Allegations Not Proved: ਗਾਜ਼ੀਆਬਾਦ 'ਚ ਕੁਮਾਰ ਵਿਸ਼ਵਾਸ ਦੇ ਕਾਫਲੇ 'ਤੇ ਹਮਲਾ ਦਾ ਮਾਮਲਾ, ਪੁਲਿਸ ਦੀ ਜਾਂਚ 'ਚ ਸਾਹਮਣੇ ਆਈ ਇੱਕ ਵੱਖਰੀ ਕਹਾਣੀ

ਗਾਜ਼ੀਆਬਾਦ 'ਚ ਕਵੀ ਕੁਮਾਰ ਵਿਸ਼ਵਾਸ ਨੇ ਸੋਸ਼ਲ ਮੀਡੀਆ ਪਲੇਟ ਫਾਰਮ x ਉੱਤੇ ਪੋਸਟ ਕਰਦਿਆਂ ਕਿਹਾ ਸੀ ਕਿ ਉਨ੍ਹਾਂ ਦੇ (attack on kumar vishwas convoy ) ਕਾਫਲੇ ਉੱਤੇ ਹਮਲਾ ਹੋਇਆ। ਦੂਜੇ ਪਾਸੇ ਇੱਕ ਡਾਕਟਰ ਨੇ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਕਾਫਲੇ ਉੱਤੇ ਹਮਲਾ ਨਹੀਂ ਹੋਇਆ ਸਗੋਂ ਕਾਫਲੇ ਦੇ ਸੁਰੱਖਿਆ ਮੁਲਾਜ਼ਮਾਂ ਨੇ ਉਸ ਨਾਲ ਕੁੱਟਮਾਰ ਕੀਤੀ ਹੈ। attack on kumar vishwas convoy in ghaziabad

ਨਵੀਂ ਦਿੱਲੀ/ਗਾਜ਼ੀਆਬਾਦ: ਕਵੀ ਕੁਮਾਰ ਵਿਸ਼ਵਾਸ (Kavi Kumar Vishwas) ਨੂੰ ਗਾਜ਼ੀਆਬਾਦ 'ਚ ਉਨ੍ਹਾਂ ਦੇ ਕਾਫ਼ਲੇ ਉੱਤੇ ਹੋਏ ਹਮਲੇ ਦੇ ਮਾਮਲੇ ਸਬੰਧੀ ਝਟਕਾ ਲੱਗਾ ਹੈ। ਇਸ ਘਟਨਾ ਦੀ ਮੁੱਢਲੀ ਜਾਂਚ ਵਿੱਚ ਇਲਜ਼ਾਮ ਸਾਬਤ ਨਹੀਂ (Allegations not proven) ਹੋਏ ਹਨ। ਫਿਲਹਾਲ ਇੰਦਰਾਪੁਰਮ ਥਾਣੇ ਦੀ ਜਾਂਚ ਜਾਰੀ ਹੈ। ਕੁਮਾਰ ਵਿਸ਼ਵਾਸ ਨੇ ਬੁੱਧਵਾਰ ਨੂੰ X ਉੱਤੇ ਪੋਸਟ ਕੀਤਾ ਸੀ ਕਿ ਅਲੀਗੜ੍ਹ ਜਾਂਦੇ ਸਮੇਂ ਉਨ੍ਹਾਂ ਦੇ ਕਾਫਲੇ 'ਤੇ ਕਾਰ ਸਵਾਰਾਂ ਨੇ ਹਮਲਾ ਕਰ ਦਿੱਤਾ।

'ਪੁਲਿਸ ਦੀ ਜਾਂਚ 'ਚ ਸਾਹਮਣੇ ਆਈ ਇੱਕ ਵੱਖਰੀ ਕਹਾਣੀ'

ਵੀਡੀਓ ਵੀ ਵਾਇਰਲ:ਦਰਅਸਲ ਗਾਜ਼ੀਆਬਾਦ ਦੇ ਵਸੁੰਧਰਾ ਇਲਾਕੇ 'ਚ ਬੁੱਧਵਾਰ ਦੁਪਹਿਰ ਨੂੰ ਪੱਲਵ ਵਾਜਪਾਈ (Pallava Vajpayee) ਨਾਂ ਦੇ ਡਾਕਟਰ ਨੇ ਇਲਜ਼ਾਮ ਲਗਾਇਆ ਸੀ ਕਿ ਜਦੋਂ ਕੁਮਾਰ ਵਿਸ਼ਵਾਸ ਦਾ ਕਾਫਲਾ ਰਵਾਨਾ ਹੋ ਰਿਹਾ ਸੀ ਤਾਂ ਓਵਰਟੇਕ ਕਰਨ ਨੂੰ ਲੈ ਕੇ ਡਾਕਟਰ ਪੱਲਵ ਨਾਲ ਹੋਏ ਝਗੜੇ ਕਾਰਨ ਉੱਥੇ ਮੌਜੂਦ ਸੁਰੱਖਿਆ ਮੁਲਾਜ਼ਮਾਂ ਨੇ ਉਸ ਦੀ ਕੁੱਟਮਾਰ ਕੀਤੀ। ਇਸ ਦਾ ਇੱਕ ਵੀਡੀਓ ਵੀ ਵਾਇਰਲ ਹੋਇਆ ਸੀ, ਜਿਸ ਵਿੱਚ ਸੁਰੱਖਿਆ ਕਰਮਚਾਰੀ ਇੱਕ ਖੰਭੇ ਦੇ ਪਿੱਛੇ ਹਲਚਲ ਕਰਦੇ ਨਜ਼ਰ ਆ ਰਹੇ ਸਨ। ਡਾਕਟਰ ਦੇ ਚਿਹਰੇ 'ਤੇ ਵੀ ਸੱਟਾਂ ਦੇ ਨਿਸ਼ਾਨ ਸਨ। ਇਸ ਤੋਂ ਪਹਿਲਾਂ ਕਿ ਡਾਕਟਰ ਆਪਣਾ ਸੰਦੇਸ਼ ਕਿਸੇ ਨੂੰ ਵੀ ਪਹੁੰਚਾਉਂਦੇ, ਕੁਮਾਰ ਵਿਸ਼ਵਾਸ ਨੇ X ਉੱਤੇ ਪੋਸਟ ਕਰ ਦਿੱਤਾ। ਜਿਸ 'ਚ ਇਲਜ਼ਾਮ ਲਗਾਇਆ ਗਿਆ ਸੀ ਕਿ ਕਿਸੇ ਅਣਪਛਾਤੇ ਵਿਅਕਤੀ ਨੇ ਵਸੁੰਧਰਾ 'ਚ ਕੁਮਾਰ ਵਿਸ਼ਵਾਸ ਦੇ ਕਾਫਲੇ 'ਤੇ ਹਮਲਾ ਕਰਨ ਦੀ ਕੋਸ਼ਿਸ਼ ਕੀਤੀ।

ਇਲਜ਼ਾਮਾਂ ਬਾਰੇ ਜਾਂਚ:ਇਸ ਮਾਮਲੇ ਵਿੱਚ ਏਸੀਪੀ ਸਵਤੰਤਰ ਸਿੰਘ (ACP Swatantra Singh) ਨੇ ਕਿਹਾ ਕਿ ਜਾਂਚ ਕੀਤੀ ਜਾ ਰਹੀ ਹੈ। ਦੋਵਾਂ ਧਿਰਾਂ ਵੱਲੋਂ ਲਾਏ ਇਲਜ਼ਾਮਾਂ ਬਾਰੇ ਜਾਂਚ ਤੋਂ ਬਾਅਦ ਹੀ ਕੁਝ ਕਿਹਾ ਜਾ ਸਕਦਾ ਹੈ। ਮੁੱਢਲੀ ਜਾਂਚ ਬੁੱਧਵਾਰ ਰਾਤ ਤੱਕ ਪੂਰੀ ਕਰ ਲਈ ਗਈ। ਇਸ ਤੋਂ ਬਾਅਦ ਪੁਲਿਸ ਨੇ ਐਕਸ 'ਤੇ ਦੱਸਿਆ ਕਿ ਕਿਸੇ ਅਣਪਛਾਤੇ ਵਿਅਕਤੀ ਵੱਲੋਂ ਕੁਮਾਰ ਵਿਸ਼ਵਾਸ ਦੇ ਕਾਫਲੇ 'ਤੇ ਹਮਲਾ ਕਰਨ ਦੇ ਇਲਜ਼ਾਮ ਮੁੱਢਲੀ ਜਾਂਚ 'ਚ ਸਾਬਤ ਨਹੀਂ ਹੋਏ ਹਨ। ਪੁਲਿਸ ਥਾਣਾ ਇੰਦਰਾਪੁਰਮ ਇਸ ਮਾਮਲੇ ਦੀ ਅਗਾਊਂ ਜਾਂਚ ਦੇ ਹਿੱਸੇ ਵਜੋਂ ਕਾਨੂੰਨੀ ਕਾਰਵਾਈ ਕਰ ਰਹੀ ਹੈ। ਪੂਰੀ ਜਾਂਚ ਤੋਂ ਬਾਅਦ ਕੀ ਸਾਹਮਣੇ ਆਉਂਦਾ ਹੈ, ਇਹ ਜਾਣਨ ਲਈ ਥੋੜ੍ਹਾ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।