ ਸੀ, ਇਸ ਲਈ ਉਹ ਰੇਲਗੱਡੀ ਦੇ ਹੇਠਾਂ ਵੜ ਕੇ ਪਾਰ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਇਸ ਦੌਰਾਨ ਐਲਾਨ ਤੋਂ ਬਾਅਦ ਮਾਲ ਗੱਡੀ ਅਚਾਨਕ ਚਲ ਪਈ। ਉੱਥੇ ਮੌਜੂਦ ਲੋਕਾਂ ਨੇ ਬਜ਼ੁਰਗ ਨੂੰ ਟਰੈਕ 'ਤੇ ਲੇਟਣ ਲਈ ਕਿਹਾ, ਜਿਸ ਤੋਂ ਬਾਅਦ ਉਹ ਖੁਦ ਟਰੈਕ 'ਤੇ ਲੇਟ ਗਿਆ। ਇਸ ਕਾਰਨ ਉਸ ਦੀ ਜਾਨ ਬਚ ਗਈ।
ਰੇਲਗੱਡੀ ਲੰਘ ਗਈ, ਪਰ ਬਜ਼ੁਰਗ ਨੂੰ ਰਗੜ ਵੀ ਨਹੀਂ ਆਈ :ਮਾਲ ਗੱਡੀ ਅਚਾਨਕ ਚੱਲਣ ਨਾਲ ਬਜ਼ੁਰਗ ਪੂਰੀ ਤਰ੍ਹਾਂ ਨਾਲ ਹੱਕਾ-ਬੱਕਾ ਰਹਿ ਗਿਆ। ਇਸ ਦੌਰਾਨ ਉੱਥੇ ਮੌਜੂਦ ਲੋਕਾਂ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਕਹਿਣ ਲੱਗਾ ਬਾਬਾ ਟ੍ਰੈਕ 'ਤੇ ਲੇਟ ਜਾਓ, ਕੁਝ ਨਹੀਂ ਹੋਵੇਗਾ। ਬੁੱਢੇ ਨੇ ਵੀ ਸਮਝਦਾਰੀ ਦਿਖਾਈ ਅਤੇ ਬਿਨਾਂ ਦੇਰੀ ਕੀਤੇ ਟਰੈਕ 'ਤੇ ਲੇਟ ਗਿਆ। ਇਸ ਦੌਰਾਨ ਰੇਲ ਗੱਡੀ ਅੱਗੇ ਵਧੀ ਅਤੇ ਫਿਰ ਇਕ ਤੋਂ ਬਾਅਦ ਇਕ ਸਾਰੀਆਂ ਬੋਗੀਆਂ ਉਸ ਦੇ ਉਪਰੋਂ ਲੰਘ ਗਈਆਂ, ਪਰ ਹੈਰਾਨੀ ਦੀ ਗੱਲ ਹੈ ਕਿ ਬਜ਼ੁਰਗ ਨੂੰ ਇਕ ਝਰੀਟ ਵੀ ਨਹੀਂ ਲੱਗੀ।